Thursday, April 10, 2008

မျိုးဆက် ပျိုး ည




မျိုးဆက် ပျိုး ည

အာခိမိဒိ နိယာမ ကို
ငါတို့ သတိမရကြဘူး ။

ခွန်အားတွေ အသွားအပြန်
ဟန်ချက် မှန် စီးဆင်း
အသက်ရှူ သံ မျှင်းမျှင်းနဲ့
အာနာ ပါ န ကို သတိမရကြဘူး။

ငါ့ရဲ့ ဆောက်သွားဟာ
ကျောက်သားမှာ နစ်ဝင်
ပီပြင်ပန်းပု ထုဆစ်နေတာမဟုတ်ဘူး။

ဒီကနေ ဆယ်လပြည့်
နေ့ တနေ့မှာ
ဝါးကနဲငို နို့ချိုသောက်မယ့်
လူသားတယောက်အတွက်
မရှက်နဲ့တော့ ချစ်သူရေ……….။


ငြိမ်းဇေဦး



“ဘုန်း ဘုန်း တာ့တာ”




“ဘုန်း ဘုန်း တာ့တာ ”

ဒီခေါင်းစဉ်ကို ဖတ်လိုက်တော့ ဆရာတော် ၊ သံဃာတော် များက ဒေါ်အမာ လည်း ခင်ပွန်း အနိစ္စရောက်တာနဲ့ စိတ်များ ကတောက်တက် ဖြစ်နေရှာထင်ပါရဲ့လို့ ကျမ ကို သနားနေကြမလားမသိပါ။

“ဘုန်းဘုန်း တာ့-တာ” ဆိုတဲ့အသံမျိုး မကြာမကြာ ကြားရလွန်းလို့ နားကလောတာနဲ့ ဒီခေါင်းကို တပ်လိုက်မိတာပါ။ ကျမတို့ဆီမှာ ကလေးငယ်တွေကို လူကြီးမိဘတွေက ဘယ်သူပြန်ခါနီးမှာပဲဖြစ်ဖြစ် “တာ့-တာ” လို့ နှုတ်ဆက် လိုက်ဆိုပြီး လက်ပြခိုင်းနေကြပါတယ်။

မြို့ပေါ်တွင်လားဆိုတော့လည်း မဟုတ်သေးဘူး။ ဒီ တာ့-တာက တောကြို အုံကြားအထိ ပျံ့နှံ့ ဆင်းသက်လို့ နေပါတယ်။
ဒါကိုထောက်ခြင်းအားဖြင့် ကျမတို့မှာ ပြန်ခါနီး နှုတ်ဆက်စရာစကား တစ်ခု မရှိမဖြစ် ၊ အပူတပြင်း လိုအပ်နေတဲ့ပုံပါပဲ။
လိုသမှ မဟားဒယားမို့ ကိုယ့်မှာလည်း မရှိလေတော့ သူများဟာကို အတင်း ဆွဲယူသုံးထားရတဲ့ သဘောမျိုးဖြစ်နေပါပြီ။

“တာ့ -တာ ” ဆိုတာ ဘယ်လူမျိုးက သုံးစွဲတဲ့စကား ၊ ဘာအဓိပ္ပါယ် ရှိတယ် ဆိုတာကို ဇစ်ဇစ်မြစ်မြစ် သိကြတာလဲမဟုတ်ပါဘူး ။ နို့ ပေမယ့် လက်ကလေးလှုပ်ပြပြီး တွေ့ကရာလူကို “တာ့-တာ” နေကြပါတယ်။ တချို့ကများ ကဲသထက်ကဲပြီး “ဘိုင့် ဘိုင်- တာ့ တာ -ချဲရီးယို” အထိ လုပ်နေကြလေရဲ့..။

ကျမတို့ငယ်ငယ်တုန်းက တော့ အိမ်တအိမ်ကပြန်တော့မယ် ဆိုရင် အမေက သင်တာ လူကြီးတွေကို “ဦးတင်ပါသေးရဲ့” လို့ပြော ပြီး နှုတ်ဆက်ခဲ့ရမယ်တဲ့။
နည်းနည်းကြီးလာတော့ “ကျမကိုခွင့်ပြုပါဦး” လို့ နှုတ်ဆက် ခဲ့ရတယ်။ နောက်တော်တော်ကြီးလာပြန်တော့ “ပြန်ပါဦးမယ်နော်” လို့ ပြောရတယ်။ ဒါမြန်မာ့ နှုတ်ဆက်နည်း ဖြစ်မှာပါပဲ။ ခုခေတ်လို လက်ကလေးပြပြီး “တာ့-တာ” လို့ ဆိုမိရင် အမေက လက်များ ပုတ်ချမလား မသိဘူး။ ပြီးတော့ “ ဘာလဲ ညည်းတို့ စကား က တာတယ်ဆိုတာ ကောင်းတာမှတ်လို့ လူထဲ သုံးနေရတာလား” လို့ ငေါက်မှာ အမှန်ပါပဲ။

