Tuesday, September 15, 2015

အရူးလက်မှတ်


စိတ်ကျခြင်းပိုက်ကွန်ထဲ
စိတ်လိုလက်ရ ဂျွမ်းပစ်ချကြရပုံက
ရေကျချောင်း ပုဇွန်ဆိပ်ကလေးများလို....။


အလျော့ပေးနားလည်လိုက်ရခြင်း လျှော့ကြိုးရှည်ရှည်နဲ့
ကိုယ့်အဘိဓမ္မာကိုယ်ပြန်မျှားကြရတာလဲ
ဘေးမဲ့ကန်ထဲက ပေါက်ပေါက်ဆုတ်နင်နေတဲ့ ငါးကြင်းကြီးများလို....။
ဟိုလူ့ပေးပါ...
ဒီလူ့ပေးပါ...
ဟန်ပါပါ..အသံစာစာ
ရန်စွာစွာ....
ဟုတ်ကဲ့.ခင်ဗျာ
အားလုံးသာရှိတာယူသွား
ခင်ဗျားတို့ လိုဘများပြည့်ဖို့....
မာနတွေ မျိုမျိုချရင်း သည်းခံခြင်း တနပ်ပြီးတနပ်နဲ့
အရပ်ပျက်ခဲ့ရ...။

ဟိုလူ့မပေးနဲ့
ဒီလူ့မပေးနဲ့
မပေးပေး..ပေး
ပေးပေးပေး...
ငါ့ရွှေခွက်ပေး ဆိုတဲ့
ရွဲကုန်သည်ပြဇာတ်က
နောက်ပိုင်းမင်းသားလို...........။

ကမ္ဘာလောကကြီး တရားဝင် ဂေါက်သွားပါပြီခင်ဗျား
အားလုံး..စားသုံး..အမှားဆုံး...သကြားလုံးများအား...
အခုတော့...
အမှန်တရားဟာယာယီ ရှုံးနိမ့်ခဲ့..........။


ငြိမ်းဇေဦး

Thursday, April 2, 2015

"၀ိုင်သောက်သူ လူကြီးမင်းများ"



တပ်စ်က်နီ တောင်ကုန်းလေးတွေပေါ်မှာ
နေညိုလေညှင်းတွေ ပေါ့ပေါ့ပါးပါးရွေ့လျားတယ်၊
မက်ခီယာဗယ်လီ ငဲ့......
သင်သောက်မျို အရသာခံခဲ့သော
တန်ဖိုးမြင့်
သက်တန်းရင့်
ရှားပါး
ဝိုင်အရက်များ လို
ဟောဒီမှာ... ထွန်းကားထိမ်းသိမ်းခဲ့ကြဖူးပါပြီ။

အရှေ့ အလည်ပိုင်းကခရီးထွက်လာတဲ့
စွံပလွန်သီးခြောက် ကလေးများလို
ကိုယ်မရနိုင်တဲ့ ချို အိ အရသာရှိမှုတွေအတွက်
ငါ့မှာတော့ကိုယ့်မျက်လုံးကိုယ် ပြန်ဝါးခဲ့ မြုံ့ ခဲ့ရပါပြီ
ခါးသီးမှုတွေကို မမြင်လိုတော့ချိန်မှာ......
တနည်းအားဖြင့်....စက္ကု အာရုံတွေရဲ့လှိုင်းအလျဉ်တွေကို
ဖြို ချ....
ငိုရလွန်းတဲ့ ကိစ္စများရဲ့ပြုစားမှုကြောင့်ကွယ့်.....။

မက်ခီယာဗယ်လီ ရေ
ဝိုင် ဖြူ ၊ ၀ိုင်နီ ၊ ကဘရီနက်
ပီညော့၊ ချာဒိုနေး......
ကြိုက်တဲ့နာမည်ပေး......
ငါတို့ဆီမှာတော့သွေးနဲ့ မျက်ရည်
လက်လီလဲ ရ ၊ လက်ကားလဲရ
နှစ်ငါးဆယ်မကတဲ့ နှစ်ချို့မှုတွေနဲ့
ဝိုင်အားလုံးထက်ပျစ်တယ်.....။

ငါတို့ဆီက ၀ိုင်တွေထဲမှာ ခံစားမှုတွေလှီးထည့်ထားတယ်၊
ပိုပြီး ဖန်အောင် ချဉ်အောင်လေ၊
သောက်လိုက်လို့လည်မျိုကစီးဆင်းမယ်ဆိုလဲ
အနှေးစီးဆင်းနိုင်အောင်
သွေးပျစ်ပျစ်တွေညှစ်ချထားတယ်၊

