Friday, July 20, 2012

ကျွန် ရောင်းပွဲ




အားလုံး..............
အကောင်းဆုံးအပြောသမားဆုတွေနဲ့ လူတွေက
ငါတို့ဘ၀တွေကို
ဆောက်လက်စအီဂျစ်ပိရမစ်အသစ်ကြီးဘေးက ကျွန်ပွဲမှာ
လက်ညှိုးထိုးရောင်းသလို
ဈေးစစ်ဖို့ တောင်မလို 
အခွင့်အရေးလက်တညှိုလောက်အတွက်
ရင်ကော့လို့ ၊ ယုံကြည်မှုတွေပြည့်လို့
ကောင်းချီးသြဘာတွေညံလို့
ခပ်မြန်မြန်..........
ဇာတ်ဆန်ဆန် ရောင်းနေတယ်။

ငါတို့ထဲက
ကျွန်ပါးဝနေတဲ့ကျွန်တွေအတွက်တော့
သေသွားတဲ့ပဒေသရာဇ်တိုင်းရဲ့ ပိရမစ်ကို
ချစ်သည်ဖြစ်စေ မုန်းသည်ဖြစ်စေ
ကျောက်တုံးတွေဆစ်၊
ကျောက်တုံးတွေစီ
 ကျောပြောင်ပြောင်မှာ အသားနီတွေလန် လို့ 
သူတို့ အတွက်တော့
ဒါ ထူးဆန်းတဲ့ လက်ပြောင်းလက်လွှဲမဟုတ်ဘူးရယ်ပေါ့။

ထူးထူးဆန်းဆန်းပဲ
 ကျွန်ပွဲစားရဲ့ လေလံပွဲ
ဈေးပြိုင်တွေ ဆွဲနေကြချိန်မှာ
လေလံအောင်သူတွေအတွက်
အ၀ယ်ခံလိုက်ရတဲ့ကျွန်တွေအတွက်
မုဒိတာတွေပွား
အားတွေကျ
လက်ခေါက်တွေမှုတ်
လက်ခုတ်သံထောင်းလမောင်းနဲ့
ကိုယ့်ကိုကိုယ်ကူရောင်းနေကြရဲ့ ။           ။


ငြိမ်းဇေဦး

Sunday, July 15, 2012

လွတ်မြောက်ခြင်းတောင်ပံကိုတန်ဘိုးထားခြင်း

 

 ဘယ်လိုဖြစ်ဖြစ်
မပျိုမျစ်
အပိုဖြစ်သွားတဲ့နှစ်တွေ.......။

ဇာတ်အကြမ်းအနု
မှတ်တမ်းပြု
ဘ၀ကိုလုသွားတဲ့ဖြတ်သန်းမှုတွေ....။

အသက်ဓါတ်က
ခွက်ကပ်ပဲကျန်တော့...။



မှားယွင်း နေမှုတွေကပဲ
အသံမြည်ကြတယ်.........

လွဲချော်မှုတွေကပဲ
စွပ်ကြောင်းထင်ကြတယ်..........

အဖောက်ပြန်ဆုံးရာသီဥတုတွေ ကပဲ
လူ့ ဘ၀တွေထဲ ပွဲဈေးလျှောက်ကြတယ်......

မျက်နှာရိပ်မျက်နှာကဲအပြောင်းအလဲမြန်တဲ့
ကြက်မြီးပါတီပွဲတွေ ရုံပြည့်ရုံလျှံတဲ့ရာသီ
သူခိုး.... တန်ခိုးရှင်ဖြစ်ချိန်မှာ
ဓါးပြက ဘ၀ရှင်ဖြစ်ချိန်မှာ
လူယုတ်က သူမဟုတ်သလို
မင်္ဂလာယူချိန်မှာ....
ဒီအစဉ်အလာတွေပဲ ငါးရစ်တက်သလိုထွန်းကားတဲ့မြေ
မေတ္တာတွေ ဂရုဏာတွေမုန့် လေပွေလို 
ဈးကလဲပေါ ... ကျိုးကျိုးကျွတ်ကျွတ်ကလဲမြည် 
သုံးဆောင်ပြီးရင်လဲ
တမုဟုတ်ချင်းလေလည်တဲ့မြေ
ဘာဟုတ်သေးတုန်း အဲဒီမယ်...
အတိတ်မမေ့လို့ ကိုယ့်ဟာကိုယ်အိပ်မွေ့ချကြသူတွေလဲ  ပေါက်မြောက်ရဲ့............။

ကျုပ်ဟာအတောင်ပံအဖြတ်ခံတဲ့ကြက်တူရွေးတစ်ကောင်မဟုတ်ဘူး
အုံနဲ့ ကျင်းနဲ့အာတဲ့ ကျီးကန်းတစ်ကောင်မဟုတ်ဘူး ....
 အသေသားစားတဲ့ဠင်းတ တကောင်မဟုတ်ဘူး....

ကိုယ့်ဆရာ....
မာကိုပိုလိုရေ
ခင်ဗျား ကျောပိုးအိတ်ထဲက
ကျုပ်ခုန်ချခဲ့လိုက်ပြီ.....

အဲဒီပိုးလမ်းမကြီးကိုချီတက်တဲ့လမ်းမှာ
ကိုယ့်ဘာသာသွားပေရော့ ...

အမြတ်တော့ရမှာပါ 
ခင်ဗျားဟာ 
သားစိမ်းငါးစိမ်းသည်ဆိုရင်ပေါ့...

