ဝက်အူရစ်ကလေး

ရေစီးကြမ်းတဲ့မြစ်တစ်စင်းက ကမ်းပါးကျောက်ဆောင်နဲ့ငြိနေတဲ့ ပြိုလဲသစ်ပင်တစ်ပင်လိုပဲ တစ်ညလုံးအိပ်မပျော်ခဲ့ဘူး ။ အသုံးတည့်မှုဖော်မြူလာထဲမှာ အချေခံလိုက်ရတဲ့ မသိကိန်း တစ်ခုလို အငွေ့ပျံသွားခဲ့တယ်။ တန်ဘိုးမဲ့ဖြစ်စဉ်မှာ ဟီလီယံလို ဟန်ဆောင်ဖို့ ငါ့အနားမှာ ပူဖောင်း တထုတ်မရှိခဲ့ဘူး။ မှေးကနဲမိန်းမောသွားချိန်မှာ နံနက်ခြောက်နာရီ နှိုးစက်က သူ့ရဲ့ ကျိန်စာကို စတင်ရွတ်ဆိုပြီ။ နီစွေးစွေးတောင်ပံတွေနဲ့ ငှက်တွေတောင် သစ်တောအုပ်ထဲမှာ မရိုးနိုင်တဲ့ဈေးနေ့ကျင်းပနေကြပြီ။ လည်မျိုကဆွဲပြီးချိန်ခွင်ထဲအထည့်ခံရမယ့် ကြက်သေတစ်ကောင်လို အိပ်ယာက ထလိုက်တယ်။ အိပ်ခန်းတစ်ခါးကို ကျောက်ဆူးတစ်ချောင်းဆွဲနှုတ်သလို ဖွင့်လိုက်ပြီး သစ်ဆွဲဆင်အိုလို ရေချိုးခန်းဆီကိုလှမ်းခဲ့တယ်။ မီးဖိုကောင်တာပေါ်က ဆေးလိပ်ဘူးကို ပိုကာရှုံးပြီးပြန်လာတဲ့ဖဲသမားတစ်ယောက်လို ဆွဲယူလိုက်ပြီး အသေခံဗုံးခွဲသမားတယောက်လို မီးညှိလိုက်တယ် အဲလို မိုက်မဲမှုနဲ့ အဲသလို ။ မှန်ရှေ့မှာ ကိုယ်လုံးတီးရပ်ပြီး နာဇီအကျဉ်းစခန်းက ဂျူးတစ်ယောက်လို ခေါင်းငိုက်စိုက်နဲ့မမှိတ်မသုံ ငေးနေမိတယ်။ တကယ်တော့.... အဲဒီဖြစ်စဉ်တွေကို ငါ့ချစ်သူကို မပေးရက်ပါဘူး ။ ---------------------------- ရုံးကိုရောက်တော့ ကော်ဖီတစ်ခွက် ဖျော်လိုက်တယ်။ ဘယ်သူနဲ့မှစကားမပြောဖြစ်ပဲ ကော်ဖီ ခွက်ကို ကိုင်ပြီး အပြင်ထွက်လာခဲ့တယ် အနွေးဓါတ် မဲ့ တဲ့ မနက်နေရောင်အောက်က ရွက်လှပင်လိုလို ပွင့်စရာမလိုပဲအသွေးကြွယ်တဲ့ အပင်ပုတွေအပေါ်က ရေစက်တွေကို လျှာဖျားနဲ့ထိကြည့်ချင်စိတ်ပေါက်လာခဲ့ပေမယ့် မလုပ်ဖြစ်ခဲ့ဘူး ။ အဆောက်အဦအသစ်ဆောက်နေတဲ့ နေရာကို ဖြေးဖြေးမောင်းလာခဲ့တယ်။ဂီယာမပြောင်းဖြစ်ပဲ မောင်းလာခဲ့တဲ့ကားဟာ အိုစာလွန်းတဲ့အဘိုးကြီးတစ်ယောက် လောကကိုအလိုမကျသလို ငြီးတွားရင်း အသိပေးလိုက်တော့မှ သတိရလိုက်မိတယ်။ အလုပ်သမားတွေ က နှုတ်ဆက်ကြတယ်။ မင်္ဂလာမနက်ခင်းတဲ့။ နေကောင်းလားတဲ့ ဒီစကားတွေကို လူ့ သက်တန်းတစ်ခုမှာ အခါပေါင်းသောင်းချီပြီးလူတွေ ရွတ်ဆိုဖြစ်ကြတာပေါ့ ။ ပြောင်လက်နေတဲ့ကော်ဖီခွက်ရဲ့လည်ပင်းကိုဖွဖွကိုင်ထားရင်း အားလုံးကို စိတ်ပါလက်ပါပြုံးပြပစ်လိုက်တယ် ကင်းသမားတစ်ယောက်ရဲ့ ညစ်ထေးထေးတစ်ယောက်အိပ်ခြင်ထောင်လို အရောင်တွေနဲ့.....။ ကျယ်ပြန့် လွန်းလှတဲ့သမံတလင်းကြမ်းပြင်ပေါ်မှာ အစင်းသား လဲနေတဲ့ ၀က်အူရစ်တစ်ချောင်းကို မြင်ရတယ်။ တကယ်တော့အဲဒီဝက်အူရစ် ဟာဆောက်လုပ်ရေးအလုပ်သမား တယောက်ယောက်ရဲ့ ခါးပတ်အိတ်ထဲကပြုတ်ကျချိန်မှာ ခန္တာနဲ့မမျှကြီးမားစွင့်ကားတဲ့ သူ့ ခေါင်းကို ဘီးတခုလို သဘောနဲ့လူးလှိမ့်နေကောင်းနေခဲ့လိမ့်မယ် ခုတော့ တုတ်တုတ်မှကိုမလှုပ်တော့တဲ့ဝက်အူရစ်။ ရည်ရွယ်ချက်အတိအကျမရှိပေမယ့် အဲဒီဝက်အူရစ်ကို ဘယ်လောက်ဝေးဝေး ကန်ထုတ်ပစ်လိုက်နိုင်မလဲဆိုတဲ့ မတွေးမိတဲ့ စိတ်နဲ့ တဖြေးဖြေးလှမ်းလာမိတယ်။ ပုခုံးမှာလွယ်လာတဲ့ ကွန်ပြူတာအိတ်ကို စလွယ်သိုင်းလွယ်လိုက်ပြီး ငယ်ဝယ်ပေးထားတဲ့ဆွယ်တာလက်မောင်းကိုပင့်တင်လိုက်တယ်။ သေချာချိန်ရွယ်ပြီး ရှူးဖိနပ်ဦးနဲ့ဂိုးသမားကိုလှည့်ပြီးဆွဲလာတဲ့ဘောလုံးကို ဂိုးပေါက်ထဲ ပါယ်ပါယ်နယ်နယ်ပစ်ကန် လိုက်သလို ကန်ပစ်လိုက်တယ်။ တပြိုင်နက်ထဲမှာမျက်ခြေပြတ်သွားမှာကိုလဲစိုးတယ် ။ အရှိန်နဲ့ အသံခပ်ကျပ်ကျပ် ကျစ်ကျစ်လစ်လစ် မြည်ပြီး အကန်ခံလိုက်ရတဲ့ဝက်အူရစ်ဟာတရှူးထိုးနဲ့ရှပ်တိုက်ပြေးတော့တာပဲ။ သံချောင်းတွေ သံတိုသံစတွေစုပုံထားတဲ့ အပုံကြီးနဲ့ မနီးမဝေးလောက်မှာ ရပ်သွားတယ်လို့ ထင်လိုက်မိတယ်။ အဲဒီ သံဘောင် ဖြတ်စတွေ သစ်သားစတွေ စုပုံထားတဲ့ အနားမှာ လှည့်ပါတ်ပြီးရှာမိတယ်။ ရှာမိပုံက ပေါင်တချောင်းမြှောက်ပြီး ပိုင်နက်သတ်မှတ်ဖို့  ပြင်နေတဲ့ခွေးတကောင်လို ။ မတွေ့ တော့ဘူး ............။ အဲဒီဝက်အူရစ်ကလေးကိုမတွေ့ တော့ဘူး။ သည်းသည်းမည်းမည်းရှာမိပုံက လက်မှတ်စစ်အလာမှာရထားလက်မှတ်ပျောက်သွားတဲ့ ကုန်စိမ်းသည်လို။ မတွေ့ တော့ဘူး။ စိတ်ထဲမှာ ဟာတာတာကြီးဖြစ်သွားခဲ့ရပြီ။ တကယ်တော့ အဲဒီဝက်အူရစ်ကလေးကို ငါ့အနေနဲ့ မလိုအပ်ပါဘူး။ အဲဒီဝက်အူရစ်ကလေး ရှိနေခြင်း မနေခြင်းဟာ ငါ့ဘ၀ကိုဘယ်လိုနည်းနဲ့မှ အကျိုးမသက်ရောက်နိုင်ခဲ့ပါဘူး ။ .... ပေါင်ပေါ်တင်ထားတဲ့ကွန်ပြူတာ က နုတ်ပက် ထဲမှာ ဒေါင်လိုက်မျဉ်းကလေး မှိတ်တုတ် မှိတ်တုတ်နဲ့ဖြစ်နေတာကိုသတိထားမိလိုက်တော့ ငါ နားလည်လိုက်တယ်...။ အဲဒီဝက်အူရစ်ကလေးဟာ တကယ်တော့ ငါ့စိတ်ထဲမှာ အရစ်ကုန် စွဲပြီး သူ့ ပုံရိပ်ကလေးသူချိတ်သွားခဲ့ပြီဆိုတာ...............................................။ ငြိမ်းဇေဦး

ကိ

ခုတလော အချစ်ကဗျာတွေ ရေးလို့ မရတော့ဘူး ။ ရင်မခုန်တော့ဘူးလား ဆိုတော့လဲဟုတ်သေးဘူး။
အလုပ်ကပင်ပန်း အိပ်ရေးကမ၀ ထွေလီကာလီတွေကနေ့စဉ် နေထိုင်မှုထဲမှာ ပိုပိုများလာတော့စာတောင်မရေးဖြစ်တော့သလောက်ဖြစ်နေတဲ့အနေအထား။
ဒီကြားထဲ လုံမက အမြဲ တန်း စိတ်မချ မှုတွေနဲ့ ၀ုန်းဒိုင်းကြဲမှုဒဏ်ကိုလဲ ခဏခဏ ခံရသေးတော့ လူမှာ ဆံပင်သာမကောင်းရင် ထိပ်ပြောင်ရတော့မယ့်ကိန်းကရှိနေတယ်။
ဘယ်သူမပြုမိမိမှုတွေကလဲ ဘ၀မှာ များခဲ့တာကိုး။ ဒါနဲ့ ခုလို အေးစက်စက် ပျင်းရိဖွယ် တနင်္ဂနွေ နေ့တွေမှာ ရွာနီးချုပ်စပ် လှည့်လိုက်ပါဦးမယ်လေ ဆိုပြီး ထွက်လာရင်းအဘိုးကြီးလေးတစ်ယောက် တုတ်ကောက်နဲ့ တဖြေးဖြေးချင်းလျှောက်နေတာ တွေ့ ရတော့ ကာတွန်းဆရာကြီး ဦးဟိန်စွန်းပြောခဲ့ဖူးတဲ့ပုံပြင်တစ်ပုဒ်ကို သွားသတိရတယ်။


တခါတုန်းက မြို့ငယ်လေးတစ်မြို့မှာ အင်မတန်မှ မိန်းမကိစ္စရှုပ်တဲ့အဘိုးကြီးတစ်ယောက်နဲ့ အင်မတန်မှ အေးဆေးတည်ငြိမ်ပြီး သည်းခံစိတ်ရှိတဲ့ သူ့ ဇနီးအဖွားကြီးတယောက်ရှိသတဲ့။
အဘွားကြီးဟာ ရှိတဲ့ငွေကလေးတွေ အတိုးချပြီး အေးအေးလူလူနဲ့ ဘုရားတရားအလုပ်ကလေးကိုလုပ်ရင်း အင်မတန် တာဝန်ကျေပွန်တဲ့ဇနီးကောင်းတယောက်ဖြစ်သလိုအဘိုးကြီးဟာဘယ်လောက် မိန်းမရှုပ်သလဲဆိုရင် အိမ်မှာ အ၀တ်လျှော် ထမင်းချက်လာလုပ်ပေးတဲ့ မိန်းကလေးတွေကိုတောင် သူက ပြီတီတီ နဲ့ ရရင် ရသလို လက်စွမ်းပြလေ့ရှိသတဲ့။

အဲသလိုမှ မဟုတ်ပြန်ရင်လဲ သူ့ လက်ထဲ ငွေရှိလို့ ကတော့ မြို့ရဲ့ တောင်ဖက် ရပ်ကွက်အစပ်က ပြည့်တန်ဆာလုပ်ငန်း တရားမ၀င် လုပ်ကိုင်နေတဲ့ တည်းခိုခန်းမှာ ပြည့်တန်ဆာအသစ်လေးတွေ
ရောက်တိုင်း တာဝန် ကျေပွန်စွာနဲ့ သွားရောက် လှူဒါန်းလေ့ရှိသတဲ့။

အဲဒီကိစ္စတွေကို အဘွားကြီး သိသွားပြီးသကာလ၊ အဘွားကြီးဟာ သူ့ ယောက်ျားအဘိုးကြီးကို ငွေကြေးဆိုလို့ ခြူးတပြားမှ ပေးမကိုင်တော့ပဲ အဘိုးကြီး ဘယ်သွားသွားဘာလုပ်လုပ် အမြဲတန်း
စိတ်မချမှုနဲ့အရိပ်တကြည့်ကြည့် ဖြစ်နေရတော့တာပေါ့။ သူ့ ခမျာမှာ အိုကြီးအိုမကျမှ သူ့ လင်တော်မောင် ငပွေကြီးကြောင့် ဒုက္ခသစ္စာတွေကိုတောင် မမြင်နိုင်တော့ပဲ သံသရာ ဆိုးကျိုးဖြစ်မယ့်မောဟတွေ သံသယတွေနဲ့ အချိန်ပြည့် အသက်ရှင်နေရတော့တာပေါ့။

အဲသလိုနဲ့ အဘိုးကြီးဟာ ညနေ ဆည်းဆာရောက်ပြီဆို ထမင်း ၀ိုင်းမှာ သူ့ မယား မျက်နှာကို လေးလေးနက်နက် တည်တည်ငြိမ်ငြိမ်ကြည့်ပြီး သူ့ မိန်းမ သူ့ အပေါ်ဘယ်လောက်ကောင်းကြောင်းတွေ
ကို ဟိုး ငယ် ငယ် တုန်းက နေ ပစ္စုပ္ပာန်ကာလအထိ ဗာရာဏသီချဲ့ရင်း ပြောတော့တာပေါ့။

အဘွားကြီးမှာလဲ ရိုးသားမှုကလည်းအပြည့် ၊ တောင်တောင်အီအီတွေလဲ မတွေးတတ် ၊ မစဉ်းစားတတ်တဲ့ သဘောဖြူအူစင်း ၊ ယုံတတ် ၊ ချစ်တတ် ၊ တန်ဘိုးထားတတ်တဲ့ အမျိုးသမီးကြီးကလည်းဖြစ်ပြန်ဆိုတော့
အဘိုးကြီးပြောသမျှ ပြုံးပြုံးလေးနားထောင်ရင်း သူ့ ခမျာ ကြည်နူးရရှာတာပေါ့။

