Monday, February 18, 2008

ကျနော်၏ ငုတ်တိုနှင့် ………


ကျနော်၏ ငုတ်တိုနှင့် ……… ကမြင်းမ တစ်ယောက် ၏ ဖြဲ ဟ လေကန်ချက်

မောင်……..။
ညနေညနေဆို အဲဒီညောင်ညိုပင် အိုကြီး အောက်က ဆူညံသံစဉ်တွေ လွင့်ပျံနေသလို ရမက်မျက်လုံးအချို့ ရီဝေမျက်လုံးအချို့နဲ့ တခုခု ချို့တဲ့ နေတဲ့ အထီးကျန်သူ တော်တော်များများ အချိန်ဖြုန်းလေ့ရှိတဲ့ အဲဒီလက်ဖက်ရည်ဆိုင်လေးရှေ့က ကျမ အမြဲ ဖြတ်လျှောက် ပြန်နေကျပေါ့…။

အဲဒီလို ဖြတ်လျှောက်ပြန်တိုင်းလဲ ရင်ထဲမှာ ဖရိုဖရဲနဲ့ ဘာရယ် လို့ ကျမကိုယ်တိုင် မသိတဲ့ .. သို့မဟုတ် သိဖို့မကြိုးစားရဲခဲ့တဲ့ အရာ တစ်ခုခုကို ရေငတ်သလို ဆာလောင်စိတ်နဲ့ ကြိတ်မှိတ်တမ်းတရင်း ခြေလှမ်းမမှားအောင် လျှောက်ခဲ့ရတာပါမောင်ရယ်..။

တကယ်တော့ ညအမှောင်မှာ လှအောင်ရဲ့ ဖြားယောင်းမှုကြောင့် ကျမသိပ်ချစ်မိသွားတဲ့ မောင်ဟာ ဆေးလိပ် မသောက်တတ်ပဲ စသောက်ခဲ့ရင်း အမှတ်တရ မောင့်နှုတ်ခမ်းမွေး စစ ကို မီးလောင်သွားခဲ့ရတယ်ဆိုတာ လုံလောက်တဲ့အကြောင်းပြချက် ဖြစ်သင့်ပါသလားမောင်………… လုံလောက်တဲ့အကြောင်းပြချက်ဖြစ်သင့်ပါသလား….။

အဲဒီ လက်ဖက်ရည် ဆိုင် ကလေးရဲ့ လမ်းနဲ့ မနီးမဝေး စားပွဲလေးမှာ အမြဲတန်းဘဲငန်း တစ်ကောင်လို ကျမပြန်လာချိန်နီးတိုင်းလည်ပင်းရှည် နေတတ်တဲ့မောင်ဟာ ကျမ ဘ၀မှာအရေးအပါဆုံး ပေါ့…။
ပြီးတော့ အပြုံးတွေပေးလို့ အမုန်းတွေဝေးစေရင်း ချစ်ခြင်း အတိနဲ့ အပြစ်ကင်းအကြည့်တွေပေးတတ်တဲ့မောင်ဟာ ကျမရဲ့ ခြေသုတ်ခုံလို ရိုကျိုး ခဲ့မယ် ..ကျမရဲ့ အထက်ဆင်လို ခိုင်ကျဉ်ခဲ့မယ် ဆိုတာ ယုံပြီးသားပါမောင်ရယ်…။


တကယ်တော့ ကျမဟာ ခုလို စောစောစီးစီး မောင်နဲ့ ချိန်းတွေ့ဖို့  အစီအစဉ်မရှိခဲ့ပါဘူး …။
အရမ်းရွ အချိန်တန်လို့ နွမ်းလျအိမ်ပြန်ဖို့ အသင့် ဖြစ်နေခဲ့လို့ မဟုတ်ဘူးမောင်……….မှန်းဆ ထမိန်လှန်ချင်တဲ့မောင့်ရဲ့စိတ်ကို
ဘရိတ်အုပ်သင့်ခဲ့တာပေါ့မောင်ရယ်…………။

မောင့်ရဲ့ ပိန်ကပ်ညောင်နာတဲ့ ဥပဓိရုပ်နဲ့ အသံသေးအသံကြောင် အသံပြာပန်းနာရင်ကြပ် စကားသံလေးတွေနဲ့ ကျမရဲ့ သနားစိတ်ကို ငါးမြှားချိတ်မပါပဲ အမိချိတ်ပြီး ငပိသိပ်ဖို့ မောင် ကြံရက်ခဲ့ပါသလားကွယ်……။

..................................
အိမ်ရှေ့ က မန်ကျည်းပင် ငုတ်တိုကြီးပေါ်မှာ ထိုင်လျှက် သူမ၏ စာကိုဆုံးအောင်မဖတ်ချင်တော့ ….။
တကယ်တော့ ဆေးလိပ် စသောက်စ မသောက်တတ်သောက်တတ် ဖြင့် သူမ၏ ထမိန်ပေါ်မီးပွားကျခဲ့သည်ကို အစိုးရိမ်လွန်ခဲ့ရသည့်ကိုယ့်အဖြစ် ဘယ်သူ့ ကိုမှလဲ ရင်ဖွင့်ပြောမပြချင်တော့…..ရင်ထဲမှာသိလိုက်သည်ကတော့
သြော်……… ကမြင်းမ တစ်ယောက်ရဲ့ ဖြဲ ဟ လေကန်ချက်ကို ငါ့ခမျာငေးနားထောင်ရင်း ကြွေကျသွားသည့် ဆေးလိပ် မီး စကို သာ အပြစ်တင်ရင်း…………… မိုးနှင်းတို့ ကတော့ကြွေဆဲပေါ့……………..။


ငြိမ်းဇေဦး



အတွင်းကြေ




အတွင်းကြေ

နုနယ် ပျိုမြစ်ခြင်း ကိုမှ
နာရီလက်တံတွေနဲ့
ကစဥ့်ကရဲ ထုခွဲခဲ့ရတာ
ရင့်ကျက်မှုလေး တပဲသားအတွက် ....
ဒါနဲ့ ပဲ အတွင်းကြေခဲ့ရ.......။

ငြိမ်းဇေဦး