ပစ်ပစ်ခါခါ လွမ်းရဲ့...............

ပစ်ပစ်ခါခါ လွမ်းရဲ့...............

ရက်ဗလွန် နှုတ်ခမ်းနဲ့ မနမ်းနဲ့
ညနေရဲ့ ရောင်ပြန်တွေ ပါးမှာ မချယ်သနဲ့
ငါက မင်းနဲ့လမ်းအတူ လျှောက်လိုသူပါ...။

ငါလက်သည်းညှပ်ပေးတတ်ပါတယ်
ရန်လဲကင်း ယုယခြင်းလဲ မြောက်အောင်
ဟုတ်ဘူးလားကြောင်မလေးရယ်...။

ဝိုင်ချိုမသောက်နဲ့ ခံတွင်းဈေးကျတယ်
အချစ်ရယ် ချဉ်ချဉ်တူးတူးမူးပြီးရော
တယောတလက်နဲ့ မပြောရက်ခဲ့တာ
ဒဏ္ဍာရီတွေမဟုတ်ဘူးလေ.....။

မင်းဝေးနေတဲ့အချိန်တွေမှာ
ငါဟာ ပြာကျသွားတဲ့ မာနတရားနဲ့
ဘုရားသခင်နဲ့စီးချင်းထိုးမယ့်
မင်းမုန်းတဲ့မာန်နတ်ကို
တမတ်ပေးပြီး ဘ၀ကူးခိုင်းခဲ့တယ်....
သူကသေချင်ယောင်ဆောင်လို့
ညအမှောင်ကိုပြုစား...........။

ပြီးတော့ မင်းနှုတ်ခမ်းကို
လွမ်းလွမ်းနဲ့
နိဗ္ဗာန်ကိုမီးနဲ့ရှို့ချင်သေးရဲ့.........
မနာလိုမှုတွေနဲ့ ၀န်တိုတယ်..........။

ငြိမ်းဇေဦး

ညရထား……….

ညရထား……….

ရထားဟာ ဘယ်တော့မှ တွေးခေါ်မှာမဟုတ်တဲ့ သူ့ ရဲ့ ခေါင်းကြီးနဲ့ အဲဒီတွဲတန်းရှည်ကြီးကို ကျဉ်းမြောင်းမြောင်း သံလမ်းနှစ်ချောင်း ပေါ်မှာ တလမ်းသွား အဖြစ်နဲ့ ကုန်းရုန်းဆွဲလာခဲ့တာ တကယ်တော့သိပ်ကြာနေပြီ။
ရထားဟာ မြင်းတကောင်လို ခုန်ပေါက် နေရတဲ့သူ့ဘ၀ကိုစိတ်မညစ်ခဲ့ဘူး....တကယ်လို့များ သူ့ရဲ့ ဘ၀ကြီးကို စာနာမယ်ဆိုရင် သံချောင်းနှစ်ချောင်းပေါ်က သူ့ အဖြစ်ကို ချောမွေ့ညက်ညောတဲ့ ပြေးလမ်းတစ်ခုအဖြစ်
ပြုပြင်ပေးခဲ့မယ်ဆိုရင် သူဟာ ခနခန ပစ်လှဲ အိပ်ချပစ်ချင်စိတ်တွေနဲ့ ပြေးနေခဲ့မှာမဟုတ်ဘူး..........
ရထားကပြောတယ် သူ သယ်ဆောင်လာတဲ့ သက်ရှိသက်မဲ့တွေရဲ့ချွေးတွေ သွေးတွေ သက်ပြင်းတွေ မျက်ရည်တွေ သူမသိချင်ပါဘူးတဲ့........သူ့ရဲ့ ပြတင်းပေါက်တွေပေါ်မှာမေးထောက်ရင်း ခြောက်သွေ့ အက်ကွဲ လယ်ကွက်တွေ
ဇီးခြုံပုတ်တွေ ကို ငေးတတ်တဲ့ သတ္တ၀ါတွေ ကို သူမသိချင်ပါဘူးတဲ့........ပြီးတော့ အဲဒီဘူတာလေး ရှေ့ မှောင်ရိပ်ထဲက သစ်လုံးကြီးတွေကြားမှာ ကြေမွပြီးသားဘ၀လေးတစ်ခု ထပ်မံခြေမွ ခံရတာလဲသူမသိချင်ပါဘူးတဲ့..........။

...............................................................................................