ညစာစားပြီးပြီဆိုတာနဲ့အဘိုးကြီးဟာ အဘွားကြီးလက်ကလေးကိုဆွဲပြီး စပါယ်ရုံလေးတွေ ဇွန်ပန်းရုံလေးတွေ ဘေး ပိတောက် ပင်ကြီးတွေ ၊ ငုပင်ကြီးတွေ ၊ အစီအရီပေါက်နေတဲ့သူတို့ခြံဝိုင်းထဲမှာ
လမ်းလျှောက်တော့တာပေါ့။

အဘွားကြီးမှာလဲ ငယ်မူငယ်သွေးလေးတွေ ပြန် ရ၊ ဟိုးတုန်းက ညားကာစ အကြင်လင်မယား ဘ၀တုန်းက ခံစားမှုလေးတွေပြန်ရှင်သန် ၊ အချစ်ရနံ့လေးတွေတောင်သူ့ စိတ်ကူးထဲ သန်းလာတော့တာပေါ့။

အဲသလိုနဲ့ အကာသ လောကကြီးတစ်ခုလုံးအမှောင်ကျလာချိန်မှာ အဘိုးကြီးနဲ့အဘွားကြီး ဇနီးမောင်နှံဟာ သူတို့ရဲ့ အေးမြငြိမ်းချမ်းလွန်းတဲ့အိမ်ကလေးထဲပြန်ဝင်ပြီး အဘိုးကြီးဟာ ပက်လက်ကုလားထိုင်မှာ ပြေပြေလျော့လျော့ထိုင်ရင်းတခုခုကို အပြန်ပြန်အလှန်လှန်လေးလေးနက်နက်ကြီးကို သုံးသပ်တော့တာပေါ့။ခဏကြာတော့ အဲသလို တယောက်ထဲ မျက်မှောင်ကြုံ့ပြီး သုံးသပ်တွေးတောရင်း
ဖြေးဖြေးလေးလေးနဲကျွန်းလှေကားကြီးလက်ရမ်းကိုကိုင်လို့အိမ်ပေါ်ထပ်ကို ဖြေးဖြေးလေးလေးတက်သွားတော့တာပေါ့။

မကြာခင်မှာပဲ အဘိုးကြီးရဲ့ သြဇာလဲ ရှိ ကျက်သရေလဲ ပြည့်တဲ့ ဘုရားရှိခိုးသံကို ခပ် အုပ်အုပ်ကြားရတော့ အဘွားကြီးမှာ ကွမ်းသီးကလေးတွေ ညှပ်နေရင်းက ရင်ဘတ်လက်နဲ့ဖိပြီး ၀မ်းသာလွန်းလိုက်တာမှ ပြောမပြတတ်လောက်အောင်ပါပဲတဲ့။

အဲဒီ နေ့ ကစပြီး အဘိုးကြီးဟာ မနက်လင်းအားကြီးဆိုလဲ ပရိတ်ကြီး တွေ ရွတ်ဖတ်၊ ဆီမီးတွေ ထွန်း ရေချမ်းတွေကပ် နဲ့ တကယ့်ကို ဘာသာတရားမှာမွေ့ပျော် သွား တဲ့ သတိ သံဝေဂတွေနဲ့ သံသရာ ၊ ဒုက္ခ ၊ ဘ၀ဖြစ်တည်ရခြင်းအကြောင်းတွေကိုနက်နက်ရှိုင်းရှိုင်း
ပြည့်ပြည့်စုံစုံ နှလုံးသွင်းနေသူကြီးတယောက်
အနေနဲ့အဘွားကြီးရဲ့ စိတ်မှာ အင်မတန်မှပီတိဖြစ်မိသတဲ့။

အဲသလို အဘိုးကြီးဟာ ဘုရားနဲ့တရားနဲ့ တည်တည်ငြိမ်ငြိမ် အေးအေးချမ်းချမ်းနေလာလိုက်တာ ဟာ ရက်အတန်ကြာလို့  တစ်လကိုးသီတင်းဖြစ်လာတော့တာပေါ့။
အဘွားကြီးဟာလဲ သူ့ ခင်ပွန်းအဘိုးကြီး တရားအားထုတ်ဖို့ လိုလေသေးမရှိ ဝေယျာဝစ္စတွေအကုန်ဖြည့်ဆည်းလို့ ဇနီးမယားကောင်းတို့ရဲ့ အမူအကျင့်အတိုင်း ပါရမီဖြည့်ရကျိုးနပ်တဲ့သူ့ ဘ၀ကိုကြည်နူးနေတာပေါ့။

တနေ့မှာ အဲဒီ ဇနီးမောင်နှံ ရဟန်းဒါယိကာ အဖြစ်နဲ့ ဆွမ်းကွမ်းဆေးဝါး အစစအရာရာလှူ ဒါန်းနေတဲ့ ဦးပဉ္ဖင်းလေး ဟာ သူ သီတင်းသုံးနေတဲ့ကျောင်းက ဆရာတော်နဲ့ အထက်မြန်မာပြည်ဘုရားဖူးသွားမှာမို့
အဘွားကြီးဟာ ဦးပဉ္ဖင်းလေး အတွက် လိုအပ်တာတွေ စီစဉ်ဆောင်ရွက်ပေးဖို့  အတွက် ပြင်ဆင်နေချိန်မှာ အပါတ်စဉ်အတိုးကောက်ရမယ့် မြီစားတွေနဲ့ အတိုးရောအရင်းရောပြန်ဆပ်မည့်သူတွေ ဆီကို သွားပြီးစာရင်းရှင်းစရာကလဲရှိနေတာပေါ့။

ဒါနဲ့ နေ့ လည်စာ စားပြီးချိန်မှာ အဘွားကြီးဟာ ဓမ္မကထိက လို တည်ငြိမ် အေးချမ်းနေပြီဖြစ်တဲ့ အဘိုးကြီးကို စာရင်း တွေရေးမှတ်ထားတဲ့  လယ်ဂျာစာအုပ်ကလေးပေးလိုက်ပြီး ပြင်ဆင်စရာတွေဆက်ပြင်ဆင်ပြီးကျန်ခဲ့တာပေါ့။

တဖြေးဖြေးနဲ့ မွန်းလွဲ လာယုံမက သူရိယ နေမင်းဟာ အနောက်အရပ်ကိုယွန်းလို့ နွားရိုင်းသွင်းချိန်ရောက်လာတဲ့အထိ အဘိုးကြီးဟာ အိမ်ပြန်ရောက်မလာဘူးတဲ့။

အဘွားကြီးမှာ စိတ်တွေကပူ ၊ ယောက်ျားဖြစ်သူ အဘိုးကြီးမှာ ထွက်သွားတုန်းကလဲ တောင်ဝှေးကလေး တဆ ဆ နဲ့ပေါ့။ တခုခုများဖြစ်နေသလားဆို တဲ့ ပရိဒေ၀ သောကတွေနဲ့ ခြံဝမှာ အဘိုးကြီးပြန်လာမယ့်လမ်းကိုမျှော်ကြည့်နေရင်း
ညီအကိုမသိတသိ မှောင်ရီတရောမှာ အဘိုးကြီးဟာ ညာလက်နဲ့တောင်ဝှေးကလေးကို ထောက် ၊
ဘယ်လက်နဲ့ခါးကလေးကို ပွတ်ရင်း စောင်းငန်းစောင်းငန်းနဲ့ ပြန်လာပါတော့တယ်တဲ့ ။

အဲဒီမှာ အဘွားကြီးက စိုးရိမ်ပူပန်စိတ်တွေနဲ့သူ့ ချစ်ခင်ပွန်း တရားသမားကြီး မြင်းလှည်းများတိုက်မိသလား ၊ ဆိုက်ကားများပွတ်ဆွဲသွားသလား ဆိုတဲ့မေးခွန်းကို အလောတကြီးမေးတာပေါ့။
အဘိုးကြီးက တော့ ဖြေးဖြေးလေးလေးဖြေရှာတာပေါ့ သူ ဘာမှမဖြစ်ကြောင်း ။
အဲဒီလိုဖြေလိုက်တော့အဘွားကြီးမှာ စိတ်သက်သာရ ရသွားပြီး အဘိုးကြီးကို ငွေတွေရခဲ့သလား ဆိုတဲ့အကြောင်းမေးလိုက်တဲ့ အခါမှာအဘိုးကြီးဟာ ပက်လက်ကုလားထိုင် ပေါ် တင်ပါးလွှဲလေးထိုင်ရင်းတောင်ဝှေးကို
တိုင်ထောင့်မှာ ကပ် ထောင်လိုက်ပြီး သူ့ ချစ်ဇနီး အဘွားကြီးကိုမော့ကြည့်ရင်းက အနာဂါမ်ဖြစ်သွားတဲ့ သူတော်စင်လို ' ရှင်မရေ.. ငွေကိစ္စတော့ မမေးပါနဲ့တော့ ... 'လို့ ဖြေရင်း
စကားကတ၀က်တပျက်နဲ့ရပ်သွားပါသတဲ့ ။

အဘွားကြီးဟာ အဘိုးကြီးမျက်နှာက အဓိပ္ပါယ်တွေကို ရှာဖွေ နားလည်လိုတဲ့
မျက်လုံးတွေနဲ့ကြည့်ရင်း အဘိုးကြီးဆက်ပြောမယ့်စကားကိုစောင့်နေချိန်မှာတော့
အဘိုးကြီးက မစုံတော့တဲ့သွားတွေကိုစိရင်း ပါးစပ်ကို မဟတဟ သွားကြားထဲက ထွက်လာတဲ့လေသံနဲ့ ထပ်ပြောလိုက်တာကတော့ ' ကိလေသာ များ တယ်ဆိုးသကွာ ' လို့ ဖြစ်ပါသတဲ့။

အဲဒီမှာအဘွားကြီးဟာ တသက်လုံးထိမ်းလာရတဲ့ဒေါသတွေ ၀ုန်းကနဲပေါက်ကွဲပြီး အဘိုးကြီးမျက်နှာကိုစေ့စေ့ကြည့်ရင်း ' အောင်မယ်လေးတိပိဋကကြီးရဲ့ ......ကိမယ့်ကိကျုပ်ကိ ပါလားတော်..'လို့ခပ်မာမာအော်လိုက်ပါတော့သတဲ့။


ငြိမ်းဇေဦး

နှိုးစက်မမြည်ခင် ဆယ်မိနစ်

.... နွေဦးရင်သားတွေဖူးပွင့်စပြုပြီ။

မနက်နေခြည်ခပ်ဖျော့ဖျော့ ဟာ ပြတင်းပေါက် ယင်းလိတ်ကြား က တဆင့် မျက်ခွံသားပါးပါးကို ကုတ်ခြစ် ဆွဲဟ နေတယ် ။

အိပ်ရာပေါ်မှာ ပက်လက်လှန်နေဆဲပဲ နဖူးနဲ့ မျက်ခုံး တန်းကြား ဆံစတွေအပေါ်မှာ လက်မနဲ့လက်ညှိုး စပ်နေတဲ့ ညာလက်ဖမိုးသား ကိုစောင်းတင်လိုက်ရင်း မျက်လုံး နှစ်စုံကို သစ်စေ့တစ်စေ့က အပင်ပေါက်ကလေးဟထွက်လာသလိုမျိုး ဖြေးဖြေး ပြီးတော့
ဆတ်ကနဲ ဖွင့်လိုက်တယ်။ ကလေးသူငယ်တယောက်က အင်မတန် သန်မာတဲ့လေးညှို့ ကိုဆွဲတင်ဖို့ ကြိုးစားပြီးမှ လက်လျှော့လိုက်သလိုမျိုး မျက်ခွံသားတွေဟာ တမင် ပြန်မှိတ်ကျသွားတယ်။
ပက်လက် ခြေဆန့် လက်ဆန့် ပြီးတော့ ငါးပေအကွာက အားကုန်ကန်သွင်းလိုက်တဲ့ဘောလုံး ဂိုးပိုက်ထဲ ကို ၀င်သွားပြီး လွန့် ပျံ လည်ပတ်ဝေ့၀ဲ ထွေးကနဲ ကျွံဝင်သွားသလို မျိုး ရှုသွင်းလိုက်တဲ့လေထုဟာဗိုက်သားနဲ့ ရင်ခေါင်းတခုလုံးကို ဖောင်းကနဲ
ရုတ်ချည်း ဖြည့်လိုက်တယ် ။ပြီးတော့ ထွက်ပေါက်မရှိတဲ့ မြုံးမိငါးတွေ လို အသက်အောင့်လိုက်တယ် ခနနေတော့ မိုး ဦး တာ ကျိုးသလို အရှိန်နဲ့အဟုန်နဲ့ ရှူထုတ်လိုက်တယ် လှောင်အိမ်တခါးဝက ပျံထွက်သွားတဲ့ငှက်တအုပ်လို။

သိသာတဲ့ ထိန်းချုပ် စေခိုင်းမှု မပါသလိုမျိုးဖြစ်စဉ်အားလုံးဟာအလိုအလျှောက်ဖြစ်နေသလို
တကယ့်ကိုအစစ်အမှန်အလိုအလျှောက်ဖြစ်နေသလို................
အစီအစဉ်တကျအလိုအလျှောက်ဖြစ်နေသလို....။

ခုထိ လည်ပတ်နေဆဲ နာရီ အဟောင်းလေး တစ်လုံးက ဖြူဖျော့ဖျော့ခပ်မျှင်မျှင် စက္ကန့် တံဟာ ကြေးဝါရောင်စက္ကန့် သတ်မှတ်ချက်အတုံးလေးတခုချင်းကို ငါးကြိမ်တိုင် ဖြတ်သန်းပြီးချိန်မှာ တဖြေးဖြေးချင်း လေဖြည့်ခံနေရတဲ့ လေမှုတ် ရုပ်လိုအိပ်ယာပေါ်ကထလိုက်တယ်။

အိပ်ယာခင်းကို ပြန့်အောင် ပြန်ဖြန့်နေတဲ့လက်တွေဟာလိပ်ပြာကူး ကူး နေတဲ့ ရေကူးသမားတယောက်ရဲ့လက်တွေလို ပျော့နေတဲ့ အိပ်ယာခင်းပေါ်မှာ။
အ်ိပ်ယာခင်းရဲ့ ထောင့်စွန်းအစတွေကို သေသေချာချာ မွေ့ယာအောက်ပြန်လိပ်ထည့်နေတာက ဆေးသမားတယောက် မူးယစ်ဆေးထုတ်ကို ၀ှက်နေသလိုမျိုး။
အရိုးမပါတဲ့ခေါင်းအုံး နှစ်လုံးဟာ တလုံးကိုတလုံးထပ်လျှက်နဲ့ ဘယ်တော့မှ ပဋိသန္ဓေ ထွန်းကားမှာမဟုတ်တဲ့ ချစ်ခြင်းနဲ့ ဒီအိပ်ယာပေါ်မှာ အခန့်သားအိမ်ယာထူထောင်နေတယ်။
ပိုမိုတိကျ အောင် သေသေချာချာ ညှိပြီး ခေါင်းအုံးနှစ်လုံးကိုပြန်ထပ်လိုက်တယ် ပြီးတော့ ခေါင်းရင်း အလည်တည့်တည့်မှာ နေရာချလို့ ။