ငှဲ့လိုက်မယ်ဆိုရင်လဲ ငိုငြီးသံတွေနဲ့ ဖန်ခွက်နံရံကပဲ့တင်ထပ်တယ်၊
နှာခေါင်းဝတေ့၊ မျက်လုံးကို မှိတ်ပြီး ရှူရှိုက်မယ်ဆိုလဲ
အာခေါင်ခြောက်စေတဲ့
ယမ်း ငွေ့ တွေ နဲ့ ရော စိမ်ထားတယ်....၊
ယမ်းနံ့တွေ  မျွှန်ထူမှုဟာ
အမှန်တော့...
တရှိုက်မက်မက်တောင်ဖြစ်တတ်သေးဆိုပြီး
ဈေးကွက်စီးပွားရေးအမြင်လဲရှိ
နိုင်ငံရေးလက်ဦးမှုလဲရှာတတ်တဲ့
နန်စီပလိုစီကတောင် သူ့ နာမည်နဲ့ တံဆိပ်ကပ်လို့
ရေမွှေးပရောဒတ်ထုတ်ဦးမတဲ့ ငါ့မြေက ယမ်းနံ့နဲ့လေ....။

အချိန်မှန်မှန်
ဘီယာတိုက်၊ နှိပ်နှယ် ၊ ငြိမ့်ညောင်းတဲ့ဂီတနဲ့
ကောင်းရာကောင်းကြောင်းတွေကျွေးမွေးပြီးမှ
ဂရုဏာအပြည့်အသတ်ခံလိုက်ရတဲ့နွားပေါက်တကောင်ရဲ့
တန်ဘိုးကြီး အရသာပြည့်
ဂျပန်ပြည် ကိုဘေးအရပ်က ကိုဘေး ဘိခ်စတိတ် ပန်းနုရောင်မကျက်တကျက်နဲ့
တို့ဆီက ၀ိုင်တွေကို သံတမန်ဖဲဝိုင်းမှာ
လည်ပင်းသွယ်သွယ် ဖန်ခွက်ငယ်ထဲထည့်ပြီး
မြည်းကြပါလေ ....
ဒါမျိုး နော်ဝေမှာရှားတယ်
ဥရောပမှာရှားတယ်
အမေရိကမှာရှားတယ် ........။

ဝိုင်ဟာ စီးပွားရေးဖြစ်ပါတယ်၊
ဝိုင်ဟာ ဘ၀ဖြစ်တည်မှုဖြစ်ပါတယ်၊
ဝိုင်ဟာ ပိုင်ဆိုင်မှုတွေရဲ့ မှော်ဝင်ဝတ္တုတပါးဖြစ်ပါတယ်။
ကျွန်းပင်၊ ကျောက်စိမ်း၊ ပတ္တမြား၊ ရွှေ ကြော
အားလုံးလဲ ရောဖောက်ထားတဲ့ဝိုင်ဖြစ်ပါတယ်။

အအေးစိမ် ၀ိုင်နီတွေကို
ဟောဒီက ပါးပါးလေးလှီးထားတဲ့ ဆယ်လ်မွန် ဆာရှီမီနဲ့
မြည်းပါလို့ .....
ငါက လူကြီးမင်းတို့ကို လောကွတ်မချော်တော့ပါဘူး...
ခင်ဗျားတို့က ငါတို့အားလုံးရဲ့အသားတွေ ဘ၀တွေကို ပါးပါးလှီးပြီး
မြည်းနေကြတာကြာပြီပဲ။

တနည်းအားဖြင့်..
ငါတို့ရဲ့မြေဟာ ဘုရားရှိခိုးကျောင်းဖြစ်တယ်၊
ဒီဘုရားရှိခိုးကျောင်းထဲမှာ ငါတို့ အကျဉ်းကျနေတယ်၊
ဒီဘုရားကျောင်းထဲမှာ ငါတို့ အလိုမတူပဲ သားမယားပြုခံရတယ်၊
ဒီဘုရားကျောင်းထဲမှာ ငါတို့ဖ၀ါးအောက်က မြေထုသေးသေးလေးပျောက်တယ်၊
ဒီဘုရားကျောင်းထဲမှာ ငါတို့ငတ်မွတ်မှုတွေက ငါတို့ကို သွားဖြဲနားဖြဲစားသုံးတယ်၊
ဒီဘုရားကျောင်းထဲမှာ ငါတို့ယုံကြည်မှုတွေ အောက်ဈေးနဲ့ရောင်းခံရတယ်၊
ဒီဘုရားကျောင်းထဲမှာ ငါတို့နုပျိုမှုတွေ ကျုံလှီရတယ်၊
ဒီဘုရားကျောင်းထဲမှာ ငါတို့သားချင်းတွေ ဓါးချင်းယှဉ်ခုတ်ကြတယ်၊
ဒီဘုရားကျောင်းထဲမှာ အခါအားလျော်စွာ
မုသာဝါဒသန်းပေါင်းများစွာ
အချိန်ကျတိုင်း ၀တ်ကောင်းစားလှဝတ်လို့
ဣနြေ္ဒ ရရ လာတယ်၊
ဒူးထောက်တယ် ၊
ဝတ်ပြုတယ်၊ ဆုတောင်းတယ်၊
နောက်တော့ ဘုရားသခင်ရဲ့အသွေးအသားအစား
ငါတို့ရဲ့အသားတွေကိုတလွှာချင်းစားတယ်၊
ငါတို့ရဲ့သွေးတွေကိုတကျိုက်ခြင်းသောက်တယ်
ထုံးစံအတိုင်း ကောင်းချီးပေးလို့ထွက်သွားတတ်ကြပါတယ်
ပြီးတော့...
ဘုရားကျောင်းတံခါးဟာထုံးစံအတိုင်းပိတ်ခဲ့ပါပြီ
အလင်းမဲ့ ပြတင်းပေါက်အမြင့်ကြီးတွေကတော့
ငါတို့ကို ငုံ့ကြည့်ယုံသာကြည့်တတ်ခဲ့။

