Thursday, June 18, 2009

မထူးဆန်းတဲ့သတ္တ၀ါ

လူ့ အဖြစ်ကို ရလို့ နေတယ်............။
အကောင်းဆုံးဖြစ်အောင် ....
လူပုံအလည်မှာ
ခိုင်ခိုင်မတ်မတ်ရပ်နိုင်အောင်ကြိုးစားခဲ့ရတယ်။

ကိုယ့်အိပ်ယာကိုယ်ပြင်
ကိုယ့် ညစာ ကိုယ် ချက်လို့ 
ဘ၀ကို ပက်ပက်စက်စက် ခုံမင်ကြည့်ခဲ့ရတယ်....။

ဒီနေ့.................ဘာကိုမှမလိုချင်ဘူး.........................။

စမ်းချောင်းလေးတစ်စင်း
တောင်တန်း တခု ..
လေပြေတပွေ့ ..............
မြက်ရိုင်း ရှရှတွေရဲ့ သင်းရနံ့ နဲ့....
တောင်ယာဆန် .........
ပဲပုတ် ကင် တစ်ချပ်...........
ငြုတ်သီးစိမ်း လေးငါးတောင့်............
ဒီည အဲဒါတွေရမယ်ဆို ................
ငါ့တောင်ယာမှာငါ
ဖြောင့်အောင်အိပ်နိုင်မှာ.....ကျိန်းသေရဲ့ကွယ်......။

ငြိမ်းဇေဦး

Wednesday, June 10, 2009

ဓါးကိုင်ရခြင်းအကြောင်း


ဆင်ဖမ်းမှာလား
သွား..သွား..သွား..
ကျားဖမ်းမှာလား...
သွား..သွား....သွား...

ဟောဒီမှာ
ပုဆိုးကိုခြုံ ကွမ်းကိုငုံလျှက်
ဓါးမကိုသွေး အားကိုမွေးကာ
ငါလာခဲ့ပြီ ၀က်ပေါ်ဖို့ ............။


ငြိမ်းဇေဦး

Tuesday, June 9, 2009

မြို့ ဘ၀ကိုစွန့် ခွာချင်တဲ့ရန်ကုန်

ခုဆို ရန်ကုန်ဟာ နှစ်နာရီအတွင်း
ပင်လယ်ပြင်ဖြစ်ဖြစ် သွားတတ်တဲ့
ခုတမျိုးတော်ကြာတမျိုး စရိုက်တွေနဲ့..........။

သူ့ ဗိုက်ပေါ်မှာ
အဆီတထပ်အသားတထပ် ဗိုက်ပေါ်မှာ
စားကောင်းသောက်ဖွယ်တွေနဲ့ စားပိုးနင့်နေတဲ့ အဲဒီဗိုက်ပေါ်မှာ
နှဲသမား ပါးစပ်လို ကြွက်သားအားတွေကကောင်း
အနိမ့်အမြင့်အချွဲအချိုတွေနဲ့ အကဲက ပိုပိုပြတဲ့
ဇာတ်ရံတွေ မင်းသားတွေ ကလဲ ထွန်းကား......။

ထူးခြားချက်ကတော့
ကိုယ်ပြောသမျှ ကိုယ်မယုံတဲ့နေရာမှာ
အကုန်လုံးက ပထမဆုရ......။

ခုထိ
မရိုးနိုင်တဲ့ ပုံပြင်ဟောင်းကတော့
ပါးစပ် အံကတ်ငုံရင်း
စင်ပေါ်က ကို မဆင်းတဲ့ကိစ္စတွေကလဲရှိ..........။

ခက်တာက တက်လာမယ့်သူမှန်သမျှ
ကြိုးတုတ် ထုထောင်း
မရိုးနိုင်တဲ့ချန်ပီယံ ဟောင်းကြီးတွေနဲ့
ရန်ကုန်ဟာ
မိုးသည်းညတွေမှာ
ထထငြီးတယ်
ဒို့ အဖြစ်က မြို့မဖြစ်ချင်တော့ဘူး ကိုရင်ရေ....
ပင်လယ်ကြီးပဲဖြစ်ချင်ပါတော့တယ် တဲ့.......။

ပင်လယ်ပေါ်မှာ
ဘယ်လို လှလှပပ နစ်မြုပ်ကြမယ်ဆိုတာလဲ
ရန်ကုန်သူ ရန်ကုန်သားတွေက ယဉ် ပါး နေသားကကျခဲ့ပြီ ဆိုတော့ကာ...။

တကယ်တော့ ရန်ကုန်ဟာ အကြံကုန်ချင်ယောင်ဆောင်နေတဲ့
မြို့ ကြီးတမြို့လို့ပဲ ငေးလိုက်မိပါတယ်.....