အပြာနုရောင်ခြုံစောင်ကို ဆွဲမပြီး မိုးရေအောက်မှာ နာရီပေါင်းများစွာ ခိုနားရာရှာရင်း နှာချေလိုက်တဲ့ လူတယောက်လို ဗြန်းကနဲ ခါလိုက် ပြီး လေးဘက် ညီ တိတိကျကျ ခေါက်လိုက်တယ်။
မျှော်မှန်းထားသလောက်မကောင်းတဲ့ ဟာသ ဇာတ်လမ်း ကို ဦးဦးဖျားဖျားကြည့်ရင်း စိတ်ပျက်မှုနဲ့ ပြန်ထွက်လာတဲ့  ပရိသတ် တဦးလို အိပ်ခန်းတံခါးကို ဖြေးဖြေးဆွဲဖွင့်လိုက်ပြီး ရေချိုးခန်းဆီကို ဦးတည်လိုက်တယ် စိုးရိမ်စရာ လမ်းပြ ပုလိပ်မရှိပေမယ့်
တကယ့်ကို သတိ အစဉ်ကပ်လို့  ။

အရပ်က ၀ိုင်းလိုက်တာ ခံရတဲ့ တခါဖူးမျှ မကျူးလွန်မိဖူးတဲ့ ၊ အကြံအစည်အစွမ်းအစတွေအကုန်
ခြောက်သွေ့ ညှိုးနွမ်း အောင်စုတ်ထုတ်ခံလိုက်ရတဲ့ ၊ သူခိုး တကောင်လို ရေချိုးခန်းတံခါးကိုဆွဲဖွင့်လိုက်ပြီး ၊ လေထဲမှာ ဝေ့၀ဲလာတဲ့ကြက်တောင်ကို ဖြတ်ကနဲရိုက်ချလိုက်တဲ့ အားကစားသမားလို ဇတ်ကနဲပြန်ပိတ်ပစ်လိုက်တယ် ။
မှောင်ကျသွားတယ်။
မီးမဖွင့်ဘူး ။
တကယ့်ကို မီးမဖွင့်ဘူး ။
ရည်းစားဦး က ပြတင်းပေါက်က ကျော်တက်လာပြီး အနမ်းခံအပွေ့ခံ အယုယခံလိုက်ရတဲ့အပျိုမလို ကို ပဲ
လုံးဝ မီးမဖွင့်ဘူး ။

မာကျောအေးစက်နေတဲ့ ရေချိုး ကြွေကန်ထဲကို ၀င်ထိုင်လိုက်တယ် တခါမှ
မယုံကြည်တဲ့ ဘာသာရေး အစဉ်အလာတစ်ခု နဲ့ ဘယ်သူကမှ ဓါးမိုး မသွပ်သွင်းပဲ ကိုယ့် ရောထွေးမှုနဲ့ကိုယ် ရေထဲ ခေါင်းငိုက်စိုက်ထိုးချရတော့မယ့် တွေတွေဝေေ၀ လူတယောက်လို ပက်လက်လျှောချလိုက်တယ်။

လျှောချလိုက်ပုံက မိုင်ပေါင်းများစွာကကြိုးပြတ်ပြီး လေဟုန်စီးလာတဲ့စက္ကူစွန်ဟာ တဖြေးဖြေး နိမ့်လျှောကျလာရင်း
မြေကြီးနဲ့တကိုက်အလိုမှာ
ဝေ့၀ဲ ငိုက်ဆင်းလာသလိုမျိုး။

အဲဒီမှာပဲ ည ဟာ ကျကျနန အတုလုပ်ခံရတော့တာပဲ ။ ပုံမှားရိုက်ခံရတော့တာပဲ ။ အလွဲသုံးခံရတော့တာပဲ ။ အဖန်တီးခံရတော့တာပဲ ။ အမွေးဖွားခံရတော့တာပဲ ။ သိက္ခာချခံရတော့တာပဲ ။ အောက်ဈေးနဲ့ တပါတ်ရိုက်ခံရတော့တာပါပဲ။
တကယ်တော့ခုချိန်ဆို ညဟာ တခြား ကမ္ဘာတဖက်ခြမ်းမှာပါ ......................။

ရေချိုး ကြွေကန်ထဲက ခန္ဓာကိုယ်ကြီးဟာခြေတဖက် ဆန့် ခြေတဖက် ကြွေဘောင်ပေါ်တင်လို့ ဖားတကောင်လို ရင်ဘတ်နဲ့ အသက်ရှုနေရင်း ဇက်ကြောတင်းတင်းဆွဲခံရတဲ့ ၀န်တင် လား တကောင်လို ဆတ်ကနဲတုန့် ကနဲ ဖြစ်သွား ရချိန်မှာ
နာရီနှိုးစက်သံဟာကြိုး ကြာပွတ် သန်သန် တချောင်းရဲ့ ရိုက်ချက်တွေလို.......................။

ဆောင်းနှောင်းဂါဝန်တွေ ပြေလျှောကျ ခဲ့ပြီ ။သဘာဝတရားကတော့ နှိုးစက်ရဲ့ရိုက်ချက်နဲ့ကင်းလွတ်လို့ ......။



ငြိမ်းဇေဦး

မောဟသလ္လာ

နှင်းတို့ ဖွေးဖွေး အေးစက်...ဖြေးဖြေးကြွေကျ........ဝေ့ကနဲဝဲကနဲ။
နက်ပြာရောင်သက္ကလပ် ကုတ်အင်္ကျီအရှည်ကြီးကို ဆွယ်တာ အညိုရင့်ရောင်ပေါ်ထပ်ဝတ်လိုက်သည်။
နံနက်ခင်းလား ညနေခင်းလား မပြောနိုင်လောက်သည့် တဆင်တည်းသော မှိုင်းပျမှုဖြင့် သြကာသလောကတစ်ခုလုံးဖွေးဖွေးလှုပ်နေပြီး အေးစက်ကျစ်လျစ်နေသည်ကလွဲ၍ အရာအားလုံးအိပ်စက်နားနေ နေကြသလို။
နှင်းစီးဖိနပ်ကိုဖြေးဖြေးစွပ်ရင်း ပြတင်းပေါက်မှကျော်၍ လေးပေပတ်လည် အပြင်လောကကိုမြင်နေရ၏။
တနင်္လာနေ့ဆိုလျှင်မျက်လုံးစစ်ဆေးရန်ဆရာဝန်နှင့်တွေ့ရဦးမည်အမြင်အာရုံကတော့ကောင်းနေဆဲဖြစ်သော်
လည်းနည်းနည်းမကြည်လင်တော့ဟု ယူဆမိသဖြင့်ဖြစ်၏။

အဖြူရောင်နံရံတွင် ချိတ်ထားသောသော့တွဲကို ညင်သာစွာယူလိုက်၏။ တိတ်ဆိတ်ငြိမ်သက်နေသော ဧည့်ခန်းထဲတွင် စပယ်နံ့ အတု မှ လွဲ၍ အာရုံကို လှိုင်းထဖွယ်မည်သည့် ရုပ်ဖြစ်စဉ်မှရှိမနေ။ ဘုရားစင်မှ ဆီမီးတိုင်သည်ပင် ငြိမ်းလျှက်။

ဝမ်းကဟာနေသည်။ ကော်ဖီသောက်ချင်သည်။ မနက်စာ တခုခုစားချင်သည်။ နွေးထွေး အဟာရပြည့်သော မနက်စာ ကို စားပြီးကော်ဖီတခွက်သောက်ရင်း စီးကရက်တစ်လိပ်ဖွာချင်သည်။
ခွေခေါက်ရှုပ်ထွေး ပွစာကြဲနေခဲ့တတ်သော အာရုံတို့သည် ယခုအခါ စီစီရီရီ ဖြင့် ဖိနပ်စင်က ဖိနပ်များလို
သူ့ နေရာနှင့်သူ ဖြစ်သင့်သလောက်ဖြစ်နေပေပြီ။
စပယ်ပင်က စပယ်ဖူးလေးတွေလို ၊ သင်္ကန်းတလွှာက ချုပ်သားတွေလို သူ့ နေရာနဲ့သူ တကယ့် ကျကျနန အစီအစဉ်ရှိရှိ တော့မဖြစ်သေး။

ယက်ကန်းစင်က လွန်းနှင့် တူသည့် သတိတရားဖြင့် ကျကျနန စုစည်း ဖွဲ့ တည်ပါမှ ဖြစ်မည့် ပြန့်ကျဲအာရုံများ နောက် ဆန်စင်ရာကျည်ပွေ့လိုက်သလိုနေခဲ့မိသော ကာလများ ..ထို့နောက် ဖြတ်သန်းလာခဲ့သောကာလများမှ ကပ်ပါတွယ်ညိလာသော ၀န်ထုတ်ဝန်ပိုးများ စိတ်အညစ်အကြေးများ ထိုအရာတို့စုစည်း ပုံဖော်ထားသော ခန္ဓာရုပ်နှင့် စိတ်စေတသိက်တို့မောင်းနှင်နေသော ဘ၀ အစစအရာရာတို့သည် စ်ိတ်အာရုံသို့ အရိပ်မဲ့သဏ္ဍာန်မဲ့ဝင်ရောက်စိုးမိုး နေပြန်၏။ ။

အိမ် တံခါးကိုသော့ခတ်ပြီး လက်အိတ်ကို စွတ်လိုက်၏။ အဖြူရောင် တံတားကလေးကို ဖြေးဖြေး ဖြတ်ကျော်လာခဲ့၏။ နက်မှောင်ရှည်လျားသော ဆံပင်တို့ပေါ်သို့ နှင်းဖြူစများ အမှတ်တမဲ့ ဆင်းသက်လာကြ၏။ လေဝှေ့ လိုက်တိုင်း နှင်းဖြူဖုံးနေပြီး အေးစက် မာခဲ နေလျှက် မစီးဆင်းတော့သော

စမ်းချောင်းငယ်ကလေး ပေါ်သို့ သစ်ရွက်ခြောက်များ လျှောတိုက် လွင့်ပါးလိုက် ယာယီရပ်နားလိုက် အစိုးမရခြင်းကိုယ်စီဖြင့် လွင့်မျောလိုက် ငြိမ်သက်လိုက် နစ်ကျွံလိုက် ဖြင့်။


ကားစက်ကို နှိုးလိုက်၏။ အနွေးဓါတ်ကို မြှင့်လိုက်၏။ အခိုက်အတန့် မျှ ကားထဲတွင် ငြိမ်သက်ရင်း ကား စက် နွေးသည်အထိ စက်နှိုးရင်းထိုင်နေမိ၏။

ကားရေဒီယိုမှ ကြီးမား ဖောင်းကားသော အဆီအသားဖြစ်ထွန်းမှုလျှော့ချသော ဆေး တစ်ခုကို ကြေငြာနေ၏။ အရွက်ကင်းမဲ့ နေသော မေပယ်ပင်ကြီးပေါ်မှ ငှက်ကလေးတစ်ကောင် အိမ်ရှေ့ သမံသလင်းသို့ ပျံဆင်းလာ၏။ မနေ့ က ဖြန့် ကျဲ ပေးထားခဲ့သော သစ်စေ့ ဆန်စေ့ ကလေးများကို နှုတ်သီးကျိုးမတတ် မြန်ဆန်အားပါမှုဖြင့် တတောက်တောက် ကောက် နေ၏။ ဆာလောင်မှု၏ မောင်းနှင်အားဖြင့် လှုပ်ရှားနေသော ငှက်ကလေးကို ကြည့်ရင်း ကား ကို နောက်ဆုတ်ထွက်ဖို့မလုပ်ရက် အစာမ၀ခင်လန့် ပျံသွားရမည်ကိုစိုးမိ၏ ။
ထို့ ကြောင့် ငှက်ကလေး ထပျံသည်အထိ ထိုင်စောင့်နေမိတော့ မိနစ်အနည်းငယ်ပင်ကြာသွား၏။

ငှက်ကလေးထပျံတော့ ကားကိုညင်သာစွာနောက်ပြန်လှည့်ထွက်လာခဲ့၏။ အေးစက်လှသော စနေ နံနက်ခင်း၏ ရေခဲရိုက်မှုအောက်တွင် ဈေးမှ ငါး သေတို့၏ အသက်မဲ့  ခန္ဓာကိုယ်တို့နှင့်မတူသော လူတို့သည် ကားကြီး ကားငယ်များ ဖြင့် မောင်းနှင် သွားလာနေကြဆဲ။

ဘတ်စ်ကားရပ်နားရန် ဆိုင်းဘတ်ကလေး ဘေးတွင် အာဖရိကန် အမေရိကန် မိန်းကလေးတယောက် လက်ကလေးနှစ်ဖက်ကို ကျစ်ကျစ်ပါအောင်ပိုက်ရင်း ဘတ်စ်ကားလာမည့်ဘက်သို့ငေးနေ၏။ လေးဆယ့်ငါးမိနစ်တခါလာသောဘတ်စ်ကားကိုပလက်ဖောင်းပေါ်မှဆိုင်းဘုတ်ကလေးအနီးသူ့ခမျာစောင့်

နေ သည်မှာ မည်မျှကြာသည်မသိ။

တနည်းအားဖြင့်လည်းမည်မျှ ကြာအောင်ဆက်စောင့်နေရမည်မသိ သို့သော် ကျိန်းသေသည်မှာတော့ လေးဆယ့်ငါးမိနစ်ဆိုသော အချိန်အတိုင်းအတာတစ်ခုအတွင်း ထိုနေရာတွင် ပင် သူ ဆက်လက်ရပ်နေကောင်း
ရပ်နေလိမ့် မည်။ နေထိုင်ရာ ရှိ၍ ပြန်လှည့်ရန် နီးပါက ပြန်လှည့်ကောင်းလှည့်မည် ။ မည်သူမျှ သိနိုင်သည့်ကိစ္စမဟုတ်။

ကျိန်းသေလွန်းသည်ကတော့ ကိုယ်တိုင်အပါအ၀င်အားလုံးသောကားကိုယ်စီဖြင့် ယဉ်ကျေးသိမ်မွေ့သော

လူသတ္တ၀ါများကမသိလိုက်ဖာသာပင်ထိုမိန်းကလေးကိုဖြတ်ကျော်မောင်းနှင်သွားကြပြီး
ဖြစ်၏။

ကားကို ရပ်နားရန်နေရာတွင် ရပ်လိုက်၏။ တမတ်စေ့ နှစ်စေ့ကို ထုတ်ယူပြီး ရပ်နားခွင့်အတွက် အချိန်တိုင်းစက်အတွင်း တစေ့ ချင်း ဖြေးဖြေးထည့်လိုက်၏။ ဒုတိယအစေ့သည် လက်ပေါ်မှလျှောကျသွား၏။
လက်အိတ်ကိုချွတ်ပြီး ဖြေးဖြေး ကိုယ်ကို နှိမ့်ချလိုက်ရင်း တမတ်စေ့ ကလေးကို ကောက်ကာ ခန္ဓာကိုယ်ကို ပြန်မတ်၍ ပြန်ထည့်လိုက်၏။ ပြီးတော့ အေးစက်ခြောက်သွေ့ သော လေကို အ၀ရှူလိုက်ပြီး ခနအောင့်ထားလိုက်၏။ ထို့ နောက် ပါးစပ်ကို ဟကာ ရှူထုတ်လိုက်၏။