အဲဒီ....
ငါတို့ရဲ့မြေဟာ ဝေဒနာတွေကို
ရေရေရာရာ သေသေချာချာ ခံနိုင်ရည်ရှိတဲ့မြေ
ကြည့်လေ ကမ္ဘာလောကရဲ့ ကပ်ကြီးသုံးပါးကို
အပြုံးများနဲ့ လက်ခံတယ်၊
တအိပ်ယာထဲအတူအိပ်တယ်၊ လှောင်အိမ်တခုထဲအတူနိုးတယ်
ဒါတွေကရိုးလွန်းနေပါပြီ။

တို့လည်ပင်းတွေကိုနင်းပြီး
ခွင့်လွှတ်နားလည်မှုတွေကို မတောင်းဆိုတဲ့နတ်ဆိုးတွေကို
ပူဇော်ပသ နားလည်မှုအနန္တနဲ့
စွမ်းစွမ်းတမံအကာအကွယ်ပေးကြသူတွေကို
တန်ခိုးရှင်လို လဲ ရိုးရိုးသားသားနိုးနိုးကြားကြား
ကြိုးကြိုးစားစား ကိုးကွယ်ခဲ့ကြပါပြီ။

ခုတော့...
ဝိုင်သောက်သူ လူကြီးမင်းများ
ဝိုင်ဈေးဖြတ်နေကြချိန်မှာ
မက်ခီယာဗယ်လီရဲ့ မင်းသားဟာလဲ
ဝိုင်လေလံတင်ပွဲရဲ့ အော့ရှင်နီယာတယောက်အဖြစ်
ဟောဒီ ပြည်တွင်းစစ်ဆိုတဲ့ ၀ိုင်စည်ကို လက်ညှိုးထိုးလို့
ဈေးပြိုင်စနစ်နဲ့ လက်နက်ချလေလံပစ်နေခဲ့ပါပြီ။

ငါတို့ပြည်တွင်းစစ်ဟာ နှစ်ချို့ဝိုင်တစည်ဖြစ်တယ်
ကျိန်စာတွေနဲ့ သောက်သုံးလော့။ ။

  ငြိမ်းဇေဦး

Wednesday, April 1, 2015

"သေချင်းဆိုးကြီးရဲ့ သူငယ်ပြန်မှုများ"