ခြင်တွေဟာ လေကြောင်းတိုက်ပွဲတစ်ခုကို အထက်စီးရထားတဲ့ တိုက်လေယာဉ်အုပ်လို ၀ီခေါ်
ပျံဝဲနေတယ်........။
ဝါကျင့်ကျင့် မီးလုံးလေးတွေဟာ ဘူတာ ထဲ က ခုံတန်းကလေးတွေ ပေါ်မှာ မှိန်မှိန်လေးလင်းနေတယ်......။ အမူးသမားတစ်ယောက်ဟာ ခုံတန်းတစ်ခုလုံးကို သူ့ အိပ်ယာတစ်ခုလို အပိုင်စီးထားတယ် သတင်းစာစက္ကူတွေနဲ့
သူ့မျက်နှာကိုလဲဖုံးထားသေးတယ် ညစ်ပေနေတဲ့သူ့ခြေထောက်ကြီးကို နောက်မှီ လက်ရန်းပေါ်တင်လို့.... တရှူးရှူးအိပ်ပျော်နေတယ်..........။

မျက်နှာချင်းဆိုင်ခုံတန်းမှာ ကိုရင်လေးတစ်ပါး အဘွားကြီးတစ်ယောက် ဆေးတံလေးနဲ့ အဘိုးကြီးတစ်ယောက် ထိုင်နေကြတယ်........... ကိုရင်လေးက အဘွားကြီးကပ်နေတဲ့ မတ်ခွက် အဟောင်းကြီးထဲက အချိုရေ တွေကို
လက်နှစ်ဖက်နဲ့ကိုင်ပြီးသောက်ရင်း ရေခဲတုံးလေးတွေကို တဂွပ်ဂွပ်ဝါးနေတယ် မျက်လုံးလေးပေကလပ်ပေကလပ်နဲ့.............၊ ဆေးတံ ဖွာနေတဲ့ အဘိုးကြီးက ကိုရင်လေးသင်္ကန်းစမှာ ပေနေတဲ့ ရွှံ့ခြောက်တွေကို သူ့ရဲ့ ချေးညှော်တွေ
နဲ့ မဲနေတဲ့ လက်သည်းတွေနဲ့ ခြစ်ထုတ်ပေးနေတယ်......။

လက်မှတ်ရောင်းဟာ လွယ်အိတ်စုတ်တစ်လုံးနဲ့ ဘူတာ ရုံ ရဲ့ လက်မှတ်ရောင်းတဲ့ရုံးတံခါးကို ကြေးသော့တံတစ်ချောင်း ထိုးဖွင့်ရင်း အမူးသမား ဆီ မျက်စောင်းထိုးကြည့်ပြီး ထွီကနဲ သူ့ရဲ့ ပါးစပ်ကြီးထဲက ကွမ်းတံတွေးတွေကို
ဘူတာရုံနံရံနားကပ်မှေးနေတဲ့ ခွေးဝဲစားရဲ့ အမြီးနားထိအောင် ထွေးထုတ်လိုက်တယ်.......။
ခွေးဝဲစား ဟာ ဇိမ်တောင်မပျက်ဘူး နားရွက်တချက်နှစ်ချက်ခတ်ပြီး စိတ်ပျက်လက်ပျက် ပြန်မှေးနေတယ်...........။
.............................................................................

ဘူတာဟာ ကုက္ကို ပင် တန်းတွေ တဖက်တချက်နဲ့ သူ့နောက်ကျောဘက် အလုပ်သမားတန်းလျားထဲကလင်မယားရန်ဖြစ်သံတွေ ကလေးငိုသံတွေ ခွေးဟောင်သံတွေ ရိုက်သံပုတ်သံတွေကို နားယဉ်နေခဲ့တာ တော်တော်ကြာခဲ့ပြီ။
ခပ်ဝေးဝေး က ကုက္ကိုပင်ကြီးအောက်က ခုံဝိုင်းလေး ဘေးနားမှာ မိုးကာအစုတ်တချပ်ကို ခင်းပြီး မီးဖိုလေး သေးသေးလေးဘေးမှာ ၀ိုင်းထိုင်နေတဲ့ အိုးမဲ့အိမ်မဲ့မိသားစု တစ်စုဟာ ညရထား ဒီမြို့ဘူတာလေးကိုဖြတ်သွားပြီးချိန်မှာ ဘူတာပလက်ဖောင်း
ပေါ်မှာ တက်အိပ်ခွင့်ရဖို့သေချာချင်မှသေချာမယ်ဒါပေမယ့်သူတို့မိသားစုလေးက ဗိုက်ဟောင်းလောင်းနဲ့စောင့်နေတုန်း.........။

ခြေထောက်မသန်တဲ့ သမီးလေးဟာ သူ့ အမေဘေးမှာ ပြုံးပြီး သူ့ မောင်လေး ပိန်တာရိုးသေးသေးလေးကို သူတို့ ရဲ့ဇာတိမြို့ကလေးက ဘုရားပွဲတခုအကြောင်းပြောပြနေရှာတယ် အဖေလုပ်သူကတော့ သူ ကောက်လာခဲ့တဲ့ ရေစိုဆေးလိပ်တိုလေးတွေကို
မီးကင်လို့ ...........ဖင်စီခံနားမကပ်တကပ် ဆေးလိပ်တိုကိုပါးစပ်မှာကိုက်ဖွာရင်း ခြင်ကိုက်ဖုတွေနဲ့ ရဲရဲနီအစက်အပြောက်တွေထနေတဲ့ သူ့သားလေး ကျောကုန်းလေးကိုကုတ်ပေးနေတယ်....။
အမေဖြစ်တဲ့မိန်းမကြီးကတော့.......... သူ့ရဲ့ ထမိန်စုတ်တစ်ခုကို သေချာခေါက်ပြီးဖင်ခုထိုင်ရင်း မျက်လုံးဟောက်ပက်နဲ့ ဘူတာဘက်ကို ငေးနေတယ်.... ဘာတခွန်းမှမပြောဘူး........။

....................................................................................