မြန်မာ စကားက လူပေါ်စ အဆင့်မျိုး မဟုတ်ပါဘူး ။ ကြွယ်ဝပါတယ်။ ဝေါဟာရ မဆင်းရဲပါဘူး။ လူကြည့်ပြီး အသက်နဲ့ အလိုက် ဂုဏ်သိက္ခာနဲ့ အလိုက် သုံးနှုန်းပြောဆိုရတဲ့စကားမျိုးပါ။ ဒီလို ယဉ်ကျေးမှုဟာလူမျိုးတိုင်းမှာတောင် မရှိပါဘူး။ လူ့ယဉ်ကျေးမှု သမနိရှည်လှတယ်ဆိုတဲ့ တရုတ်တို့လို လူမျိုးအချို့မှာသာ ရှိတာပါ။

အဖေလုပ်တဲ့လူအပေါ်ကို ကိုယ်ဘယ်လောက်ကြီး မကျေလည်ပေမယ့် “မင်းကလဲကွာ” လို့ မြန်မာ စကားက ပြောလို့ မရပါဘူး ။ “ခင်ဗျားကြီးကလဲဗျာ” လို့ ပြောမိရင်တောင် “ အဖေကို ခင်ဗျားလုံးကြီး ရိုက်ပြောတာ ရိုင်းလိုက်တာ” လို့ ဆိုပါသေးတယ်။ “ယူ ကလဲ ဂွကျလိုက်တာ ” ပြောချင်လို့လည်း မဖြစ်ပါဘူး။ “အဖေကလည်းအဖေရာ” ဆိုတာမျိုးကို အလွန်ဆုံးပြောရတာပါ။ မြန်မာမှာ ကိုယ်က ပြောချင်တဲ့လူနဲ့ တန်ရာ
ဝေါဟာရကို ရွေးပြီး သုံးစွဲရပါတယ်။ ဒါဟာ မြန်မာ့ယဉ်ကျေးမှုပါပဲ။

ခုတော့ရည်းစားလည်း “တာ့-တာ” ၊ သူငယ်ချင်းလည်း “တာ့-တာ” ၊ ဘုန်းကြီး ရဟန်းလည်း “တာ့-တာ”တဲ့။ ဘယ်လိုများ ဖြစ်နေကြတယ် မသိပါဘူး။

ကျမတို့ မိုးကုတ်သွားလည်ကြတော့ မိတ်ဆွေတွေကို ပြန်မယ်လို့ နှုတ်ဆက်တဲ့အခါ အိမ်တိုင်းက ပြန်နှုတ်ဆက်တဲ့စကားက “ဖြည်းဖြည်း ပြန်ပါရှင်” တဲ့ ။ ဒါဟာ ပြန်ခါနီး လူကို မိုးကုတ်က နှုတ်ဆက်တဲ့စကားပါ။ မိုးကုတ်မှာ လမ်းတွေက မြေပြင်လမ်း မဟုတ်ဘူး။ အတက်အဆင်း ၊ အကွေ့ အကောက်တွေ ကားနဲ့ ခရီးသွားရတာ၊ ကားအမြန်မောင်းရင် အသက်အန္တရာယ် နဲ့ တွေ့ရတာ တွေ့ပေါင်းလည်း မရေတွက်နိုင်ဘူး။ ဒါကြောင့် သူတို့ ဆီမှာ ခွဲခါနီး နှုတ်ဆက် တဲ့ လူတိုင်းကို “ဖြည်းဖြည်းပဲပြန်ပါ” လို့ နှုတ်ဆက်မှာ မှာတာထင်ပါရဲ့။

မေတ္တာစေတနာ ကရုဏာ အပြည့်နဲ့ နှုတ်ဆက်လိုက်တဲ့ စကားမို့ကြားရသူရဲ့ နားထဲမှာ ချမ်းမြေ့ကြည်နူးလိုက်တာ ။ “တာ့-တာ” နဲ့ မကွာလား။
မြန်မာမှာ နှုတ်ဆက် စကားတွေ ကြွယ်ကြွယ်၀၀ ရှိပြီးသားပါ။

လူထု ဒေါ်အမာ

သောင်းပြောင်းထွေလာ မဂ္ဂဇင်း ၊ အတွဲ ၁၈ ၊ အမှတ် ၈၊ ၁၉၈၃ ဧပြီ ။


ဘယ်လိုနှုတ်ဆက်မှုမျိုးနဲ့ အဘွား
ကျောခိုင်းသွားခဲ့ပါသလဲ ………..။

ငြိမ်းဇေဦး