 မျှော်လင့်ချက်တွေ ပလုံစီတက်သွားခဲ့တာ
မိုးကောင်းကင်ကြီးတခွင်တပြင်ပြည့်နှက်လို့
အားလုံးကတော့ ကောင်းကင်ကိုမော့မျှော်မိတုန်း
မျှော်လင့်ချက် မိုးမဲကြီးရွာချ...........
ဒါ..ကံဆိုးမရဲ့ ဖြစ်စဉ်....
သိပ်ရိုးတဲ့ဖြစ်ရိုးဖြစ်စဉ် ရွှေရတုလွန်။
ဘုရားသခင်ဆိုတာလဲ
လိုအပ်လာရင်ရေရွတ်တိုင်တည်ဖို့
အဆင်သင့်တီထွင်ပြီးသားခေတ်မှာ
ကျီးကန်းအသုတ်ခံလိုက်ရတဲ့ နှံကောင်တကောင်လို
ဘာကိုအပြစ်တင်ရဦးမှာလဲ...........။
ငြိမ်းချမ်းရေးကျည်ဆံတွေ ပလူပျံ
သဘောတူညီချက် မှင်စိုတွေ စာရွက်ပေါ်ခြောက်
လက်မှတ်တွေ ကောက်ထိုးလိုက်တာမှ
အကန်းတယောက် အပ်ပေါက် ထိုးသလို....
ဟောဒီမှာ ပန်းဦးခြွေခံရတဲ့ သိက္ခာတရားတွေ
ရယ်ကျဲကျဲသွားတွေဖြဲလို့.............
စောဘဦးလဲ တောကအရူးသာသာဖြစ်ခဲ့.......။
မေမေ့ပါးစပ်ထဲ ဖြဲ ခွံ့သွားတဲ့ကိတ်မုန့် ဇွန်းကိုင်တဲ့ကောင်တွေကို
သားမုန်းတယ်မေမေ လို့..........
ဟောဒီသေချင်းဆိုးကြီးက နုပြရင်း
ညု ရဦးမှာလား လဲ မသိ။
ဘာပဲဖြစ်ဖြစ် ...
ခင်ဗျားက အိုင်ပက်နေချိန်မှာ
မေမေကတော့ တိုင်ဖက်ပြီး စတိုင်မပျက်
ဒုံးချပ်ချပ်..ဒုံးချပ်ချပ်........
နိုင်ငံတော်နိုက်ကလပ်မှာ
ကော့ကော့..ကျော့ကျော့..မော့မော့လေး
လှယုံထက်ပိုတဲ့ အိုက်တင်လေးနဲ့
စကားနှစ်ခွတွေ တရားကျစရာဖြစ်အောင်ပြောရင်း
သင်းကလေးတွေကို ညှို့ ပြမယ်ဆိုတဲ့ ယုံကြည်ချက်ပိတ်ပါးနဲ့
အစိတ်သားကို ညှစ်မတဲ့..............။
ဒီသေချင်းဆိုးကြီးက ပေါက်စနလို
တခစ်ခစ်ရယ်ရင်း....လက်ခုတ်တီးအားပေးဖို့စောင့်နေခဲ့ပါပြီ။

ြ ငိမ်းဇေဦး

Thursday, March 26, 2015

ယာယီကိစ္စများရဲ့အလွန်


ကျေးလက်ပေါ် သွေးစက်တွေဖိတ်မကျခဲ့ဘူး
သွေးထွက်နေတဲ့ ကျေးလက်တွေပါ...၊
ထွန်ခြစ်ရာတွေနဲ့ ဖြီးလိမ်းခြယ်သတတ်တဲ့
လယ်ယာတွေဟာလဲ ကျောရော ရင်ရောမှာ
သံဆူးကြိုးတိုင်တွေ စိုက်ဝင်လို့
တပ်ပိုင်မြေဖြစ်......။
ပြင်သစ်တော်လှန်ရေးကို မကြားခဲ့ဖူးတဲ့
အလုပ်သမားတယောက်ဟာ
သူ့ဖာသာပြည့်စုံနေတဲ့ ရုန်းကန်မှုတွေနဲ့
ပေါင်မုန့်တဖဲ့လေးကို ဆာလောင်မွတ်သိပ်ခဲ့ပါပြီ။
နင့်ဆီကို ပရာဒါအိတ်အသစ်ကလေးတအိတ်
နှစ်ဆယ့်လေးနာရီအတွင်းရောက်လာခဲ့သလို
တို့ဆီမှာ ရေပေါ်ဆီ...
ဆီဝေ့ဝေ့ထဲက ပိုးလောက်လန်းတွေရှိတယ်
ဂျက်ဆီကာ......
သူတို့ဟာ မကြာခင်ခြင်ဖြစ်
ငါတို့ကို ငှက်ဖျားအစစ်တွေလက်ဆောင်ပေးတော့မယ်တဲ့လေ။
ဘာသာဗေဒဆိုင်ရာ ခွဲခြမ်းစိတ်ဖြာမှုတွေနဲ့
အိပ်ပျက်ခဲ့သူရဲ့ သမ်းဝေသံဟာ
ဘယ်မျိုးနွယ်စုက စခဲ့ပါသလဲ လို့
ငါတို့ စူးစမ်းဖို့ လိုလို့လား...။
ဒီမှာ လီကွန်ယုဆိုတဲ့
မြည်တွန်မှုတွေကိုလဲ
မြွေတွန်သလို
လေချွန်သလို ငါကြားခဲ့ရပါပြီ။
ကစ်ကက်ချောကလက်ကလေးတစ်တောင့်ကို
သန်းခေါင်ကျော် ညနက်မှာ အသံမထွက်အောင်ဖွဖွလေးကိုက်
လျှာပေါ်တင်အရသာခံ ...မျက်လုံးအစုံကိုမှေးစင်း
အိမ်နံရံမှီဆေးလိပ်ဖွာရင်း...
ငါ့သီချင်းတွေထဲက ကောင်မလေးမေ့ကျန်ခဲ့တဲ့
နှုတ်ခမ်းနီဗူးလေးတတောင့်တောင်မှမရှိတဲ့
တစ်ယောက်ထဲညကြီးထဲမှာ....
သူများ နိုးမှာထက် ၊
ငါကိုယ်တိုင်နိုးမှာစိုးတဲ့စိတ်တွေနဲ့ တိတ်တိတ်ကလေး ဖြစ်ခဲ့ဖူးသလို
တောခွေးတွေအူတတ်တဲ့ တောထူထူတောင်ကျောကုန်းတခုကို
အိပ်မက်လိုလို တကယ်လိုလိုလဲ ငါ သတိရတတ်ဖူးရဲ့။