ဆိုင်တံခါးကို တွန်းဖွင့်ကာဝင်လိုက်တော့ လစ်ဇ်နှင့် သူ့ ယောက်ျားကနှုတ်ဆက်၏။

သူတို့လင်မယားကိုပြန်နှုတ်ဆက်ရင်း မနက်စာ နှင့်ကော်ဖီတခွက်မှာလိုက်၏။ မနက်စာကိုစားရင်း သတင်းစာကိုဆွဲယူပြီးဖတ်လိုက်၏။ အီရတ်စစ်ပွဲ ၊ သမ္မတ အသစ် ၊ ငွေကြေး ပြသနာ ၊ ရာသီဥတု ၊အားကစား ၊ ကမ္ဘာ့သတင်း၊ ကျော်ကြားသူတို့ကိစ္စ၀ိစ္စ စသည်ဖြင့် သံသရာမြောက်အနှစ်သာရတို့၏ ထပ်ချည်းတလဲလဲ အကြောင်းအရာ အသစ်များ ။

ဆိုင်တံခါးကိုတွန်းဖွင့်ကာလူဖြူအဖိုးကြီးတစ်ယောက်ဝင်လာ၏။ဟောင်းနွမ်းလှသောသူ့အနွေးထည်ဂျာကင်ကြီး
အောက်တွင် နောက်ထပ် ဘယ်နှစ်ထပ် ခံပြီးဝတ်လာသည်မသိ လူက လေမလျှော့တလျှော့ အလူမီနီယံမိုးပျံ ဘောလုံးလို ဖြစ်နေ၏။

သူ့ ပါးစပ်နှင့်နှာခေါင်းမှ အငွေ့ ဖြူဖြူတို့ ထွက်လာသည်အထိ ဆိုင်ထဲမှ ဆိုင်ရှင်နှင့် တဦးတည်းသော ဖောက်သည်ကို နှုတ်ဆက်လိုက်၏။ ထို့ နောက် ဘေးမှ ခုံကိုဆွဲထိုင်ပြီး သတင်းစာ ကိုကောက်ယူ၏။ သတင်းစာကို တဗြန်းဗြန်းမြည်အောင် ခပ်မြန်မြန် ဆွဲလှန်နေ၏။ တနေရာရောက်တော့ သူ သေသေချာချာ ဖတ်တော့၏။ အခိုက်အတန့် တစ်ခုအထိ ဖတ်အပြီးတွင် စကားပြောတော့၏။

သူနှင့်အပြန်အလှန်ပြောဆိုရင်း စီးကရက်ဖွာရန်အပြင်သို့ထွက်လာတော့ သူလည်းနောက်နားမှပါလာ၏။
စီးကရက်ဘူးကိုဖွင့်ပြီး မီးခြစ်ကိုထုတ်ကာ မီးညှိရင်း ခပ်ဝေးဝေး မှ အဆောက်အဦအမြင့်ကြီးများ၏ မှန် နံရံကွက်ကြီးများမှ အရိပ်ထင်နေသော အခြားအဆောက်အဦများကိုမြင်နေရ၏။

သူလည်း စီးကရက်ဘူးလေး တစ်ဘူးထုတ်၏ ။ မလုံမလဲပြုံး၏။ ပြီးတော့ စီးကရက်ဘူးကလေးကိုဖွင့်လိုက်တော့ တံဆိပ် အမျိုးမျိုးဖြင့် စီးကရက်အတိုကလေးများ ဖြစ်နေ၏။ ထိုအထဲမှ ခပ်ရှည်ရှည် စီးကရက်တိုကလေးကို ထုတ်ယူလိုက်ကာမီးညှိရှိုက်ဖွာရင်း ကောင်းကင်ကို ပြုံး၍ မော့ကြည့်နေ၏။

သုံးလေးငါးဖွာ ရှိုက်ရင်း ချမ်းလာလွန်းတော့ ဆိုင်ထဲသို့ ပြန်ဝင်လာချိန်တွင် အဖိုးကြီးလဲ နောက်မှ ကပ်ပါလာ၏။ ထို့ နောက် သူက ကော်ဖီတခွက်မှာ၏။ လစ်ဇ်က ကော်ဖီဖျော်ပြီး သူ့ ရှေ့ ချပေးခိုက် တွင် သူ ၏ ဘယ်ဘက် အင်္ကျီအိတ်ထဲမှ အကြွေစေ့ ကလေးများ ကို တစ်စေ့ ပြီးတစ်စေ့ ထုတ်ရင်း ကောင်တာပေါ်တင်လိုက်ပြီး ပြုံးပြကာ နောက်တခါ ကောင်းကောင်း မွန်မွန် ကျကျနန လာစားဦးမယ် ဟု ပြော၏။ ပူနွေးသောကော်ဖီကို မှုတ်သောက်နေသော အဖိုးကြီး၏ မျက်လုံးများသည် မုန့် လက်ကောက်ကွင်းများ ထည့်ထားရာ မှန် ကာထားသည့် စင်ဆီသို့  ဝေ့  ၀ဲနေ၏။
နံရံပေါ်မှ တီဗွီမှ မနက်သတင်းလာနေ၏။ အိမ်ယာမဲ့အလောင်း တစ်လောင်း သတင်းတွင်ပါလာ၏။ အဖိုးကြီးသည် ကော်ဖီခွက်ကိုလက်နှစ်ဖက်ဖြင့်ကိုင်ကာ တီဗွီ ဖန်သားပြင်ကိုသေချာစွာကြည့်ရင်း
“ငါ မင်းကိုပြောတယ် မင်းနားမထောင်ခဲ့ဘူး ကွာ” ဟုတယောက်ထဲ ငြီးလိုက်၏။

လစ်ဇ် က ပေါင်မုန့် နှစ်ချပ်ကို ပေါင်မုန့် ကင်စက်ထဲသို့ ထည့်၏။ ပြီးတော့ ဖောက်သည်တွေအလာကျဲကြောင်း တယောက်ထည်းငြီးသလိုလိုဖြင့် ပြောနေ၏။ လစ်ဇ်ယောက်ျားက စွပ်ပြုတ်အိုးကလေးကို မီးအားလျှော့နေ၏။
အိပ်ထဲမှ ဆယ်တန် တစ်ရွက်ကိုထုတ်ယူလိုက်ပြီး မနက်စာ နှင့် စွပ်ပြုတ် တခွက်မှာလိုက်၏ ။ ပြီးတော့ အဖိုးကြီးကိုပြုံးပြရင်း ဘာကြောင့် နောက်မှ ကောင်းကောင်းမွန်မွန်စားမလဲ ခု စားလို့ ဖြစ်နေတာပဲ မဟုတ်ဘူးလား ဟု ပြုံးကာမေးလိုက်၏။

အဖိုးကြီး၏ မျက်လုံးထဲတွင်အားငယ်မှု ၊ ခိုကိုးရာ ၊ ကျေးဇူးတင်ခြင်း စသော စိတ်ခံစားမှုတို့၏ အရောင်အဆင်း
တို့ ရောပြွန်းလျှက် ဖြင့် ကျေးဇူးတင်စကားပြော၏ ။ ပြီးတော့ သူ့ ဘယ်ဘက်လက်မှာစွပ်ထားဆဲဖြစ်သော လက်အိတ်အဟောင်းကြီးကိုဆွဲချွတ်ကာ ကောင်တာလေးပေါ်မှ ပလတ်စတစ်ဇွန်း ခက်ရင်း ဒါးကလေးများထည့်ထားသော အိတ်အကြည်လေးကို ဆွဲဖောက်လိုက်၏။ လက်သုတ်စက္ကူကြမ်း တစ်ပေပတ်လည် ကို ကျကျနန သူ့ အင်္ကျီ ဂျာကင်ဟောင်းကြီးကို ဟကာ ရင်ဘတ် ပေါ်ညှပ်လိုက်၏။

အဖိုးကြီးကို ပြုံးပြပြီး ခနစောင့်ပါ ဟု ပြော၍ ကားဆီသို့ လာခဲ့၏။ ကားထဲမှ ကား ပိုင်ရှင် မှတ်တမ်း ၊ ပြုပြင်နည်း ၊ ကား တစ်စင်းလုံး၏ တည်ဆောက်ပုံ စာအုပ်တို့  ထည့်ထားသော သေတ္တာငယ်ကလေး၏ တံခါးကိုဖွင့်ကာ စီးကရက်ဘူးသစ် တဘူး ထုတ်ယူလိုက်ပြီး ဆိုင်ထဲသို့ ပြန်ဝင်လာခဲ့၏။ ပြီးတော့ နွေးနေဆဲ ခုံတွင်ပြန်ထိုင်လိုက်ရင်း အားပါးတရစားလိုက် စွပ်ပြုတ်ကလေးသောက်လိုက် ခေါင်းတငြိမ့်ငြိမ့်ဖြင့် ပြုံးနေသော အဖိုးကြီးကို စီးကရက်ဘူး ပေးလိုက်၏။

ခဏကြာတော့လစ်ဇ်တို့လင်မယားနှင့် အဖိုးကြီးကိုနှုတ်ဆက်ကာ ဆိုင်ထဲမှ ထွက်လာရင်း လက်အိတ်ကိုစွတ်၍ ကောင်းကင်ကိုမော့ကြည့်တော့ နှင်းတို့က ပိုမို သည်းထန်စွာကျနေဆဲ ။ ဆောင်းအစတစ်မနက်၏ ဖြစ်စဉ်များ အကြောင်းစဉ်းစားနေမိစဉ်ငှက်တအုပ်သည် ခပ်နိမ့်နိမ့်ပျံသန်းရင်း မြင်ကွင်းထဲသို့ဝင်လာ၏။ ထိုငှက်အုပ်၏ နောက်သို့  အမြင်အာရုံကို မထည့်ထားမိတော့။

ကားစက်ကိုနှိုး၍ မောင်းထွက်လာခဲ့ရာ တူရူမှ လာသော ကားများ၊ ရှေ့ မှ ကားများ၊ နောက်မှ ကားများ သည် နှင်း ထူထဲ သော လမ်းမပေါ်တွင် သတိဖြင့်ဖြေးညှင်းစွာမောင်းနှင်လာကြသော

အကန်းများ၏ လိုရာသို့ တရွေ့ ရွေ့ သွားနေကြ၏ ။ ဆက်၍ ဆက်၍ သွားကြဦးမည်လည်း ဖြစ်ပေတော့၏။


ငြိမ်းဇေဦး

ယိမ်း မ သာ စိမ်းကာကြွေပေါ့

မိုးတိမ်အုပ်တို့... မြို့ကို စီးနင်းစပြုပြီ။
ထို ညနေ လေးနာရီ............။
နေရောင်အလင်းလွှာသည် လောကမြေမဟီပေါ်သို့ အိစက်ပုံကျတချို့ ၊ တိမ်တိုက်တို့အထက်တွင် ခိုတွဲတချို့ဖြင့် ကျိုးတိုးကျဲတဲနိုင်လှ၏။
တိမ်လိတ်တို့ လေပြေနှင့် လေးတွဲ့တွဲ့ ပြေးသောအခါ တိမ်ရိပ်တို့လည်း မြေပြင်ပေါ်တွင်ဒရွတ်ဆွဲမျောပါလျှက် ကြိုးပြတ်သော စွန် ကဲ့သို့။

ကိုညိုအောင်၏ ခြံကလေးထဲမှ စိမ်းလန်းသော မြက်ခင်းပြင် ၊ နှစ်ယောက်ထိုင် ဒန်းလွှဲ ခုံကလေး ၊
စပါယ်ရုံ ၊နှင်းဆီခင်း ၊ကျောက်သားမြှားနတ်မောင် ရုပ်တုလေး၊
ညီညာစွာပြုပြင်ဖြတ်ညှပ်ထားသောခြံစည်းရိုးပါတ်ပါတ်လည်ပုဏ္ဍရိပ်ပင်တို့ ၊ ခရေပင်တချို့ တို့သည်လည်း နေရောင်တိမ်ရိပ်အောက်တွင် စိမ်းလဲ့ရောင်နုလင်းတောက်လိုက် စိမ်းရင့်မှောင်လုမှိုင်းပျလိုက်ဖြင့်။

အိမ်နောက်ဖက် ဂိုဒေါင်ငယ်လေးထဲမှ ပေါက်ပြား တစ်လက် ၊ ပန်းဖြတ်ကပ်ကျေး တစ်လက်၊ မြေသြဇာ အိတ်ငယ်တစ်အိတ်ဖြင့် ကိုညိုအောင် ၏ လက်နှစ်ဖက်လုံးမအားတော့။
အင်္ကျီ ဗလာ၊ ဂျင်းဘောင်ဘီ အနွမ်းအကြမ်းတစ်ထည်ဝတ်လျှက် ဖိနပ်မပါသော ကိုညိုအောင်က ခရေပင်ဘေးတွင် မြေသြဇာအိတ်ကလေးကိုချလိုက်၏ ။
ပေါက်ပြားကိုခရေပင်တွင်မှီလိုက်ပြီး ပန်းဖြတ်ကပ်ကျေးကို ခရေပင်ရင်းတွင်ထောင်ထားလိုက်၏။

ခါးထောက်ကာ ကောင်းကင်ကိုမော့ကြည့်ရင်း မနေ့ညက ရွာထားသောမိုးဖြင့် ခရေရွက်တို့တွင် ခိုတွဲဆဲဖြစ်သော နောက်ဆုံးလက်ကျန်မိုးရေစက်တချို့သည် ကိုညိုအောင်၏
ကိုယ်ဗလာအထက်ပိုင်းသို့ ဖြေးဖြေးချင်းသစ်ရွက်ပေါ်မှ မဆင်းချင်ဆင်းချင်လိမ့်ဆင်းခုန်ချလာပြီး ရင်အုပ်ပေါ်သို့ အနှေးဆုံး အသေးဆုံး ယာယီရေတံခွန်လေးများအဖြစ်စီးကျနေ၏။ ရေစက်တချို့က မော့ကြည့်နေသော ကိုညိုအောင်၏ မျက်လုံး တည့်တည့်သို့ ကျလာတော့ လူသားတို့၏ ပင်ကိုယ် တုန့်ပြန်မှုအတိုင်းကိုညိုအောင်၏ မျက်ခွံတို့အလိုအလျှောက်ဖြတ်ကနဲမှိတ်လိုက်၏။

အေးမြသော ရေစက်ရေပေါက်သည် ကိုညိုအောင်၏ ဘယ်ဘက် မျက်ခွံပေါ်သို့ ဘောက်ကနဲကျကာ နက်မှောင်သောမျက်တောင်များစိုစွတ်လျှက် ။
ထိုရေပေါက်ကို ကိုညိုအောင်သုတ်မပစ်ပါ။
အမြင်အာရုံကို ကြည်လင်အောင် မျက်တောင်ကိုခတ်ကာ ခတ်ကာ ဖြင့် တိမ်လိတ်တို့ ဒရောသောပါးပြေးလွှားနေသည်ကို မော့ကြည့်နေဆဲဖြစ်၏။

