Wednesday, February 20, 2008

တယောက်ထဲ ဖျားနာည




တယောက်ထဲ ဖျားနာည

ယောက်ျားလဲ အားငယ်တတ်တယ်
ဖျားတယ်ဆိုရင် ရင်ခွင်မျှော်တယ်...
ခေါင်းတိုးလို့ ခိုချင်တယ်
ငြိုငြင်မယ်ဆိုလဲ ဆံပင်ထဲလက်ထိုးလို့
တိုးတိုးလေးအပြစ်တင်ပါကွယ်...။


ငြိမ်းဇေဦး


ကြယ်စင်နတ်သမီးအတွက် အလင်းကြွေ လက်ဆောင်


ကြယ်စင်နတ်သမီးအတွက် အလင်းကြွေ လက်ဆောင် ............

သိပ်အလှမ်းဝေးမှုတွေနဲ့ ပြိုင်ခုတ်မောင်းရတဲ့ ၀ိဥာဉ်တစ်ခုအတွက် နှစ်ယောက်ထဲ ညတွေမှာ ကြယ်ကြွေ အလင်းတန်းကို အနမ်းတွေနဲ့ ငေးချင်ခဲ့တာ...................။


ကြယ်တွေကိုငေးဖို့ပေါ့ .. ဒီတောင်စောင်းတောစပ်ကို ကျနော်တို့ လာခဲ့ကြတာ.....။
ယာယီတဲလေးထိုးလို့ မီးမှန်အိမ်လေး မှိန်မှိန်နဲ့ တယ်လီစကုတ်ဘေးမှာ ကော်ဖီသောက်ကြတယ် ...။
ချစ်သူလေးက ပုခုန်းကိုမှီလို့  တကယ့် အပျင်းမလေးအတိုင်း.......။

တကယ်တော့ထင်ရှား တောက်ပြောင်နေတဲ့ ကြယ်တွေကို ကျနော်တို့ ကျော်လွန်ပြီး မှေးမှိန်အလှမ်းဝေးလွန်းတဲ့ ကြယ်ကလေးတွေကို ရှာဖွေချင်ခဲ့ကြတာပါ...။ ကြယ်ကလေးတွေဟာ အာကာသ ရာသီဥတု တွေကို ထိုး
ဖောက်ရင်း ဘယ်သူ့ အတွက်မှ လင်းနေခဲ့တာမဟုတ်ဘူး..။ သေဆုံးသွားကြတဲ့ အလင်းမဲ့ ကြယ် တွေကို ကျနော်တို့ သတိမမူမိကြဘူး...တကယ်တော့ဝမ်းနည်းဖို့ သိပ်ကောင်းလှရဲ့....။

....................................................................................................

မတ်ခွက်ထဲက လက်ကျန် ကော်ဖီကို ဆက်မသောက်မိတော့ဘူး... ။ ချစ်သူလေးဟာ ကျနော့်ပေါင်ပေါ် ခေါင်းတင်လို့ ကောင်းကင်မှောင်မှိန် လင်း တလှည့် ကို မော့ကြည့်နေတယ် ကြယ်ရောင် ပုခက်တွေ
သူ့ မျက်ဝန်း ထဲလွှဲလို့...။
သူ့ အသက်ရှုမှုနဲ့ ကျနော့်အသက်ရှုမှုဟာ ကြယ်ကလေးတွေလို အလင်းရောင်တန်းတွေ ဖြာထွက်နိုင်မယ်ဆိုရင် ကျနော်တို့ အလင်းတန်းနှစ်ခုရဲ့ ဆုံချက်ဟာ သူ့ မျက်နှာလေးအပေါ်တည့်တည့်မှာပေါ့...။

ကျနော်ဟာ ကောင်းကင်က ကြယ်ကလေးတွေ ကို မေ့ သွားတယ် ကျနော့် ရင်ခွင်အောက်က ကြယ်စင် နတ်သမီး ရဲ့ မျက်လုံးလင်းလင်းတောက်တောက်ကလေး တွေ မနွမ်းစေချင်တဲ့ စေတနာနဲ့
သူ့ နှုတ်ခမ်းလေးကို ငုံ့ နမ်းတယ်....။

ပြီးတော့ ခွေးပေါက်သေးသေးလေးနှစ်ကောင် ကျီစယ် နပန်းလုံးသလို ကျနော်တို့ရဲ့ ပီသတဲ့အသံထွက်တွေအတွက်တာဝန်ရှိတဲ့ အရသာတွေနဲ့ ဇိမ်ခံတတ်တဲ့နူးညံ့မှု နှစ်ခု ယုယုယယ ကျီစယ်ကြတယ်.. ။