ကိုယ့် ခန္ဓာကိုယ်ငုံလို့  ....
နေခဲ့တော့ရန်ကုန် ရေ ..........။

ငြိမ်းဇေဦး

Friday, June 5, 2009

ရွှေ ... ဆိုတဲ့ရွှေ

ဒို့ လူမျိုးတွေက 
ရွှေမှ ရွှေ ....
လောက်တက်နေနေ 
ရွှေ အဖြစ်က တပြားသားမှမလျှော့
ရွှေမှ ရွှေ ပဲ 
နားထားတော့.........။

အမှန်ဆိုရင်.....

 မျိုးဆက် တခုကို မျိုးဆက်တခုက
 ပေးခဲ့စရာ  
 အကြွေးနဲ့ အနာတွေပဲရှိတဲ့ ဘ၀။

ယုံကြည်ကြောင်း ကို 
လုံခြည်အဟောင်းထဲကလက်သီးပုန်းပြ
တိတ်တိတ်ဆိတ်ဆိတ် ရုန်းကြွ ရတဲ့ ဘ၀။

ကံကြမ္မာကို ဒဏ်ရာတွေနဲ့ငြမ်းဆင်လို့
ကျွမ်းကျင်လိမ်မာ ကြရတဲ့ ဘ၀။ 

နေတတ်သလိုနေ ရင်း 
နေတတ်သလို နေခြင်း ၀ိဇ္ဖာတွေက
အတိတ် ရွှေခေတ်မှာ 
အိပ်နေပစ်တာ အစစ်မှန်ဆုံးလမ်းကြောင်းတစ်ခုလို
စမြုံ့ ပြန် ပြနေကြတဲ့ ဘ၀။

ကယ်တင်ခြင်း ကြိုးတစကို 
အစိုးမရစွာ မျှော်လင့်လို့ ရော်ရင့်ကြရတဲ့ဘ၀။

ငရဲအိုးထဲ ဆွဲကြိုးဆွဲ သူကဆွဲ
ဒုက္ခ ကပ်ဘေးနဲ့ရှင်သန်နေယုံလေးမှာ
လှုပ်ရွ တတ်သေးတဲ့ အကြောအချဉ်တွေနဲ့
မျောချင်သူကမျော...........


သောကမြစ်မှာ မျောသမျှအဖြစ်တွေထဲ
လောဘအသစ်တွေ ထွန်းကား လာ လိုလာ .........

ဒီမှာ....
ဆိုချင်တာဆိုပြောချင်တာပြော..........
အကြွေးနဲ့အနာ ပေးခဲ့တာကိုတောင် 
နောင်မျိုးဆက်က ကျေးဇူးတင်ရမယ့် အလုံးတွေနဲ့
ကိုယ်ရွှေ ကိုယ်မျိုးတွေက ပြုံးပြုံးကြီး မင်္ဂလာယူသေးရဲ့..........။




ငြိမ်းဇေဦး


Wednesday, June 3, 2009

ကျောရိုးမဲ့သတ္တ၀ါများ၏

ကျောရိုးတွေ...
ကျောရိုးတွေ....
ဆွဲထုတ်ခံလိုက်ရသလား
အပေါင်ဆုံးခဲ့သလား
အကြွေးနဲ့အသိမ်းခံလိုက်ရသလား
ခန္ဓာဗေဒသဘောအရ မလိုအပ်ကြတော့လို့ လား......။


သက်သာသလိုနေ နေကြတာပါ
ကိုယ့်ဆရာ.....

ကျောရိုးမဲ့သွေးအေးသတ္တ၀ါ
ရရ စား စား တွင်းအောင်းသွားကြတာပါ
ကိုယ့်ဆရာ.....။

အိမ်တွေအကုန်လုံး ကျဉ်းမြောင်းတဲ့
တွင်းဟောင်းတွေဖြစ်သွား...

လမ်းတလျှောက်မှာ ဗိုက်မှောက်တွားသွားသူတွေ
ပြည့်ကျပ်.......