တကယ်တော့ ထိုမျက်ခွံတို့သည် စိုရွှဲပူနွေးသောဒြပ်သတ္တိတို့အား မည်ကဲ့သို့ ဆက်ဆံတုန့်ပြန်ရမည်ကို ကျင့်သားရ နေသားကျခဲ့သည်မှာကြာလွန်းလှပေါ့။
ကိုညိုအောင်၏ ရှည်လျားစပြုပြီဖြစ်သော နက်မှောင်လှသည့် ဆံပင်တို့ကြားသို့လေအေးအေးတလွှာသည် ပုဝါတစကဲ့သို့ လွင့်မျောထိခတ်သွား၏။

နက်မှောင်လှသော မျက်ခုံးထူထူတို့ဆက်မတတ် မျက်မှောင်ကြုံ့လျှက် ထူထဲပြည့်တင်းသော နှုတ်ခမ်းတစ်စုံကို တင်းတင်းစေ့ကာ စိမ်းမြရွက်သစ်တို့ကြားမှအလုအယက်ဖူးစဖြူဥနေသော စပယ်ငုံတို့ကိုကြည့်ရင်း မြေသြဇာအိတ်ကလေးကို ဖွင့်လိုက်၏။

စပယ်ရုံ၏ ဘေးပတ်ပတ်လည်မှ ပေါင်းမြက်ပင်ကလေးများကို ပေါက်ပြားဖြင့်ခပ်ဖွဖွလေးရှပ်ကာ ရှင်းပြီးတိုင်း မြေသြဇာတို့အား စပယ်ရုံအောက်ခြေ ပတ်ပတ်လည် တစ်ပေလောက်အကွာမှ
ဖြူးပုံပေးရင်း ကိုညိုအောင်က စပယ်နံ့သင်းသင်းကို ဂန္ဓာရုံဖြင့် ခိုးယူသိမ်းပိုက်လိုက်၏။ ခံစားချက်ကင်းမဲ့ဟန်ရှိသော မျက်နှာတင်းတင်းမာမာသည် တဖြေးဖြေးပျော့ပျောင်းသွားကာ
ကလေးငယ်လေးတယောက်ကဲ့သို့ ခေါင်းကိုမော့ရင်း မျက်လုံးအစုံကို ဖွဖွမှိတ်လျှက် ကျေကျေနပ်နပ်ပြုံးလိုက်၏။ ဆံနွယ်ရိုင်းတို့ လည်ကုပ်ပုခုံးပေါ်သို့ပွတ်တိုက်ထိပါးသွားသောအထိအတွေ့ကိုလည်း
ကိုညိုအောင်သတိပြုမိလိုက်၏။ လျှို့ဝှက်ဆန်းကျယ် နားလည်ရခက်သော ထိုတင်းမာအေးစက်သော မျက်နှာသည် လျှို့ဝှက်ဆန်းကြယ်စွာပင် တခြားလူတယောက်ကိုပြုံးပြရန်ဝန်လေးတတ်သည့်
မျက်ဝန်း ၊ နှုတ်ခမ်းတို့ မှ ပျော့ပျောင်းအေးမြသောအပြုံးဖြင့် စပယ်ရုံလေးအနီး၌ ။

ကိုညိုအောင်၏ မြက်ခင်း စိမ်းတို့ဖြင့် ၊ပန်းရုံ ၊ပန်းခင်းတို့ဖြင့် ၀န်းရံထားသော တထပ်အိမ်ငယ်ကလေး၏ရှေ့ မျက်နှာစာ ညာဘက် တွင် စားပွဲတစ်လုံး ကုလားထိုင်လေးနှစ်လုံး နှင်းဆီပန်းဖြူလွလွတစ်ပွင့်ထည်း
ထိုးထားသည့် မြစိမ်းကြည်ရောင် ဖန်ပန်းအိုးကလေး....။
တကယ်တော့ ထို စားပွဲကလေးတွင် ကိုညိုအောင်မထိုင်ဖြစ်ခဲ့သည်မှာ လပေါင်းများစွာ ကြာ ခဲ့ပြီ။ သို့သော် နေ့စဉ်နှင်းဆီဖြူတပွင့်ကိုတော့အမြဲတန်းအသစ်လဲသလို
ပန်းအိုးကလေးကိုလည်းတောက်ပြောင်လှပနေစေခဲ့သည်။

ထိုလည်တိုင်ကျဉ်းပန်းအိုးကလေး၏ အလင်းပြန်နံရံတွင် တခါက သူသိပ်ချစ်ခဲ့ရသော ကောင်မလေး၏ မျက်ဝန်းလှလှလေးများကို လောဘကြီးစွာ သူငေးခဲ့မြတ်နိုးခဲ့ဖူး၏။ မျက်လုံးချင်းဆိုင်ကြည့်လိုက်တိုင်း အချစ်ရည်အပြည့်ဖြင့်မနောအာရုံကို ကမ္ဘာမြေကြီး၏ ဆွဲအားထက် သာလွန်သော အင်အားတို့ဖြင့် နစ်မျောပျော်ဝင်စေဖူးခဲ့သော ထိုမျက်ဝန်းလေးများ၏ အလင်းပြန်အရိပ်ကလေးကိုတောင်မှ ကိုညိုအောင်က တွယ်တာမြတ်နိုးလွန်းခဲ့၏။

ဘယ်ဘက်ခြမ်းတွင်တော့ ကိုညိုအောင်တယောက်ထဲ ခြေပစ်လက်ပစ်ထိုင်တတ်သော ပက်လက်ကုလားထိုင်တစ်လုံးရှိပြီးပြီး ဘေးတွင် ဘရန်ဒီပြင်းပြင်း တစ်ပုလင်း နှင့် ဖန်ခွက် သေးလေးတစ်လုံးတင်သော စားပွဲပုကလေးရှိ၏။

ထိုစားပွဲပုလေးပေါ်တွင်လည်း ကိုညိုအောင်၏ နာနာကျင်ကျင် အကြည့်တို့ဖြင့် ကျင့်သားရနေသော ပုလင်းတို့သာ တစ်လုံးပြီးတစ်လုံးပြောင်းလဲသွားသော်လည်း အတွင်းတွင်ဘောင်ဘင်မခတ်ပဲ တည်ငြိမ်နေသော ပယင်းရောင် သေရည်တို့ အပြည့်ဖြင့် ပုလင်းသစ်တစ်လုံး နှင့် ဖန်ခွက်သေးသေးလေးတစ်လုံးကလည်း ယနေ့ အဖို့ ရှိနေဆဲဖြစ်၏။

ကိုညိုအောင်၏ ကျစ်လျစ် မာတင်းသော လက်မောင်းကြွက်သားများသည် ချွေးတို့စိုရွှဲလျက် တချက်တချက်နေရောင်အောက်တွင် လက်ကနဲ လက်ကနဲ ဖြင့် အလင်းပြန်နေ၏။ စပယ်ခြုံများ၏ အောက်မှ ပေါင်းမြက်တို့ကိုရှင်းလိုက် ၊ မြေသြဇာ များဖြူးလိုက်ဖြင့် အလုပ်ထဲတွင်စိတ်ကိုနှစ်ကာ သူ့ကိုယ်သူမေ့ပစ်ထားသော ကိုညိုအောင်တယောက် စပယ်ဖူးလေးများ၏ ဖြစ်စဉ်အား အစွမ်းကုန်ပွင့်လန်းစေရေးဟူသော တစ်ခုတည်းသောပန်းတိုင်ဖြင့် ပတ်ဝန်းကျင်ကိုလည်းမေ့ထားလိုက်၏။

ခြံရှေ့ တံခါးကလေး အီကနဲ အသံမြည်ကာ ပွင့်သွားတော့ ကိုညိုအောင် ခါးကိုဆန့်ပြီး ပေါက်ပြားရိုး ပေါ်လက်တဖက်တက်လျှက် လှမ်းကြည့်လိုက်၏။
ကိုညိုအောင်၏ ညီတစ်ယောက်လို ခင်မင်ယုံကြည်သည့် တဖက်အိမ်က မောင်ဖြူစင်သည် ကိုညိုအောင်ကိုပြုံးပြ၏။
ခြံတံခါးကလေးကို ပြန်ပိတ်ကာ ခြံထဲသို့ဝင်လာ၏။
“အကို အလုပ်များနေလား”
“အေးကွ.. ထုံးစံအတိုင်းပေ့ါ မင်းရော အလုပ်တွေ မအားဘူးလား မတွေ့ တာကြာပြီ”ဟု ကိုညိုအောင်ဖြေမေးမေးလိုက်၏။
“ဟုတ်ကဲ့အကို... ခုတလော အလုပ်နည်းနည်းများနေတယ်” ဟု မောင်ဖြူစင်ကဖြေရင်း ကိုညိုအောင်၏ မျက်နှာအား အလွန်အမင်းအားနာဟန်ချီတုံချတုံဖြင့်ကြည့်ရင်းသက်ပြင်းတချက်ချလိုက်၏။
ကိုညိုအောင်က နားလည် အကင်းပါးစွာ “မင်းပြောစရာရှိလား ရှိရင်ပြောလေကွ မင်းနဲ့ငါ ညီအကိုအရင်းလိုခင်နေတာပဲ”
“ဒီလို အကို ” ဟူ၍ အစချီကာခဏစကားရပ်သွားချိန်တွင် ခရေရွက်တို့လေတိုးသံ ၊ခြံအပြင်မှ ယာဉ်အချို့မောင်းနှင်သွားသံမှလွဲ၍ တိတ်ဆိတ်လျှက်။
“ပြောပါကွ ငါ့ညီရ” ဟု ကိုညိုအောင့်စကားအဆုံးတွင်တော့
“ဒီလိုအကို ကျနော် သစ္စာဦးကို ချစ်နေပြီ အဲဒါအကို့ကို အသိပေးတာ”........။

ကိုညိုအောင် တိတ်ဆိတ်စွာ သက်ပြင်းချရင်း “အင်း... ငါသဘောမတူစရာမရှိပါဘူး ညီလေး... မင်းလို ရိုးသားဖြောင့်မတ်ပြီး ကြိုးစားတဲ့လူငယ်တယောက်နဲ့ သစ္စာဦးလို လှပရှင်းသန့်ပြီး စိတ်ထားကောင်းတဲ့မိန်းကလေးတစ်ယောက်ဟာသင့်လျှော်ပါတယ် ဒါပေမယ့်.............”
ကိုညိုအောင်သည်စကားကို ရပ်ကာ မြေသားတို့ပေကျံနေသော သူ့ ခြေဖမိုးကိုငုံ့ကြည့်ပြီး ပေါက်ပြား တွင် ကပ်နေသော မြေသားတို့ကို ခြေထောက်ဖြင့် ဖြေးဖြေး တွန်းထုတ်လိုက်၏။

ထို့နောက်ခေါင်းကိုမော့ပြီး “ဒါပေမယ့် ညီလေး မင်း စိတ်ထဲမှာတော့လိပ်ပြာသန့်ရမယ် ငါ့အပေါ်မှာလဲ အမြင်ရှင်းရမယ် သူ့အပေါ်မှာလဲ မင်းအမြင်ရှင်းရှင်းနဲ့ မြတ်နိုးနိုင်မှရမယ်
အဲဒါကိုရောမင်းကြိုပြီးတွေးပြီးသားလား ”

“ဟုတ်ကဲ့အကို..အဲဒါတွေအတွက်ကျနော်အချိန်အတော်ကြာ ပေးပြီး စဉ်းစားခဲ့ပြီးပြီ ကျနော့်စိတ်သန့်တယ် ကျနော်မြတ်နိုးတယ် သိပ်လည်းချစ်တယ် အကို ဒါပေမယ့် အကို့ကို ကျနော် အသိပေးဖို့လိုအပ်လို့ အကို့စိတ်ရှင်းအောင်အသိပေးတာပါ”

“ဟာ..ငါ့ညီရာ ..ဒါဆိုပြီးပြီပေါ့ကွ... ငါ အမြင်ရှင်းဖို့ဆိုတာကိုမပူနဲ့ မင်း အမြင်မရှင်းမှာကို လည်း ရင်မဆိုင်နိုင်လို့တော့မဟုတ်ဘူး ငါအနေနဲ့ မင်းစိတ်ထဲမှာလဲ ဒီဆုံးဖြတ်ချက်အတွက်ကြည်ကြည်လင်လင်အမြဲဖြစ်စေချင်တယ်
ကျန်တာဘာမှမပူနဲ့ဟုတ်ပြီလား”

မောင်ဖြူစင်သည် စိတ်လက်ပေါ့ပါးသွားသောမျက်နှာဖြင့် စပယ်ပွင့်တို့ကို ကြည့်နေခိုက် ကိုညိုအောင်က
“ဒါဆို မင်းတို့အဆင်ပြေသွားကြပြီလားညီလေး” ဟု မေးလိုက်၏။

“မဟုတ်ဘူးအကို ကျနော်သူ့ကို ဖွင့်မပြောခင် အကို့ကိုအရင်အသိပေးတာ ပြီးမှ ကျနော်ပြောမယ် ကဲ..ကျနော်ပြောချင်တာဒါပဲအကို ခွင့်ပြုပါဦး” ဆိုသောစကားဆုံးတော့ မောင်ဖြူစင်သည် ခြံတံခါးဆီသို့ပြန်လှည့်ကာ ခြံတံခါးကိုပြန်ပိတ်ပြီးနောက် ထွက်ခွာသွားတော့၏။

ကိုညိုအောင်သည် ပေါက်ပြားဖြင့် မြေကြီးကို ဖြေးဖြေးမှန်မှန်ပေါက်နေတော့၏။ ကောင်းကင်ကိုမော့မကြည့် ။ ပတ်ဝန်းကျင်ကို လှည့်မကြည့်။
ချွေးသံရွှဲရွှဲခန္ဓာကိုယ်သည် နိမ့်လိုက်မြင့်လိုက်ဖြင့် လက်ဖျံကြွက်သားများ တင်းကနဲတင်းကနဲ ထကာ မြေသားနှင့်ပေါက်ပြားထိချက်မှန်မှန်ဖြင့်။

မိုးတို့ပြိုခဲ့လေပြီ...။
တရိပ်ရိပ်ပြေးလွှားနေသော တိမ်သားတို့ ကောင်းကင်မြင့်လွှာ၏ အေးစက်မှုကို မခံနိုင်တော့ ။
သည်းထန်သော မိုးစက်မိုးပေါက်တို့သည်ကိုညိုအောင်၏ ကျောဗလာပေါ်သို့ ဒရကြမ်း ကျဆင်းလာသော်လည်း ကိုညိုအောင်ဆက်လက်ကာ ပေါက်ပြားကို အချက်မှန်မှန်ဖြင့် ပေါက်နေ၏။
ကောင်းကင်တခွင်တွင် နေ၏ ဖျိုးဖျ အလင်းသည်သာ ငွေ့ ငွေ့ ကျန်တော့၏ ။ မိုးသည်းသည်းအောက်တွင် ကမ္ဘာလောကကြီးသည် မှောင်မလို လင်းမလိုဖြင့် ညနေခင်းကို ပြုစားနေ၏။
မိုးပေါက်တို့ ကိုညိုအောင်၏ မျက်နှာတွင် ခိုတွဲစီးဆင်းနေ၏။ ခန္ဓာကိုယ်မှ လျောတိုက်ကာ ကမ္ဘာမြေကြီးပေါ်သို့ ခုန်ခုန်ချနေ၏။