ခဏကြာတော့ ခပ်မူးမူး ရယ်သံ တွေ နဲ့ လူ တစု စက်ဘီးတွေ ကို တွန်းရင်းရောက်လာတယ်.............။ ပြီးတော့ဘူတာနောက်မှာသူတို့စက်ဘီးတွေကို သော့ခတ်ကြတယ်........။ ဘူတာထောင့်က သနပ်ခါး ကွက်ကြားနဲ့ လှတပတ ကောင်မလေးရဲ့ ကွမ်းယာဆိုင်မှာ ကွမ်းယာဝယ်ရင်း
ကွမ်းယာဘိုးထက် များတဲ့ဈေး ညှိသံတွေ ထွက်လာတယ်..........။ ကွမ်းယာသည်ကောင်မလေး ကို ခပ်ရင့်ရင့် ဆဲသံတသံထွက်လာတယ် ပြီးတော့သူတို့ဟာ ကွမ်းယာဘိုးပေးလိုက်ကြပြီးတသောသောရယ်ရင်း ထွက်လာကြတယ်..........။
ကွမ်းယာသည်ကောင်မလေး သိပ်နေမကောင်းတာကတော့ကြာလှပြီ...........နတ်ပြည်နဲ့ငရဲကြားမှာ ရွေးစရာတခုခုတော့ သူဆုံးဖြတ်ခွင့်ရလိမ့်မယ်လို့ ကောင်မလေးကမျှော်လင့်ချင်သေးတယ်.............။

............................................................................

အဲဒီ မူးနေတဲ့ လူတစုဟာ ကုက္ကိုပင်ကြီးအောက်က မိသားစုလေးဆီရောက်လာတယ်.........။
လွယ်အိတ်လွယ်ထားတဲ့ ဓါတ်မီးနဲ့ လူက မေးလိုက်တယ်.......... “ခင်ဗျားတို့ ကို ဒီနေရာမှာ နေလို့ရတယ် ဘယ်သူပြောသလဲ”
“ကျမတို့ အညာ က လာတာပါ အမျိုးတွေရှိတဲ့ အရပ်ကို ထွက်လာကြတာပါရှင် ခုက ဆက်သွားဖို့ ခရီးစားရိတ် မရှိတော့တဲ့အပြင် ဒီညစားဖို့တောင် မရှိတော့လို့ပါ”
အမေလုပ်တဲ့ အသားညိုညို မွဲခြောက်ခြောက် မိန်းမကြီးရဲ့စကားအဆုံးမှာ သူ့သမီးလေးဟာ
သူ့ အမေရဲ့ဘေးမှာ ဇက်ကလေးပုပြီး အသက်မရှုရဲတာ သူ့အမေကလွဲလို့ ဘယ်သူမှရိပ်မိပုံမရဘူး.........။

အမူးသမားအုပ်ထဲက ခပ်တောက်တောက်ပြောင်ပြောင် ၀တ်ထားတဲ့သူက ဓါတ်မီးနဲ့လူ ကို ခပ်တိုးတိုးပြောလိုက်တယ်....... ဒီစကားကို သူတို့ကလွဲလို့ အမြဲတန်း သိက္ခာကြီးတခွဲသားနဲ့ အကိုးကွယ်ခံတဲ့ ဘုရားပဲသိမယ် ရှိခဲ့တယ်ဆိုရင်ပေါ့.......။

...........................................................................


အဖေလုပ်သူဟာ ၀မ်းနည်းပက်လက်နဲ့ သူ့မိန်းမ ပိုက်ဆံ တချို့ ကို အမူးသမားတွေဆီကယူပြီး
ခပ်ဝေးဝေးကခေါက်ဆွဲဆိုင်အစုတ်ကလေးဆီ သူ့သားလေးကို ချီရင်း ခပ်သုတ်သုတ်သွားချိန်မှာ
သူဟာလဲ သူ့သမီး မစွမ်းမသန်လေးကို ကျောပိုးရင်း အမူးသမားတအုပ်နဲ့ ဘူတာရှေ့  သစ်လုံးကြီးတွေကြားကို သွားခဲ့ရတယ်......................။
ပြီးတော့ သူဟာ သစ်လုံးတွေကြားမှာ အမူးသမားတစ်အုပ်နဲ့
သူ့ သမီးလေးကိုထားခဲ့ရင်း ................ မိုးကာစုတ်ကလေးဆီကို ပြန်လာခဲ့တယ် .....................မျက်ရည်တွေနဲ့ ...............။

...............................................................................

ဒီည ညရထားဟာ စကားမရှိတော့တဲ့ အဲဒီအိုးမဲ့အိမ်မဲ့လူကြီးကို သူ့ပြေးလမ်းပေါ်မှာ ရုတ်တရက် တွေ့ ရမယ်ဆိုတာတော့ ဘယ်သူမှသိနိုင်မယ့်အရာမဟုတ်ဘူးပေါ့................။

ငြိမ်းဇေဦး