လူသားမျိုးနွယ်စု အပေါ်တာဝန်ကျေချင်တဲ့စိတ်နဲ့
ငါက ချစ်သူကို မိတ်လိုက်ခဲ့တာမဟုတ်ဘူး၊
ပြောမကောင်းအောင် အကြောပေါင်းတထောင်ရဲ့
ထကြွသောင်းကျန်းမှုတွေက
အကောင်းစား အကြောင်းတပါးပါလို့
ငါရိုးရိုးသားသား ကြွေးကြော်ပါရစေ။
ချစ်ခြင်းတရားဟာ ထူးဆန်းခဲ့ပါတယ်
ထူးဆန်းစွာချစ်ခဲ့ခြင်းများကြား
မာတုဂါမ များစွာ...
ကိုးမီလီမီတာတလက်
ပျက်သွားတဲ့ ဇစ်ပိုမီးခြစ်ကလေးတလုံး
ပြီးတော့ ကိုကို့ ကိုမုန်းတယ်ဆိုတဲ့
အချစ်ဆုံးသူလဲပါခဲ့ပါတယ်။
ခုတော့ဂျက်စီကာရယ်..
လက်ပတန်း ဟာ တချို့ တွေကို
ရှက်ရမ်းရမ်းစေခဲ့ပြီ။
လက်ပတောင်းဟာ ချက်ကောင်းကို
မိုက်တိုင်ဆင်ရဲ့ လက်သီးမငှားပဲ
တွဲလုံးတွေပစ်ခတ်ထိုးသတ်ခဲ့ပြီ။
ကိုယ်တိုင်ထောင်ကျနေတဲ့ ဂျက်ဆင်ကတော့
လူခြေတိတ်တိုင်း လေပြင်းနဲ့လွင့်ပါးလာတဲ့သစ်ရွက်ကြွေတွေကိုအားကျ
တစပြင်လို တက္ကသိုလ်ညတွေနဲ့ဝေးရာ
သူပါလွင့်ပါသွားချင်သတဲ့...။
ငါကတော့ပြောလိုက်ပါတယ်
ဂျက်ဆင်ရေ...
နေအထွက်၊ မိုး အသောက်မှာ
ပျောက်သောသူများ
မကြောက်သောသူများ၊ မဖောက်သောသူများဟာ
ဒက်ဖော့ဒဲလ်ပန်းကလေးတွေဖွေးဖွေးလှုပ်ပွင့်သလို
သင့်ရင်ပြင်မှာ ဝေဆာမယ်..........။

  ငြိမ်းဇေဦး

သောက်ဖို့ စိတ်


ချစ်ခြင်းမေတ္တာ၏ အခြားတဖက်၌
 သစ္စာရှိရှိ မပျက်မကွက် အမုန်းတရားတို့
မိုဟာဗီကန္တာရ သဖွယ် မဖုံးမဖိ..
ထီးတည်းတည်ရှိတတ်သေး........။
သူစိမ်းဆန်မှု ဥခွံထဲက
ခက်ခက်ခဲခဲ ခွဲထွက်လာခဲ့ရတဲ့
ရင်းနှီးခြင်းတွေပါ..........။
နားလည်ခြင်းအတွင်းသားတွေ
ဓါးပါးပါးနဲ့ နှစ်ခြမ်းခွဲထားတဲ့
စတော်ဘယ်ရီသီးရဲ့ရင်သားလို
စားသုံးသူရဲ့နှုတ်ခမ်းကိုတောင်ချို စေ
စိုစေ..။
 စိတ်ကို ရေခဲစိမ်ဖျော်ရည်တခွက်လို
ဖန်ခွက်အကြည်ထဲထည့်ရင်း
အဲဒီ ဖန်ခွက်နံရံမှာသီးသီးပြီး
ဝမ်းလျားထိုးလျှောဆင်းလာတဲ့
 ချွေးသီးလုံးကလေးတွေပေါ်မှာ
ဟီးလေးခိုလို့....
သူမ၏ မီနီစကတ်အနားသတ်ထားသော...
မွှေးညှင်းနုကလေးများမယို့မရဲရှင်သန်နေသော
ထို ပေါင်သားနုနုပေါ်သို့ စိမ့်စို လွှမ်းမိုးချင်သည့်
တပ်မက်မှုများအား
သံဝေဂမှတပါး
အပြစ်တစုံတရာမတင်လို............။
ဒီမှာ...
ကို ဟာ ကိုယ့်စိတ်ကို စိမ်ပြေနပြေလည်ပြန်ကြည့်ရင်း
သူမ၏ နှတ်ခမ်းသားအိအိတို့ကြား
တဖြေးဖြေး စီးဆင်းသွားခဲ့.............။
အချစ်ရေ..
ကိုယ့်ရဲ့စိတ်ကို သောက်သုံးပါ...။