ကိုညိုအောင် အံတင်းကာ နောက်ဆုံးပေါက်ပြားချက်တို့ဖြင့် နှင်းဆီခင်းအဆုံးတွင်အပြီးသတ်လိုက်ပြီး ပေါက်ပြားကို ရုတ်တရက်ပစ်ချကာ ခြေထောက်နှစ်ဖက်ကို ကား၍ ကောင်းကင်သို့မော့ကြည့်၏။
မျက်ဝန်းထဲသို့မိုးရေစက်တို့ ကျလာသည်ကို မျက်လုံးမပိတ်ပဲ မျက်သား ဖြူဖြူနှင့် မျက်ဆံညိုညိုပေါ်သို့  မိုးစက်တို့ဘောက်ကနဲ ကျလာပြီး စပ်ဖျဉ်းဖျဉ်းဖြစ်တော့မှ မျက်စိကိုစုံမှိတ်လိုက်၏ ။ပြီးတော့ပြန်ကြည့်ပြန်၏။
ထို့နောက်ရုတ်တရက် နှင်းဆီပင် တစ်ပင်အားလက်ဖြင့်အားကုန်သိမ်းဆုပ်လိုက်ကာ ဆွဲမြှောက်လိုက်၏။

ပွင့်ပြီးစအဖြူရောင်နှင်းဆီပွင့်တစ်ပွင့်တည်းရှိသော နှင်းဆီပင်သည် ကိုညိုအောင့်လက်ထဲတွင် ရေစိုကာပွနေသော မြစ်ခြေကြောင့် လောမသိ မြောက်တက်ကာပါလာ၏။
ကိုညိုအောင်သည် နှင်းဆီပင်စည်ကို ညာလက်တွင် ကျစ်ကျစ်ပါအောင် ဆုပ်လျှက် အိမ်ရှေ့ ကပြင်ပေါ်သို့  စိုရွှဲသော ခန္ဓာကိုယ်ဖြင့် တက်လာပြီး ပက်လက်ကုလားထိုင်တွင် ထိုင်နေလိုက်၏။

မိုးရေစက်တို့အောက်တွင် ခြံရှေ့ တံခါး ကို ဖွင့်ကာ ထီးတလက်ဖြင့် မိန်းမငယ်တစ်ယောက် ခြံထဲသို့ဝင်လာ၏။ သဏ္ဍာန်အရိပ်သည် တဖြည်းဖြည်း နီးကပ်လာကာ အိမ်ရှေ့  အမိုးအောက်ရောက်လာ၏။
အိမ်ရှေ့ အမိုးတံစက်မြိတ်အောက်တွင် ရပ်တံ့သွားသော်လည်း အိမ်ပေါ်သို့တော့ တက်မလာ။
“ကိုညို ... ကျမ က လက်တည့်စမ်းစရာသတ္တ၀ါလား ဖြေစမ်းပါ” ဟု နာနာကျင်ကျင် ထိုမိန်းကလေးကမေးလာ၏။
ကိုညိုအောင်သည် ညာလက်တွင် ဆုတ်ကိုင်ထားသော နှင်းဆီပင်စည်ကို ပို၍ ကျစ်ကျစ်ပါအောင်ဆုတ်ကိုင်ထားရင်း “ အဲလိုမဟုတ်ဘူး မင်းဟာအမြဲတန်း သံသယနဲ့ကြည့်တတ်တဲ့အကြည့်တွေကြောင့်ထင်ချင်ရာထင်နေတာ”
ဟု ပြတ်တောင်းတိုးလျသော အဖြေကို ဖြေလျက် မိုးစက်တို့သည်းသည်းထန်ထန်ကျနေသည်ကို ငေးနေ၏။
မိန်းကလေးသည် ကိုညိုအောင့်မျက်နှာကို စေ့စေ့ကြည့်လိုက်ပြီး နောက်ထပ်တစ်ခွန်းမှ ဆက်မပြောတော့ပဲ သုတ်ကနဲလှည့်ကာ ထီးကလေးကိုဆောင်းရင်း ခြံပြင်သို့ ဦးတည်ကာ တရွေ့ ရွေ့ ဝေးသွားတော့၏။
ထိုတရွေ့ ရွေ့ ဝေးသွားသော မိန်းကလေး၏ ကျောပြင်ကို ငေးကြည့်နေသော ကိုညိုအောင့်မျက်ဝန်းသူငယ်အိမ်ထဲတွင်ထင်ဟပ်နေသည့် ပေါက်ပြားရာများပြည့်နှက်နေ ကာ မြေစိုင်မြေခဲတို့ဖြင့် ပွနေသော ပျက်စီးသွားသည့် အိမ်ရှေ့ မြက်ခင်းကလေးနှင့် လဲပြိုအမြစ်လန်နေသော စပါယ်ရုံများ နှင်းဆီခင်းများကို တော့ ကိုညိုအောင့်အသိအာရုံက မြင်နိုင်ကောင်းမှမြင်နိုင်ပေလိမ့်မည်။
ကိုညိုအောင်သည် မျက်လုံးအစုံကို မျက်တောင်တချက်မခတ်ပဲ မိန်းကလေးပျောက်ကွယ်သွားသည်အထိ ငေးမောနေရင်း သူ၏ဘက်လက်ဖြင့် နှင်းဆီကိုင်းကို ချိုးလိုက်ကာ နှင်းဆီဖြူကလေး ကို မမှိတ်မသုန်ကြည့်လျှက်
ညာဘက် တွင်ရှိသော စားပွဲလေးပေါ်မှပန်းအိုးကလေးဆီသို့သွား၏။
နှင်းဆီဖြူလွလွ လေးကို မနေ့  ညနေကထိုးထားသော နှင်းဆီပွင့် အဖြူကလေးနှင့်လဲကာ ဖြေးဖြေးထိုးလိုက်ချိန်တွင် တခါက သူအမြတ်တနိုး ငေးမောဖူးသည့် သူ့ ချစ်သူ မိန်းကလေး၏ မျက်ဝန်းညိုကလေးများ ရောင်ပြန်ဟပ်သော
ပန်းအိုးကလေး၏ နံရံ စိမ်းကြည်ဖန်သားပေါ်သို့ သူ၏ လက်ဖ၀ါးမှ နီရဲစေးပျစ်သော သွေးတို့တပေါက်ခြင်းကျလျှက်..................................................။

ခြံကလေးထဲတွင်ကားမြေစိုင်မြေခဲတို့နှင့် လဲပြိုနေသော စပယ်ရုံ တို့ နှင်းဆီပင်တို့ အနီးတွင် မလဲမပြိုပဲ တည့်တည့်မတ်မတ်ကျန်ရှိနေသေးသည်မှာတော့ ကျောက်သားမြှားနတ်မောင်ရုပ်တုကလေးဖြစ်၏။
ထိုမြှားနတ်မောင်ရုပ်တုကလေး၏ လေးညှို့မှမြှားကလေးသည်ကား ယခင်အတိုင်းပင် ရှိနေဆဲကလွဲ၍ ဥယျာဉ်ပျိုးသူ၏ ဥယျာဉ်ပျက်ကလေးသာ မိုးရေစက်တို့အောက်၌ ....။
ပြီးတော့ နှလုံးသွေးစက်တို့ စွန်းထင်ရစ်သော စိမ်းမြကြည်
နှင်းဆီပန်းအိုးကလေးတစ်လုံး တို့သည်သာ မြင်သာထင်သာကျန်ရှိလျှက်.....။
ထိုအချိန်တွင် ခရေရွက်စိမ်းအချို့....
မိုးဒဏ်ဖြင့် လူးလွန့်ကာ အချိန်မတိုင်ခင်ကြွေကျသွားတော့၏ ..........။

ငြိမ်းဇေဦး

ပျောက်ဆုံးသွားသော မိသားစု

နွေတုန်းကဆို ညနေ စောင်းတိုင်း ကျနော် လုပ်ထားတဲ့ဘွန်ဇိုင်းပင်လေးတွေ ရှိရာ

အိမ်ရှေ့ သမံသလင်းပေါ်က နေကြာစေ့လေးတွေ ဆန်စေ့ ပဲစေ့လေးတွေကို

ချိုးငှက်ကလေးနှစ်ကောင် အမြဲလာလာပြီး စားနေကျ။

နွေဦးရာသီရဲ့နေ့လည်ခင်းတစ်ခုမှာ......လင်းယုန်ချောင်းဘေးကသဘာဝဥယျာဉ်ထဲကိုသွား၊ သစ်ပင်သေးသေးလေးတွေကို စိတ်ရှည်လက်ရှည်တူးဆွ ။

ပြီးတော့ သေသေချာချာ အမြစ်ကလေးတွေ မပြတ်အောင် မကျိုးအောင်

ပလတ်စတစ်အိပ်တွေနဲ့တပင်ခြင်းထည့်။

အိမ်ကိုပြန်လာ.............။

အိမ်ရောက်တော့ သစ်ပင်လေးတွေကို မြေသြဇာနဲ့ မြေဆီမြေနှစ် တွေပေါင်းပြီး

အိုးသေးသေးလေးတွေထဲမှာ စိတ်ရှည်လက်ရှည်ထည့်။

ပြီးတော့ သွပ်နန်းကြိုးကလေးတွေ အကိုင်းဖြတ်တဲ့ကပ်ကျေးလေးတွေ ပလာယာလေးတွေနဲ့

သစ်ပင်ပေါက်စလေးတွေကိုကိုယ်လိုချင်တဲ့အကွေးအကောက်ပုံစံလေးတွေဖော်၊

မလိုအပ်တဲ့အကိုင်းလေးတွေကိုဖြတ်...........။

စိတ်ကျေနပ်အောင် သေချာ လုပ်ပြီးချိန်မှာ ဘွန်ဇိုင်းပင်လေးတွေဟာ ဥယျာဉ်သေးသေးလေးတစ်ခုလို

အိမ်ရှေ့ သမံသလင်းပေါ်မှာဖြစ်သွားပြီ ။

အဲသည်လို သူတို့ တိုးတက်ဖြစ်ထွန်းရှင်သန်မှုနဲ့ သူတို့ ခန္ဓာကိုယ်လေးတွေကို ဖြတ်ချင်တိုင်းဖြတ်

သွပ်နန်းကြိုးနဲ့တုတ်ချင်တိုင်းတုတ် ၊ယိုင်ချင်တိုင်းကွေးချင်တိုင်း ယိုင်ကွေးနေမှုအပေါ်မှာ

သစ်ပင်လေးတွေက ဘယ်လိုတုန့်ပြန်မှုနဲ့မှ အပြစ်တင်တုန့်ပြန်မှုမလုပ်ခဲ့ဘူး။

တကယ်တော့အဲဒီသစ်ပင်လေးတွေဟာ..........

သက်ရှိ လေးတွေလို့  တွေးမိခဲ့ရင်.....

သူတို့လည်းနာကျင်တတ်တယ် ......

သူတို့လည်း ရှင်သန်မြင့်မား ကြီးထွား ချင်တတ်ကြတယ်......

သူတို့လည်းအစွမ်းကုန်လှပ ဝေဆာလန်းဆန်းချင်တတ်ကြတယ်လို့ ...နားလည်တတ်ခဲ့ရင်....

ဒီဘွန်ဇိုင်းပင်လေးတွေကို သဘာဝတရားကြီးထဲက လုယူလာခဲ့ပြီး နှိပ်စက်ဖြစ်မယ်မဟုတ်ပါဘူး.............

တခါ.......

အဲဒီသစ်ပင်ကလေးတွေနဲ့လိုက်ဖက်ညီမယ့် တေးဆိုငှက်ပေါက်စနလေးတွေ သေးသေးလေးတွေကိုလည်း လာစေချင်မိပြန်ရော....။

ငှက်ကလေးတွေအစာစားဖို့ငှက်အိမ်ကလေးတစ်လုံးကိုစိတ်ရှည်လက်ရှည် ကိုယ်တိုင်ပဲ

သစ်သားပြားကလေးတွေ နဲ့ သေသေချာချာ မီးပြတိုက် ဆန်ဆန် အိမ်ကလေးတစ်လုံးဆောက်မိတယ်။

သစ်သားပြားလက်မ၀က်လောက်ကလေးတွေကိုပွတ်ဆူးနဲ့ကျကျနနအပေါက်ကလေးတွေဖောက် သံချောင်းသေးသေးလေးတွေနဲ့ရိုက်ရင်း ရှစ်ထောင့်ဘေးပတ်ပတ်လည်မှာရှိတဲ့၊

အဆင့်လေးတွေသုံးဆင့်ပါတဲ့၊ပြီးတော့အဆင့်တိုင်းမှာငှက်ကလေးတွေ နားလို့ရတဲ့ ၊

သစ်သားချောင်းကလေးတွေ ထုတ်ပြီး အိမ်ကလေးတစ်ခုဖြစ်အောင် ဆောက်ခဲ့တယ်။

အဲဒီနောက် အဲဒီငှက်အိမ်ကလေးထဲမှာ နေကြာစိရိုင်းတွေ ပဲစေ့လေးတွေ

ဆန်စေ့လေးတွေကိုသေချာထည့်ပြီးမျက်နှာကျက်ကသံကြိုးအရှည်တစ်ချောင်းနဲ့ ကျကျနန ဆွဲထားလိုက်တယ်။

မီးပြတိုက်သဏ္ဍာန် ငှက်အစာထည့်တဲ့အိမ်ကလေး က ဘွန်ဇိုင်းပင်ကလေးတွေရဲ့အလည်မှာ

တွဲလွဲလေး ကျလို့ လေဝှေ့ တိုင်း လေးပင့်အိတွဲစွာ ယိမ်းလှုပ် ပျောင်းနွဲ့ နေကျ.........။

ဒါပေမယ့်ဘာငှက်တကောင်မှမလာခဲ့ဘူး ......။

နေ့လည်ခင်းတချို့မှာ အစာရှာဖို့ ပျင်းတဲ့ ရှဥ့်ကလေး နှစ်ကောင်သုံးကောင်ဟာ

မမှီ့တမှီလေထဲကတွဲလောင်းကျနေတဲ့အဲဒီသစ်စေ့လေးတွေရှိရာ

ငှက်အိမ်ကလေးကို ခြေထောက်ကလေးနှစ်ချောင်းပေါ်သူတို့ကိုယ်လုံးလေးတွေအားပြုရပ်ရင်း

လက်ကလေးသေးသေးလေးတွေနဲ့မှီအောင် လှမ်းနေရှာတတ်ကြတယ်။

အဲဒီအခါ အိမ်ရှေ့ မှန်တံခါးကြီးကို ဖြေးဖြေးဖွင့်လိုက်ရင်တောင်

မှန်တံခါး ဖွင့်သံနဲ့ ကျနော့် အရိပ်ကြောင့် ရှဥ့်ကလေးတွေဟာ

ခုန်ပေါက်ပြေးလွှားရင်း ခပ်ဝေးဝေးရောက်မှ ၊ မြက်ခင်းပြင်ပေါ်က မျက်လုံးကလေးတွေ ပေကလပ် ပေကလပ်နဲ့