ကြည့်တော့သွား ဗျာ 
အဲဒီမှာ
 ဝေါဟာရနှစ်ဖက်သွားနဲ့
လက်ယားနေတဲ့ ဓါးသမားတွေတော့ရှိရဲ့..........။




ငြိမ်းဇေဦး

Saturday, July 14, 2012

 နေတတ်သွားတဲ့ မွန်တန်နာနွေည

တစ်ဦးတည်းသောသူအတွက်
လောကဓံတရားလေးပါးရဲ့ ဒီဂရီနဲ့
ကျကျနန ရွရွလေးဖုတ်ထားတဲ့
မေတ္တာဒိန်ခဲကိတ်မုန့် လေးပါ
ဖွဖွလေး..အရသာခံလိုက်.....။

ပြီးရင်...
ဟောဒီကောင်းကင်ကိုထိုင်ကြည့်ကြရင်း
နှစ်ချို့ အာသီသတွေနဲ့ဖောက်ထားတဲ့
ဝိုင်တစ်ခွက်ကို သောက်လိုက်ကြရအောင်
ကြယ်တွေစုံအောင် စောင့်ဖို့ မလိုဘူး
ဘာဆိုဘာကိုမှစောင့်စားစရာမလိုတော့ဘူး။

ငါပင်ပန်းလှပြီ..........
မြေသားပက်ကြားအက်လို
ငတ်မွတ်ခြင်းတွေ....
ချောဆီနဲ့ဝေးလို့ သံချေးအထပ်ထပ်တက်နေတဲ့ဘီးတစ်ဘီးလို
အဆင်မပြေခြင်းတွေ....
ကြိုးပြတ်တယောတွေသာအသံမြည်တဲ့ဆင်ဖိုနီသံစဉ်တွေလို
 ဒုက္ခတွေ....
ဆပ်ကပ်နဲ့ ဆယ်စုနှစ်နှစ်ခုကျော်ဝေးနေခဲ့တဲ့ ဂျွမ်းဘားမယ်လို
လိမ့်လိမ့်ဆင်းလာဖူးတဲ့မျက်ရည်ပူတွေ....
ခေါက်ရိုးထဲခေါက်ရိုးထပ်ကြေနေတဲ့
 နိမိတ်ပုံတွေ....
ကိုယ့်ပါးပေါ်မှာလာနားတဲ့ခြင်တကောင်ကို

ဖျန်း ကနဲ အငြိုးကြီးကြီးရိုက်သတ်သလို

ဆတ်ဆတ်ထိမခံမှုတွေ....
အဲဒါတွေ... အဲဒါတွေနဲ့ ရောဖျော်မထားတဲ့
ကော်ဖီကြမ်းတခွက်ကို ငါသောက်ရင်း သီချင်းတွေဆိုကြမယ်။

ခပ်ဝေးဝေးက ၀ံပုလွေအူသံတွေ
လရိပ်မှုန်မှုန်အောက်က ၀ိုးတ၀ါးဝက်ဝံတကောင်ရဲ့ခြေသံတွေ
တဝေါဝေါလေတိုးနေတဲ့ထင်းရူးတောတွေ
နားစွင့်ကြရအောင်အချစ်ရေ.........။

နိမိတ်ပုံမလို
အဓိပ္ပါယ်ဖွင့်ဆိုချက်မလို...
ဇာတ်ရိုင်းနာဖို့ မလို ...ဘယ်လိုအလွန်အကျွံချွဲပျစ်ခြင်းတွေမှမလိုတဲ့
ဘ၀ရဲ့ကဗျာ ...
ကြည်နူးစွာ ရွတ်ဆိုကြပါစို့  ....။




ကဲလေ တချိန်ကကြီးမြတ်သူများ
 တောမီးလောင်တုန်းတောကြောင်နဲ့လက်ဝါးချင်းရိုက်ကြစမ်းပါစေ

ရပ်တည်မှုတချို့ လဲ လက်သိပ်ထိုးလေလံပွဲတွေမှာဈေးကောင်းတွေရဆိုပဲ ။

 ကိုယ့်ဘ၀ကိုယ်ရဲရဲရင့်ရင့်ထိုးအပ်တဲ့

ပရိဿ  တ် ကြီးရဲ့

သြဘာသံတွေ ၊ထောပနာသံတွေ

 လက်ဝါးတွေအကြောင်းမဲ့နာတတ်တဲ့ခေတ်ရေစီးပဲ...

ဘ၀တွေအတွက်ကတော့

သက်တန်းကုန်သွားတဲ့အာမခံကတ်ပြားတစ်ခုရဲ့ဖြစ်တည်မှုနဲ့တူတဲ့ မီးရှူးမီးပန်းတွေလေ

လှပါရဲ့ တဒင်္ဂ............။

အချစ်ရေ ...
ဥပေက္ခာ ဂီယာကုန်တင်လိုက်ပါ
တယောက်မျက်နှာတယောက်ကြည့်လို့ 
တချို့ အချိန်တွေမှာ ကိုယ့်စောင်းကိုယ်တီး
ကိုယ့်ခရီးကိုယ်နှင်ဖို့ လဲ လိုအပ်တယ်လေ
ငါတို့က ရောမပြည်က ပဒေသရာဇ်မှမဟုတ်တာ...။


 ငြိမ်းဇေဦး