  ငြိမ်းဇေဦး

Wednesday, January 21, 2015

ရာမ (ဇာတ်သိမ်းပိုင်း)



အဲဒီရာမဟာ မအေးရဲ့ ရာမ၊ သီတာဒေ၀ီနဲ့ ပြိုင်လုရမယ်ဆိုရင်တောင် မအေးဟာ ရာမကို ရဖို့  လေးပြိုင်ပွဲကိုဝင်ဦးမှာ။ လေးညှို့ ကို သူညှို့ မျက်လုံးတွေနဲ့ ဖမ်းစားညှို့ ငင် ပြီး  သိပ်လှတဲ့သူ့ နှုတ်ခမ်းကွေးလေးနဲ့ပြုံးရင်းသူ့ရဲ့ နက်မှောင်တဲ့ဆံပင်တွေ နဲ့ ရာမရဲ့ဗိုက်ပူကြီး အဝေးမခံဖို့ ပစ်မှတ်ကို ချိန်ရွယ်ရင်း ပစ်ဦးမှာ၊ မအေးက အဲသလိုမအေးပါ။



ရာမဟာ ရထားပေါ်ကို အောင်မြေနင်းတဲ့ ဗိုလ်ချုပ်ကြီးတစ်ယောက်လို ရင်ကော့ပြီးတက်သွားပါပြီ။
စပိန်နွားရိုင်း ကဆုန်စိုင်းသလို အရှိန်အဟုန်နဲ့ရထားဟာ စစ်ကျန် သံလမ်းနှစ်ချောင်းပေါ်မှာ ဒုန်းစိုင်းခဲ့ပြီ။ ရာမလဲ တတွဲ ပြီးတတွဲ လက်ထဲက ကြက်သားကင် ခြင်းကလေးကို ကိုင်ရင်း " ဘော်ဒါတွေ ၊ ၀မ်းကေ" 
"ဘော်ဒါတွေ ၊ ၀မ်းကေနဲ့" ညာဘက်လက်က ဒုတ်ထိုးထားတဲ့ကြက်သားကင်ကလေးကို မြှောက်ရင်း တချောင်းတကျပ် ကြက်ကင် ကို အသက်ငင်လျှာထွက်မတတ် ရောင်းနေရှာပါပြီ ။

ရထားဟာရာမကိုသိပ်သိတာပေါ့၊ ရာမရဲ့ ခြေသံတွေကို ရထားက အလွတ်ကျက်စရာမလိုပဲ အမြဲမှတ်မိနေတတ်တဲ့ ရထား ၊ ခပ်ရှားရှား ရထား ၊ ခပ်အိုအို ရထား ၊ ရွက်ကြမ်းရေကျို ရထား၊ ဒီရထားဟာ ရာမရဲ့ပရိယေသနအတွက်သူ့ ခမျာအိုကြီးအိုမ ဖြစ်နေတာတောင်ဒီလမ်းကြောကြီးမှာ
မငြီးမငြူ ပြေးနေတဲ့ရထား ။ အဲဒီရထားဟာ ရာမရဲ့ ကျေးဇူးရှင်၊ ရာမရဲ့ အလုပ်ခွင် ၊ ရာမ ဘာမှ ဆင်ခြေတက်အပြစ်တင်စရာမရှိတဲ့ရထား။ ဒီရထားအကြောင်းကို ရာမကောင်းကောင်းသိပုံက ၊
ဒီလမ်းကြောအကြောင်းရာမ ကောင်းကောင်းသိပုံကပုဂံရာဇ၀င်ကိုတုတ်ထမ်းပြောမယ့်သူတွေနှံ့စပ်တယ်ဆိုတာ အပျော့ ၊ အလကား ၊ ဘာရုပ်မှမပေါက်၊ ချာတိတ်၊ အဲသလို ရထားနဲ့ရာမဟာ အမြွှာတွေလို ။