အမြီးလေးတွေကိုကော့နေအောင်ထောင်ပြီး ခေါင်းကလေးတွေပုပြီး ပြန်စူးစမ်းတတ်ကြတယ်။

ကျနော်က ပေါင်မုန့်  ချပ်ကလေးတွေကို သေချာ တစချင်းဆွဲဖဲ့ ပြီးတော့

မြက်ခင်းပြင်ပေါ်ကရှ ည့်ကလေးတွေနဲ့မလှမ်းမကမ်းကိုလှမ်း ပြီး ပစ်ပေးနေကြ။

အဲသလိုနဲ့ကျနော်ဟာ ရှဥ့်ကလေးတွေနဲ့ရင်းနှီးမှုရခဲ့တယ်။

ရှဥ့်ကလေးတွေဟာ နောက်ပိုင်းတော့ မနက် မိုးလင်းပြီဆိုရင် ကျနော့်အိမ်ရှေ့ 

သမံသလင်းနားမှာ မယောင်မလည် နဲ့ အလှူအိမ် နားမှာ

ရစ်သီရစ်သီလုပ်နေတဲ့ နွမ်းပါးရှာကြတဲ့ ကလေးငယ်လေးတွေလို ရောက်နှင့်နေပြီ။

ကျနော်ကလည်း ထုံးစံအတိုင်း မှန်တံခါးကိုဖွင့် ကျနော့် ဆီက

ပေါင်မုန့် ချပ်ကလေးတွေကို ဖဲ့ ခြွေပြီး ပစ်ပေးနေကြ။

အဲသလို မှန်တံခါးဖွင့်လိုက်ပြီဆိုတိုင်းလဲ သူတို့  လန့် သွားရှာကြပြီးတော့ မြက်ခင်းစိမ်းထဲကိုပြန်ပြေးနေကြ။

သူတို့နဲ့ထပ်ပါလာတဲ့ ရှဥ့်မျက်နှာသစ်ကလေးတွေဆိုရင် မြက်ခင်းစိမ်းကြီးကို

ငုံ့ ကြည့်နေတဲ့မေပယ်ပင်ကြီးတွေ ရဲ့ပင်စည်ပေါ် ခပ်မြင့်မြင့်ရောက်တဲ့အထိ ပြေးတက်ရှောင်ပုန်းနေကြ။

ဒီလိုနဲ့ တဖြေးဖြေး...သူတို့ ဟာ အရင်လိုပဲ ပေါင်မုန့် အစ အန ကလေးတွေကို စားနေကြ။

ဒါပေမယ့် ဘာငှက်တကောင်မှ မလာခဲ့ဘူး။

အဲသလိုနဲ့ကျနော်ဟာတေးဆိုငှက်ကလေးတွေ၊၀တ်ရည်စုတ်ငှက်ကလေးတွေကို

မျှော်နေခဲ့တာ နွေဦးရာသီကတည်းကပဲပေါ့။

တနေ့သား ... ညနေစောင်း နေရောင်အောက်မှာ ကျနော်ဟာ ပန်းချီကားတချပ်ကို ဆွဲနေမိတယ်...........။ ပူနေတုန်းဆိုတော့အပြင်က လေပြေနဲ့ သဘာဝရဲ့ အသံတွေကို မျှော်လင့်ရင်း မှန်တံခါးကြီးကို တ၀က် ဖွင့်ထားခဲ့တယ်။

တဖျတ်...ဖျတ် အသံလေးတွေကို ကျနော်ကြားမိတော့.........

ကျနော်ဟာအသည်းကွဲရောင်စပ်ထားတဲ့

ဆေးတွေ ပေနေတဲ့ စုတ်တံကလေးကို ဘေးက ရေခွက်ထဲထည့်လိုက်တယ်

ကျနော်ဆက်မဆွဲဖြစ်တော့ဘူးပေါ့ ။

ကျနော့်အခန်းထဲက ခြေသံတွေနဲ့ကျနော့်လှုပ်ရှားမှုကြောင့် ပျံလာတဲ့ငှက်ကလေးနှစ်ကောင်

လန့် သွားမှာစိုးတဲ့စိတ်နဲ့ တဖြေးဖြေး နောက်ပြန်ဆုတ်ရင်း ကုလားထိုင်မှာထိုင်ပြီး အသာငေးနေမိတယ်။

ကျနော်ရည်ရွယ်ပြီးဆောက်လုပ်ခဲ့တဲ့ငှက်အစာကျွေးတဲ့အိမ်ကလေးက ငှက်သေးသေးလေးတွေအတွက်ဖြစ်တော့....ချိုးငှက်ကလေးတကောင်

သစ်သားတန်းကလေးပေါ်ကို ခုန်တက်ချိန်မှာ လေထဲတွဲလွဲကျနေတဲ့ အဲဒီ အိမ်ကလေးဟာ

တဖက်ကိုစောင်းသွားပြီး သစ်စေ့လေးတွေ ဟာ ဘွန်ဇိုင်းပင်ကလေးတွေကြားကိုရောက်သွားတယ် ။

ငှက်ကလေးဟာ သူ့ ခန္ဓာကိုယ်ရဲ့ ဟန်ချက်ကို ရဖို့ တောင်ပံစုံကိုတဖျတ်ဖျတ်ခတ်ရင်း ခြေကုတ်ပြန်ယူတယ် ဒါပေမယ့် အိမ်ကလေးကမတည်ငြိမ်ပဲလေထဲမှာပိုပြီး ယိုင်ထိုးရင်း ယိမ်းနေတယ်။

အောက်က ချိုးငှက်ကလေးတကောင်ကမော့ကြည့်ပြီး ထပျံတော့တယ်။ ကြိုးစားနေတဲ့

ချိုးငှက်ကလေးလဲ ငှက်အိမ်ကလေးကို စွန့် ခွာပြီးတော့
ပျံသွားတဲ့ငှက်ကလေးနောက်ကိုလိုက်သွားတော့တယ်။ ကျနော်ကတော့ ပန်းချီကားကိုဆက်မဆွဲဖြစ်တော့ဘူး။
အပြင်ကို ထွက်ပြီးတော့ အပေါ်ကချည်ထားတဲ့ သံကြိုးကို ခွေးခြေကလေးတစ်ခုပေါ်တက်ရင်း သေချာဖြုတ်လိုက်တယ်။

ငှက်အစာကျွေးတဲ့ အိမ်ကလေးက လေထဲမှာမဟုတ်တော့ဘူး ။

သူတို့ ပြန်လာခဲ့မယ်ဆိုရင် သေချာ စားလို့ ဖြစ်ပြီပေါ့။

ဒီလိုနဲ့ နောက်နေ့ ကျတော့ ချိုးကလေးနှစ်ကောင်ဟာ သူတို့ လာခဲ့တဲ့အချိန် လောက်မှာပဲ ပြန်ရောက်လာတယ် ဒီအခါ ကျနော်ဟာ ကျနော့်ရဲ့ အုန်းမှုတ်ရေနွေးအိုးကလေးနဲ့ ၀ါးရေနွေးခွက် ကလေးကို ကျကျနန

စားပွဲ ပုလေး ပေါ်မှာတင်ပြီး တခွက်ချင်းသောက်ရင်း ငှက်ကလေးတွေကိုကြည့်နေမိတယ်။

ငှက်ကလေးတွေဟာ ခုတော့ ကျကျနန သစ်စေ့ကလးတွေကိုစားနိုင်ကြပြီဖြစ်တယ်။

ကျနော့်ဘွန်ဇိုင်းသစ်တောကျဲကျဲကလေးထဲမှာငှက်ကလေးနှစ်ကောင်

သစ်စေ့ကလေးတွေ ကောက်စားနေတော့ ရှဥ့်ကလေးတွေလဲ ရောက်လာကြတယ်။

အဲဒီညနေကတည်းက ရှဥ့်ကလေးတွေ နဲ့ငှက်ကလေးနှစ်ကောင်

တကောင်ကို တကောင် မလန့် ကြပဲ သစ်စေ့ကလေးတွေကို ကောက်စားနေကြတာပေါ့...........။

ကျနော်ဟာညနေချိန်တွေရောက်တိုင်းအဲဒီငှက်ကလေးနှစ်ကောင် သစ်စေ့ကလေးတွေလာလာကောက်ကြတာကို တကူးတကအချိန်ပေးပြီးစောင့်ဖြစ်လာတယ်။

ရှဥ့်ကလေးတွေ ခုန်ဆွခုန်ဆွနဲ့ မြက်ခင်းထဲမှာ ပြေးလွှားကြ နပမ်းလုံးကြတာကို

ကလေးတွေ ဆော့ကစားနေကြသလို ရင်းနှီး ကြည်နူးလာမိတယ်။ငှက်ကလေးတွေ အစာစားနေတာကို ကြည့်ရင်း အမြဲတန်း သူတို့ စားတဲ့ ငှက်စာကလေးတွေ မကုန်အောင် ဂရုစိုက်တတ်လာတယ်။

ငှက်ကလေးတွေရှဥ့်ကလေးတွေဟာတဖြေးဖြေးနဲ့

ကျနော့်ဘ၀ရဲ့ အခြားသော သက်ရှိ အစိတ်အပိုင်းကလေးတွေဖြစ်လာခဲ့သလို ဘွန်ဇိုင်းပင်ကလေးတွေဟာလည်း ရွက်နုလေးတွေ ဝေလာကြတာပေါ့......။

တနေ့ မှာ တော့ ငှက်ကလေးတကောင်တည်း ရောက်လာတယ်။ ငှက်ကလေးဟာ အစာကိုကောက်ရင်း လည်ပြန် ကြည့် ကြည့်နေရှာတယ်...။

ကျနော်ကိုယ်တိုင်လည်း စိုးရိမ်စိတ်တွေကြောင့် အလိုလို ဆုတောင်းရင်း သူ့ အဖော်ငှက်ကလေး

မကြာခင် ရောက်လာမှာပါဆိုတဲ့မျှော်လင့်ချက်နဲ့ထိုင်ကြည့်နေဖြစ်ခဲ့တယ် ။

ခဏအကြာမှာ ဆောင်းဦးလေပြေက ခပ်ထန်ထန် ဝှေ့ လိုက်ချိန်...............

ဘွန်ဇိုင်းပင်ကလေးတစ်ပင်ရဲ့အောက်ဆုံးအကိုင်းက၀ါကျင့်ကျင့်

သစ်ရွက်ကလေးတစ်ရွက် ကြွေကျချိန်..................

ငှက်ကလေးဟာ ဝေ့ ကနဲ ကောင်းကင်ကိုပျံတက်သွားတော့တယ်..............................။

အဲဒီနေ့ ကတည်းကစပြီးတော့ ....

တကောင်ထည်းလာခဲ့တဲ့ငှက်ကလေးဟာကျနော့်အိမ်ရှေ့ က

သစ်စေ့ကလေးတွေ ကို စားဖို့ မလာတော့ဘူး..............။

ကျနော်ကတော့နေ့စဉ်သစ်စေ့အသစ်ကလေးတွေကိုဖြည့်ဖြည့်နေခဲ့ရင်း

ညနေတိုင်း သူတို့ ထပ်လာကြဦးမလားဆိုတဲ့စိတ်နဲ့စောင့်နေခဲ့တာ..................။

ခုဆို ပထမဆုံးနှင်းတွေတောင်ကြွေနေပြီလေ...............

ကျနော်ဟာအေးစက်တဲ့ညနေတွေမှာ

သက္ကလပ်အင်္ကျီအရှည်အပြာရင့်ရောင်ကြီးကိုဝတ်ရင်းမာဖလာကလေးကိုပတ်လို့ အိမ်ရှေ့ မှန်တံခါးကြီးကိုဖွင့်ပြီး ဆက်စောင့်နေမိခဲ့တယ်............

ဒါပေမယ့်ကျနော့်ငှက်ကလေးတွေ မလာကြတော့ဘူး............. ဆောင်းအေးလေပြင်းလှိုင်း တလွှာက ကျနော့်အိမ်ခန်းကလေးထဲကိုဒရကြမ်းဆောင့်တိုးလာချိန်မှာ

အိမ်ရှေ့ စားပွဲပေါ်မှာတင်ထားတဲ့ ဖယောင်းတိုင်အရှည် က မီးညွန့် ကလေးဟာလဲ

တချက် ယိုင် ကနဲ လွန့် သွားရင်း ကျနော့်အခန်းကလေးမှောင်သွားတော့တယ်.......................။

ဟောဒီသစ်တောထဲကအိမ်ကလေးထဲမှာလူတယောက်...

မှန်တံခါးပေါက်ကြီးကိုဖွင့်ရင်း မကြာခင်နှင်းတွေကျတော့မယ်ဆိုတာကို မေ့နေပြီး

သူမရည်ရွယ်မဖိတ်ခေါ်ပဲ သူ့ ဘ၀ထဲကို ၀င်လာခဲ့တဲ့ ငှက်ကလေးနှစ်ကောင်ကို ညနေတိုင်း

တိတ်ဆိတ်စွာအမြဲစောင့်နေခဲ့တယ်ဆိုတာကို.................

အဲဒီငှက်ကလေးနှစ်ကောင်သက်ရှိထင်ရှားရှိနေပြီး သိနိုင်ခဲ့မည်ဆိုပါလျှင်..............................................................။

ငြိမ်းဇေဦး

တော…………

မဂ္ဂနမ် စနိုက်ပါ ရိုင်ဖယ် ကို ပုခုန်းပေါ်မှာထမ်းရင်း ငုံ့ကြည့်နေတဲ့ထင်းရူးတောကြီးရှိရာ
တောင်ကြောပေါ်ကို တဖြေးဖြေး တက်လာခဲ့တယ်။

ထင်းရူးတောနဲ့စကားပြောဖို့ လိုတယ်………….။
သ၀န်တိုတတ်တဲ့ချစ်သူနဲ့တူတဲ့ရင်ဘတ်ဘယ်ဘက်ပုခုန်းသိုင်းကြိုးမှာချိတ်ထားတဲ့လမ်းလျှောက်စကား
ပြောစက်ကလေးကို ပိတ်လိုက်တယ်။

တဖြေးဖြေးနဲ့ ပိုမြင့်တဲ့ နေရာကို ရောက်လာလေ လေတိုက်နှုန်းပိုကြမ်းလာလေ ထင်းရူးပင်တွေ
ဟာ ခေါင်းတရမ်းရမ်းတခါခါနဲ့ တက်လာသူကို စိတ်ပျက်လက်ပျက် ငြင်းပါယ်လေပေါ့။

အနောက်ဖက်ကို ပျင်းရိလေးတွဲ့မှု တနင့်တပိုးနဲ့ တွား သွားနေတဲ့ နေလုံးဟာ မူလတန်းကျောင်းသားလေးတွေ မုန့်စားကျောင်းဆင်းချိန် ကန်လိုက်တဲ့ ဘောလုံးလို ခြုံ ပုတ်တွေနဲ့တူတဲ့ တိမ် အုပ်တွေကြားမှာ………….။

ဘယ်ဘက်ခါးမှာချိတ်ထားတဲ့ ရေဘူးကို ဖြုတ်ယူ ပြီး ထင်းရူး ပင်ကြီး တပင်ကို ခွင့်မတောင်းပဲ အမှီသဟဲပြုရင်း တက်လာခဲ့တဲ့ လမ်းကြောင်းကို ပြန် ငေးကြည့်နေမိတယ်။
နောက်တော့ …ရေဘူး ကို ဖွင့်ပြီး တငုံ မော့သောက်လိုက်တယ် မျက်လုံးအကြည့်က ဟိုး အနောက်ဖက် မှာ တံတိုင်းလို ကာ နေတဲ့တောင်တန်း ပြာကြီးတွေကို ဖောက်ထွင်းမြင်ချင်စိတ်တွေနဲ့ဆွေးဆွေးမြေ့မြေ့ ငေး နေမိတယ် ရေဘူး အဖုံး ကို လက်မှာကိုင်ရင်း ရိုင်ဖယ်ကတော့ ထင်းရူးပင်ကို ကျကျ နန မှီလို့ပေါ့။


