Friday, February 29, 2008

အိုမာခရမ်ရေ.........


အိုမာခရမ်ရေ.........

အိုမာခရမ်ဟာ ၀ိုင်ချိုသောက်
ကြယ်တွေကောက်
ကော်ဇောပေါ်မှာ
တယောက်ယောက်ကို
လွမ်းနေတယ်ဆိုရင်
အဲဒီပါရှားပြည်မှာ
ညဟာ....
ကဗျာတွေဖြစ်တယ်..........။

နင့်ရင်ထဲက
ငါ့ဖြစ်တည်မှုကို
ပိုပိုသာသာတွက်တတ်တဲ့
ငါ့ညံ့ဖျင်းမှုမြင်းအိုတကောင်နဲ့
ခရီးထွက်ခဲ့မှတော့ .....
အဲဒီမြင်းအိုကြီး ပြန်ပြန်ထမ်းခဲ့ရတဲ့အဖြစ်နဲ့........
ငါ့ရင်မှာတော့ဒဏ်ရာတွေဖြစ်တယ်.............။

ဒီညဟာ အင်မတန်အေးတယ်
ငါဟာဒီညကို
ရေခဲတုံးတစ်တုံးလို တမြုံ့ မြုံ့ဝါးဦးမယ် ....
ငါ့ကိုညကပြန်ပြီး ရေခဲရိုက်သွားမှာမပူနဲ့
ငါ့သွေးကြောထဲမှာ အယ်လ်ကိုဟောရှိတယ်
ငါ့စိတ်ထဲမှာ မြိုသိပ်ထားတဲ့အပူတွေရှိတယ်
ငါ့နှလုံးသားဟာ ပေါက်ကွဲစမီးတောင်ဖြစ်တယ်
နောက်တော့ငါဟာ ငါ့ဟာငါလောင်ကျွမ်းနေသူဖြစ်တယ်...။

အိုမာခရမ်ရေ
ခင်ဗျားကိုင်ဖူးတဲ့ရင်သားတွေအောက်မှာ
နှလုံးသားဆိုတာရှိခဲ့ပါသလား.................။


ငြိမ်းဇေဦး