မြို့ လည်က ဖြတ်သွားတဲ့ရထားကတော့
တဖွဖွအတည်ပြုနေတယ်....
သူ့ ကိုယ်သူ
တကယ့်သူ့ ကိုယ်သူပါ
သူဟာ အဲဒီမှာအကြီးမားဆုံး တွားသွားသတ္တ၀ါ ပါတဲ့ ။

ကျောရိုးမဲ့တွေ တွားတက်
ကျောရိုးမဲ့တွေ တွားဆင်း
ကျောရိုးမဲ့တွေနဲ့ တည်ဆောက်ထားတဲ့ မြို့ သေးမြို့ သိမ်တွေ
ကျောရိုးမဲ့ တွေနဲ့  ပြည့်ကျပ်နေတဲ့ မြို့ အို မြို့ ဟောင်းတွေ
ကျောရိုးမဲ့တွေနဲ့ ပျားပန်းခတ်နေတဲ့ လမ်းအိုကြီးတွေ
အဲဒီတိုင်းပြည်ကြီးကိုယ်တိုင်က ကျောရိုးမဲ့
သူ့ ဖြစ်တည်မှုသူ
တစ စ ခေါက်သိမ်းခဲ့ပြီလေ........။

တချိန်မှာ
ကမ္ဘာဟာ သူ့ အရေပြားပေါ်က ယားနာကွက် ကလေး ကို
တသသ ကုတ်ရင်း လူသားတွေရဲ့ သမိုင်း သင်ခန်းစာတွေကို
ထုတ်ထုတ်ပြတိုင်း အဲဒီရာဇ၀င်ရိုင်းရတဲ့ နေရာမှာ
ကျောရိုးမဲ့သတ္တ၀ါတွေနေခဲ့ကြောင်း..........
ကောင်းကောင်း ဖောက်သည်ချတော့မှာ........။


ငြိမ်းဇေဦး

Tuesday, June 2, 2009

ချောတိုင်



အဲဒီ ည ကလပ်မှာ
ပြိုင်ဖက်ရှိလို့ 
တိုင်ဖက်မိကြသူတွေ မပါဘူး။

ညစာကို
ဘ၀အနာနဲ့လဲနေကြရတာ
လာပါအကို ....
အကို့ မယားမသိအောင်
နို့ကြားအထိ အဲဒီ ငွေစက္ကူလိပ်တွေထည့်လှည့်ပါ။

ပစ်မှားခြင်းဈေးကွက်တစ်ခုကို
လူ့ ယဉ်ကျေးမှုက
အခိုင်အမာထူထောင်ခဲ့ပြီးပြီ ....

လာပါ.... ဒီမှာ လိုသလိုပစ်မှား
ချစ်သွားမှာလဲမကြောက်နဲ့
ပစ်သွားမှာလဲမကြောက်နဲ့ .........။

တက်ကနို တီးလုံးတွေနဲ့
ခရီးအဆုံးထိ လိုက်မှ
မသကာ ညသုံးနာရီပေါ့.....။

ဘီယာတွေ မအီမသာစုပ်မနေနဲ့
ဒီမှာ နိုင်ကွက်မရှိလို့
တိုင်ဖက်မိသူတွေ ရှိတယ်အကို
လိုသလိုသုံး
တညလုံးမှ နှစ်ပြားတပဲ
စကားလဲမရှုပ် အမှားလဲမလုပ်
သဘောလဲ မယိုင်
ကျမတို့ က ချောတိုင်ပါအကို..........။



တကတည်း....
တိုင်ဖက်နေရတဲ့ ချောတိုင်တွေမှာ
ချောတိုင်တက်သူတွေတိုးဝှေ့ လို့
ချောတိုင်တွေဟာ ချောတိုင်အတက်ခံရင်း
ချောတိုင်တွေ လျှောလျှောကျ ရ တဲ့
ချောတိုင်တက်ပွဲတွေ
လျှောလျှောရှူရှူ စည်ကားလွန်းလှသပေါ့..........။


ငြိမ်းဇေဦး

Monday, June 1, 2009

ရွက်ကြွေ ၏ ဒဏ္ဍာရီ

 ရစ်ဝဲ ရွက်ကြွေ 
မြောက်လေ အနော့
 ကိုယ်ဖော့ ကစား
 ပျံသန်း သွား သို့ ။

မြေခ လျှောတိုက်
မောဟိုက်လွင့်မျော
လေစည်းကြောမှာ
ဝေးလွန်းရာ ဆီ...။

ကြွေရွက်ဆိုတာ 
လေသက်ရာနှင် 
မငြိုငြင်တတ်
လွမ်းတတ်လျှင်လည်း
 သူပဲသိမည်....
 ဒဏ္ဍာရီ......။

ငြိမ်းဇေဦး