ကြယ်စင်နတ်သမီးဟာ ခုတော့ လမင်းနဲ့ မပြိုင်တော့ဘူး ကျေနပ် လှိုက်ဖိုမှုတွေနဲ့ မှေးစင်းပျောင်းနွဲ့သွားခဲ့ချိန်မှာ .... ကျနော်ဟာ သူမကို ပွေ့ ပြီး ယာယီတဲလေး ထဲကို ၀င်ခဲ့တယ်...။ တဲအ၀မှာ သူ မရဲ့ မျက်ဝန်းလေးတွေထဲကို ကြယ်အလင်းတွေခိုး ခုန်ချခဲ့တယ်...
ကျနော့် မျက်လုံးထဲထိသူက မျှဝေလို့ပေါ့......။



ကျနော်ဟာ မြွေတကောင်ဖြစ်သွားတယ် ကြယ်စင်နတ်သမီးဟာ မြွေမလေးတကောင်ဖြစ်သွားတယ် ။ ကျနော်တို့ တဦးကိုတဦး ရစ်တွယ်ချည်နှောင်ကြတယ် ရင်ခုန်သံတွေဟာ တောင်ကြောတခုလုံးက မြက်ရိုင်းတွေကို ကြယ်ရောင်လရောင်အောက်မှာ လှိုင်းထစေတယ်။
ပန်းရိုင်းလေးတွေ လိပ်ပြာငယ်လေးတွေကို တမ်းတစေတယ်။
ခပ်ဝေးဝေးက ၀ံပုလွေတစ်အုပ် ဟာ တယောအလက်ပေါင်းများစွာကို ခပ်တိုးတိုး သံရှည်ဆွဲလို့ တပြိုင်ထဲ
ထိုးကြတယ်...။
ခနကြာတော့ ကြယ်ကလေးတွေ ကြွေကြတယ်..၊
လေပြေနဲ့အတူ ကျနော်တို့ပြိုင်တူ ပူနွေးလို့ တယောက်ကို တယောက် အတင်းကျပ်ဆုံးထွေးဖက်ထားမိတာဟာ ပြီးပြည့်စုံတဲ့ နှလုံးသား နှစ်မြွှာလို ... ၊
ပြီးတော့ လိပ်ပြာတကောင်ရဲ့ တောင်ပံ နှစ်ဘက်လို ပဲ အချစ်ဆိုတဲ့ ခန္ဓာနဲ့ချိတ်ဆက်လို့......
အသက်ဝင်နေကြတာလေ.....။
.............................................................................................
ကျနော်ဟာ ခပ် ခါးခါးကော်ဖီကြမ်း ပူပူတခွက်ကို လက်ကကိုင်ရင်း ပြတင်းတံခါးကိုကျော်လို့ ဝေ့၀ဲကျလာတဲ့ နှင်းပွင့်တွေကို အာရုံနဲ့လိုက်ဖမ်းနေမိတယ် အလွမ်းတွေနဲ့..။

ကျနော့်ရဲ့ ကလပ်စစ်ကယ် ဂစ်တာလေးကို လည်မျိုက ဖမ်းကိုင်လိုက်တယ်... အညှာတာမဲ့မှုတွေနဲ့ ၊
ပြီးတော့ ညာဘက်ပေါင်ပေါ်မှာတင်ရင်း ခေါင်းမလျှော်ရတာ နှစ်ချို့ နေတဲ့ အရူးတစ်ယောက်လို ကျနော့်လက်ချောင်းတွေနဲ့ ခပ်ကြမ်းကြမ်းကုတ်ခြစ်လိုက်မိတယ်...။
ကျနော်မသိတဲ့သံစဉ်တွေ လွင့်စင်ကျလာတယ် ကျနော်ကြယ်စင်နတ်သမီးကို လွမ်းတယ်..ခမ်းခြောက်နေတဲ့ အသံတွေပြိုကျလာတဲ့ ကျနော့်နှုတ်ခမ်းဟာ နတ်စိမ်းပူးသလို ရူးသွပ် တမ်းတမှုတွေနဲ့ သီချင်းတပုဒ် ဖြစ်ခဲ့တယ်။
တကယ်တော့ ကျနော်ဟာ သူယောင်တောမှာ အကျဉ်းကျရင်း ချစ်ရသူအတွက် ကြယ်တွေကို ခိုးပြီး သီကုံး ပန်ဆင်ပေးချင်တဲ့ အတ္တနဲ့ တန်ခိုးမဲ့သူတဦးပါ...........။


ကျနော်လက်ဆောင်ပေးချင်တဲ့ ညဟာ သူ့အိပ်မက်ဖြစ်ခဲ့မယ်ဆိုရင် ကြယ်စင်နတ်သမီးရယ် .. အိပ်မက်ညတိုင်းလင်းစေသားလို့ သီချင်းတွေကြားမှာ ဆုချွေခဲ့တယ် လေ.........................။


ငြိမ်းဇေဦး