ဒီနေ့ရာမ ရဲ့ ကြက်သားကင်ဟာ ထင်သလောက် အရောင်းမသွက်၊ " ဘော်ဒါတွေ ၀မ်းကေ " ဆိုတဲ့ရာမရဲ့အသံလဲ အရင်လောက်အားမတက်၊ အဲသလို အခါများဆို  ရာမ မျက်လုံးမှာ မျက်ရည်တွေ ၀ဲ တတ်၊စိတ်မှာမကြံတတ်မစည်တတ်နဲ့၊မကုန်တဲ့ကြက်သားကင် ခြင်းကလေးကို ဆွဲပြီးရထားပေါ်ကဆင်း၊ ခေါင်းငိုက်စိုက်နဲ့ ထွေးညိုကို ဘေးပေါက်က၀င်၊ တောအရက်ကလေးတခွက်လောက် အကြွေးသောက်ပြီး ညှိုးညှိုးငယ်ငယ်အိမ်ပြန်ရတတ်။ ဒါပေမယ့် ရာမဟာ ဘယ်အခါမှ သူ့ရဲ့ မအေးကို သက်ပြင်းနဲ့ မနမ်းခဲ့ဘူး။ သူ့ရဲ့   နှလုံးထဲက တင်းကြပ်ကြပ်စူးပြီးအောင့်နေတတ်တာတောင် သူဟာ မအေးမျက်လုံးလေးတွေကို မြတ်မြတ်နိုးနိုးစိုက်ကြည့်ပုံကနိဗ္ဗာန်ရဲ့
ဝင်ပေါက်ရှေ့ကိုရုတ်တရက်ရောက်သွားတဲ့သူတယောက်လို ။


ရာမဟာ ကြက်သားကင် ခြင်းကလေးထဲက အကျန်ကြက်သားကင်တွေကို တွေတွေ ငေးငေးငုံ့ကြည့်တယ်၊ ငုံ့ကြည့်ရှာပုံက ငရဲတွင်းအ၀ကတွန်းချမခံရခင် ငရဲသားတွေကို ကြောက်စိတ်အပြည့် နဲ့ ကြည့်ရှာသလို အကြည့်နဲ့။
အဲဒီအချိန်မှာ ငုံးဥပြုတ်သည်ကလေးဟာ ရှေ့ တွဲကနေ ရာမ ရှိနေတဲ့တွဲဆီ သူ့ ငုံးဥပြုတ်ထည့်တဲ့ခြင်းကလေးကို ကျစ်ကျစ်ပါအောင် ကိုင်ရင်း အပြေးတ၀က် ရောက်လာတယ်။  " မီးရထားပုလိပ်နဲ့ လက်မှတ်စစ်တွေ " လို့ ရာမကို လဲ လှမ်းအော်ပြောတယ်။
ငုံးဥပြုတ်သည်လေးနောက်က မှီလာတဲ့ မီးရထားပုလိပ်ဟာ ငုံးဥပြုတ်သည်လေးရဲ့ လည်ကုတ်ကို ဖမ်းဆွဲတာ ရာမ မြင်လိုက်ချိန်မှာ ရာမရင်ထဲ ပထမဆုံး ရဟတ်စီးဖူးတုန်းက ဖြစ်သလို အေးကနဲ ၊ ဟာကနဲ

ဖြစ်သွားရှာတယ်။ ရာမ အဖမ်းခံလို့မဖြစ်ဘူးဆိုတာ  ဘ၀တူ ဈေးသည်တွေအားလုံးသိသလို ရာမသိတယ်။ အရင်းလေးပြုတ်မယ်။ ဒဏ်ရိုက်ခံရမယ်။ အချုပ်ကျမယ်။ ရာမဘယ်လိုမှ ရင်မဆိုင်ရဲတဲ့ ဆုံးရှုံးမှု ။ ရာမရဲ့ မအေး နဲ့ သားလေးသုံးယောက်အတွက် ရာမ တယောက် နောက်လှည့်ပြီး သူ့ ကြက်သားကင်ခြင်းကလေးနဲ့ တဖက်တွဲကို ကူးအပြေး ရာမရင်ထဲမှာ ပူလောင်စူးအောင့်နေတယ်။ ရာမ ရင်ထဲမှာ တန်ခိုးရှင် တပါးပါး ၊ ဘယ်ဘာသာတရားက တန်ခိုးရှင်ဖြစ်ဖြစ် ဒါမှမဟုတ် ဘာ ဘာသာမှမရှိတဲ့ တန်ခိုးရှင်တပါးပါးကဖြစ်ဖြစ် ခုချိန်မှာ ရာမကို ကိုယ်ပျောက်သွားအောင် ချက်ခြင်းမန်းမှုတ်ပြီး ၀ှက်ပေးစေချင်တဲ့ ဆန္ဒတွေ နဲ့ တောင့်တမှုတွေနဲ့ ၊ ရထားဟာ လေကိုထိုးခွဲပြီး ရေကုန်ရေခမ်း ပြေးနေရပေမယ့် ရာမရဲ့ သောကကို စာနာရှာတယ်။ ဒါပေမယ့်ရထားဟာတန်ခိုးရှင်မှမဟုတ်တာ။


ရာမဟာ တတွဲကတတွဲကူးသွားရင်း ရှေ့ တွဲ ကိုမကူးခင် ရှေ့ တွဲက သူ့ ဆီ တူရှူ လျှောက်လာနေတဲ့လက်မှတ်စစ် တယောက်နဲ့  မီးရထားပုလိပ် ကိုမြင်ချိန်မှာ  ရှေ့ နောက်ညှပ်ခံလိုက်ရပြီ ဆိုတဲ့အသိနဲ့  ရာမဟာမီးရထားခေါင်မိုးပေါ်ကိုသူ့ ခန္ဓာ ကိုယ်ကြီးနဲ့တက်ဖို့ကြိုးစားပုံက အာဖရိကန်  ကန္တာရထဲက ခွေးအတွေ ၀ိုင်းအဆွဲခံရတဲ့ ကျွဲ တကောင်ရုန်းသလို ။

 ကမ္ဘာမြေရဲ့ဆွဲအားဟာ ဒီညနေမှာ ရာမကိုမျက်နှာသာမပေးခဲ့ဘူး။ ရထားဟာ  သားချင်းတယောက်ကိုကိုယ်တိုင်သုတ်သင်လိုက်ရတဲ့ အာဏာသားတယောက်ရဲ့ ၀မ်းနည်းမှုမျိုးတွေနဲ့  ၀ိုက်ဝိုက်ကွေးကွေး လမ်းကွေ့ ကလေးကနေ ရာမကိုတောင်လည်ပြန်မကြည့်နိုင်ခဲ့ရှာဘူး။ လယ်ကြွက်ကလေးတကောင်ဟာ  ရထားလမ်းနဲ့မလှမ်းမကမ်းမှာလွင့်ကျနေတဲ့  ကြက်သားကင်ခြင်းကလေးဆီကို အပြေးရောက်လာချိန်မှာ

 နောက်ဆုံးထွက်သက်နဲ့ ၊မျက်ရည်တွေရွှဲ သွေးတွေ ရွှဲနေတဲ့ ရာမဟာ   မအေးရယ်...........လို့ မြည်ကြွေးတမ်းတရင်း ငြိမ်သက်သွားရှာတယ်။

 ဒီညနေကစပြီး ထွေးညို ဆိုတဲ့တောအရက်ဆိုင်ကလေးရဲ့ ဘေးပေါက်က ဗိုက်ပူပူကုလားကြီးတစ်ယောက်  ၀င်လာနိုင်တော့မှာမဟုတ်တော့ဘူး။  အင်မတန်ခမ်းနားတဲ့မေတ္တာတရားကိုကြိတ်အားကျမိတဲ့ခွေးပိန်မလေးနဲ့
 မအေးလည်း မအေးရယ်...ချစ်လို့ ပါကွယ် ဆိုတဲ့ သီချင်းသံလေးကို   ကြားရတော့မှာမဟုတ်တော့ဘူး။ ဘော်ဒါတွေ ၀မ်းကေဆိုတဲ့ သူ့ရဲ့ ကြက်သားကင်ရောင်းတဲ့အသံကိုလဲ

 ဟောဒီလမ်းကြောပေါ်ကခရီးသည်တွေကြားရတော့မှာမဟုတ်တော့သလို။
 ဒါပေမယ့် သီတာဒေ၀ီမဟုတ်တဲ့ မအေးခမျာ တန်းလျားစုတ်ကလေးရဲ့ ပြတင်းပေါက်ဘေးက  မီးတိုင်ခွက်ကလေးနဲ့ အငယ်ဆုံးကလေးကို နို့ တိုက်ရင်းရာမအပြန်ကိုစောင့်မြဲ စောင့်နေဦးမှာ............။



 ငြိမ်းဇေဦး

Tuesday, January 13, 2015

Citizens of Dystopia

 For the exposition of our era
  we only have fallen circumstances
  to show as our own grandeur.

 " Let's hate someone
 for neither in our temple nor in our circle
 decimate them for being different."
 That's the trend of the century,
 century of miscreants.

"Let's make a deal with rogue regime
 come on,  dance and sing with your sweetest smile,
to make nefarious cockroaches happy"

"Let's turn our blind eyes to self-serving,
two-timing, short-selling greatest subservient icon of all time.
Of course ..very rare quality in the history of mankind"
"let's praise the bravery, let's cheer the intelligence
let's sip through our own starving on a whim while doing so"


There..there....
 In which we live
 we willingly deteriorate profoundly
 Thus, we applause and we shout "long live the phonies
long live the phonies, long live the phonies"


Nyein Zay Oo