လေကြမ်းတွေဟာ စိမ်းရင့် မှောင် ပြောက်ကြား အင်္ကျီ ကော်လာကို ဆွဲဆွဲယမ်းနေသလိုပဲ။
ချွေးစက်တွေက တဒီးဒီးနဲ့ ရင် အုပ် ပေါ်မှာ စီးကျနေလိုက်တာ ချစ်သူရဲ့ ကျီစယ် ပွတ်သပ်ကစားမှုလိုပဲ။

ရွှံ့ ပုတ် ရောင် သဘက် သေးလေးကို ပုခုံးပေါ်က ဖြုတ်ရင်း မျက်နှာကချွေးစက်တွေကို သုတ်နေမိတယ်။ ပြီးတော့ ထင်းရူး ပင် ကို မှီလျက်သားနဲ့ ရွှံ့ တွေ ပေကျံနေတဲ့ ၀က်တကောင် သူ့ခန္ဓာကိုယ်ကို သစ်ပင်နဲ့ ပွတ်သလို မျိုး ထိုင်ချပစ်လိုက်တယ်။

ထင်းရူးပင်တွေရဲ့ ထိပ်ဖျား တွေကို မော့ကြည့်နေရင်း မြင်ကွင်းထဲကို သိမ်းစွန်ငှက်ကြီး တကောင် ၀င်လာတယ် ဝေ့လို့ ၀ဲလို့ ..။

ကြည့်နေရင်းမှာပဲ စွန် ငှက်ကြီးဟာ ခပ်ဝေးဝေး တောင်ကြောပေါ်က တောင် ကမူလေးရဲ့ အကွယ်ကို ထိုးဆင်းသွားတယ်.. ….ချစ်သူ အောက်ချင်းငှက်မလေး မုဆိုးရဲ့မျှားချက်နဲ့ အရုပ်ကျိုးပြတ်သစ်ပင်ထိပ်ဖျားက အသက်မဲ့ ခန္ဓာလေး ပြုတ်ကျသွားတာကို လိုက် ကယ်ဖို့ အစွမ်းကုန် ခုန်ဆင်း ဒိုက်ထိုးချရင်း ကိုယ်တိုင်သေသွားမှာ ကျိန်းသေနေတာကိုသိပေမယ့် ဆုံးဖြတ် ချက်နဲ့ အတောင်ပံစုံကို တချက် မခတ်ပဲ ထိုးဆင်းသွားတဲ့အောက်ချင်းငှက် ဖို ရဲ့ ဟန်ပန်မျိုးနဲ့ ။ ခနကြာတော့ သိမ်းစွန်ငှက်ကြီးဟာ ယုန် ကလေးတကောင်ကို သူ့ရဲ့လက်သည်းချွန်တွေကြားမှာ ချီကုတ် ရင်း ထင်းရူး ပင်ကြီး ထက်ကို ပျံတက်သွားတယ်။
ပြီးတော့ ထင်းရူးကိုင်း ကြီးပေါ်မှာ ယုန် ကလေးကို နှုတ်သီးနဲ့ ကျိန်းသေအောင် ကိုက်ပြီးမှ လက်သည်းတွေနဲ့ကုတ်ထားတာ ဖြေပြီး အသေအချာ ချလိုက်တယ်။ ယုန်ကလေးက သေပုံမရသေးဘူး ။


ရိုင်ဖယ် သေနတ်ရဲ့မှန်ပြောင်းထဲမှာ သိမ်းစွန်ငှက်ကြီးရဲ့ လောဘကြီးတဲ့ရင်ဘတ်ကြီးဟာ ထင်ထင်ရှားရှား ဖွင့်ပေးထားနေသလိုပဲ။ သေနတ် မောင်းခလုတ်ပေါ်မှာ ညာဘက်လက်ညှိုးကို တိတိကျကျ တေ့ထားရင်း သက်ပြင်းကိုချလိုက်တယ်။ ပြီးတော့ရိုင်ဖယ်သေနတ်ကို အသာပြန်ပြီးထင်းရူးပင်ကိုမှီထောင်ထားရင်း ထင်းရူးပင်ပေါ်က သိမ်းငှက်ကြီးရဲ့လှုပ်ရှားမှုအားလုံးကို သေချာကြည့်နေမိတယ်။

ဒိုင်း………………… ဆိုတဲ့ ခပ်ဝေးဝေးက တူမီး သေနတ်သံတချက် ဟာ တောင်နံရံတွေကြားထဲမှာ ပဲ့တင်ရိုက်သွားချိန်မှာသိမ်းငှက်ကြီးဟာရုတ်တရက် လန့်  ထပျံသွားလိုက်တော့……..ထင်းရူးကိုင်းပေါ်က ယုန်လေးဟာ ထင်းရူးပင်အမြင့်ကြီးပေါ်ကဝေါကနဲပြုတ်ကျလာတယ်။

ကျနော်ဟာ ထိုင်နေတဲ့ နေရာကအသာထလိုက်ရင်း မဂ္ဂနမ် စနိုက်ပါ ရိုင်ဖယ်ကို ပုခုံးမှာလွယ်လိုက်ပြီး ယုန်ကလေး ပြုတ်ကျရာ နေရာကို ဖြေးဖြေးလျှောက်ရင်း သွေးစတွေစွန်းနေတဲ့ ယုန်သေလေးကို နားရွက် က ကောက်ယူလိုက်တယ် ။

ဒီညစာအတွက် ယုန် သား ကောင်းကောင်း တခွက်ကို ဘယ်လိုချက်မယ်ဆိုတဲ့စိတ်ကူးနဲ့ တောင်ထိပ်ဆီကိုရောက်အောင် ကျနော် ဆက်တက်လာခဲ့တယ်။

တောင်ထိပ်ကိုရောက်လာတဲ့အခါ ဟိုး ခပ်ဝေးဝေး နောက်ထပ်တောင်ကြောတခုက တောစခန်းလေးဆီကို ဆက်လျှောက်ဖို့မျှော်ငေးကြည့်ရင်းဗာဂျင်းနီးယားဆေးအပြင်းစားတွေကိုသတင်းစာစက္ကူအဟောင်းတွေနဲ့
လိပ်ထားတဲ့ ဆေးလိပ်ကလေးတစ်လိပ်ကို ခါးပတ်က ခရီးဆောင် အိပ်ကလေးထဲကထုတ်ရင်း မီးခြစ်ကို ကျနော်ညှိလိုက်တယ်။

သိပ်ဆာလောင် နေတဲ့စိတ်နဲ့ ဆေးလိပ်ကို ပြင်းပြင်း ရှိုက်ဖွာရင်း တောစခန်းလေး ဖက်ကိုဦးတည် လျှောက်နေရင်း ထင်းရူးတောကြီးကို စကားပြောဖို့ မေ့သွားခဲ့တယ်။ ထင်းရူးတောကြီးကတော့ ကျနော်ပြောမယ့်စကားတွေ ကို နားထောင် ဖို့ အမြဲအဆင်သင့်ရှိနေမှာပါ…။ ထင်းရူးတောကြီးဟာ သေနတ်သံတွေကိုလည်းနားထောင်ဖူးခဲ့တယ်။ညည်းညူသံတွေကိုလည်းနားထောင်ဖူးခဲ့တယ်။ ငိုသံတွေကိုလည်းနားထောင်ဖူးခဲ့တာပဲလေ။


ငြိမ်းဇေဦး

ဝန်

ဘာမှ ထပ် စောဒက တက်ဖို့မရှိပါဘူး…..။

ဆောင်းဦးရွက်ကြွေတွေ ကြွေ ကြွေ ကျ လာလိုက်တာ ..။

ဟိုးအနောက်ဖက် က မှိုင်းညို့ အုံ့ဆိုင်းနေတဲ့ကောင်းကင်ပြင်ကြီးကတောင် ဥပေက္ခာပြုလို့။

ငါဟာမြစ်တစင်းဖြစ်ချင်ခဲ့သူပါ။ ငါ့ခန္ဓာကို ငါ့ဒဏ်ရာလုပ်လို့ ……..ငါ့မျက်ရည်တွေ ငါ့ကိုယ်ပေါ် ဖြတ်စီးဆင်းလို့..။

ငါ့ကို ချုပ်နှောင်ထားတဲ့ ကာလသုံးပါးကိုလဲ တဟားဟား နာကျင်လှိုက်မော ထီမထင်စွာရယ်ရင်း စီးဆင်းပစ်ဖို့…။

ငါဟာချစ်မြတ်နိုးတတ်သူပါ…။ ငါဟာ ဆုံးရှုံးခဲ့ဖူးသူပါ..။ ငါမသေချာတာကတော့ ငါ ချစ်မြတ်နိုးခြင်း ခံခဲ့ရဖူးသလားဆိုတာ..။

ငါ တန်ဘိုးထားခြင်း ခံခဲ့ရဖူးသလားဆိုတာ…။ ငါ တမ်းတလွမ်းဆွတ်ခြင်းခံခဲ့ရဖူးသလားဆိုတာ…။

ငါမသိဘူး… တကယ်တော့ ငါ ဟာ တကယ်ကိုဘာမှ ကျကျ နန မသိ သူ ပါ။

ဟိုးတုန်းက သစ်ခွပန်းရိုင်းတွေ အခိုင်လိုက် အဆုပ်လိုက်ပွင့်နေတဲ့သစ်ပင်ကြီးတွေအောက် ရောက်ဖြစ်ခဲ့ရင် ငါဟာဘယ်သူ့ကိုပေးရမယ် မသိပေမယ့် အဲဒီ သစ်ခွရိုင်း ပင်တွေကို ခဲရာခဲဆစ် တက်ခူးခဲ့ပြီးတိုင်း ငါ့ရဲ့ ကျောပိုးအိတ်ပေါ်မှာချိတ်ပြီး လမ်းလျှောက်ရင်းပျော်တတ်သူပါ။

တောင်ကုန်းတခုခု သို့မဟုတ်ဆင်ခြေလျှောတောင်စောင်းတခုခုမှာတွေ့တတ်တဲ့ ကျောက်ပုံစေတီလေးတွေနားမှာ

ငါခူးခဲ့တဲ့သစ်ခွရိုင်းတွေကို ဆက်ကပ်ခဲ့ရင်း သီချင်းလေး တအေးအေးနဲ့ ကြည်နူးတတ်ခဲ့သူပါ။

ငါ့ကို ငါ့အမေ က ပြောဖူးတယ် အင်မတန်နူးညံ့တဲ့ငါ့သားတဲ့ အင်မတန်သိမ်မွေ့တဲ့ငါ့သားတဲ့ ….ခုများတော့ငါဟာ ကျားနာတကောင်လို ချောင်တခုမှာ တယောက်ထဲ နာကျင် ငြိမ်သက်တတ်ခဲ့ရပြီ။ ငါ့အပြုံးတွေကို မျက်နှာသစ်ရင်တောင် ရေချိုးခန်း မှန်ရှေ့မှာ ရှာမတွေ့တော့လောက်အောင် ဆုံးရှုံးခဲ့ရပြီ။ငါ့မှာရံဖန်ရံခါ နာတတ်တဲ့ စိတ်ကလွဲလို့ ဘာမှမခံစားတတ်တော့လောက်အောင် ငါ ပြိုကျခဲ့ရပြီပေါ့…………။

ငါ ဟာ ရေတံခွန် ကြီးတွေကိုတွေ့တိုင်း အဲဒီရေတံခွန်ကြီးတွေ ရဲ့ အသံကို နားစွင့်စရာမလိုပေမယ့် နားစွင့်ခဲ့ဖူးတယ် ။ ငါ့ကိုယ်ပိုင်ဘာသာပြန်မှုတွေနဲ့ရေတံခွန်ကြီးတွေရဲ့ ရေစီးသံတွေကို မြတ်နိုးခဲ့ဖူးတယ် ..။ပြီးတော့အဲဒီရေတံခွန်ကြီးတွေရဲ့ အပေါ်ကိုမော့ကြည့်လိုက်တိုင်း အောက်ချင်းငှက်ကြီးတွေ အဖိုနဲ့အမ ယှဉ်တွဲပျံသွား တာမြင်ရရင် ငါ့ အတိတ် နိမိတ်ကောက်မှုတွေနဲ့ငါဟာ တစုံ တယောက်…………… ငါက ဘ၀ပေးချစ်သလို ငါ့ကိုချစ်မယ့် မိန်းကလေးတယောက်ကို စိတ်ကူးနဲ့လွမ်းခဲ့ဖူးတယ် ပြီးတော့ငါကိုယ်တိုင်ရေတံခွန်ကြီးရဲ့အောက်ခြေ ရေနက်ပိုင်းကို ငုံ့လို့အသက်မရှူပဲ ၊ ဟိုသည်မကူးခတ်ပဲ ငါ့ခေါင်းပေါ်ကို ထိုးဆင်း ခုန်ချလာတဲ့ ရေထုရဲ့အောက်မှာ ကြာနိုင်သမျှ ကြာအောင် နေကြည့်ခဲ့ဖူးတယ်။

ပြီးတော့ အဲလိုနေရင်း ငါများ သေသွားခဲ့ရင် ငါ့ချစ်သူကောင်မလေး ဘယ်လို တယောက်ထဲများ ကျန်နေရှာပါ့မလဲ

ဆိုတဲ့ စိုးရိမ်စိတ်နဲ့ ရေအောက်ကြမ်းပြင်ကို အားကုန်ဆောင့် ရုန်းရင်း ရေမျက်နှာပြင်ပေါ် ပြန်ပြန်တက်ခဲ့ဖူးတယ်

ဒါပေမယ့်………အဲဒီရေတံခွန်ရဲ့ကမ်းပါးမှာ တစုံတယောက်မှ ရှိမနေခဲ့ပါဘူး…………..။ သံသရာနဲ့ယှဉ်ပြီး စွဲလန်းတတ်တဲ့စိတ်တွေနဲ့ ငါဟာ ငါ့ကိုယ်ငါ တုတ်နှောင်ခဲ့တာပါ ။ ငါ့ဘ၀ကို ငါ ထင်းရူးပင်လေးတပင်လို၊ ခရေပန်းတွေလို၊ ပုန်းညက်ပင်လေးတပင်လို၊ နွေအခါ ဖွေးဖွေးလှုပ်နေအောင် ပွင့်တတ်တဲ့ တမာပွင့်တွေလို

မှောင်တော့မှ သင်းပျံ့ရတဲ့ ညမွှေးပန်းတွေလို ၊ ငါမြတ်နိုးခဲ့ဖူးတယ် ။

ငါဟာပေးဆပ်ဝံ့ခဲ့တယ်… စာနာတတ်ဖူးတယ်…. မျိုသိပ်ခဲ့ဖူးတယ်….ဝမ်းနည်းစိတ်နဲ့ကြိတ်ပြီး နားလည်ပေးခဲ့ဖူးတယ်….

ငါ့စိတ်အစဉ်ဟာ မှိုင်းပြာညိုမှောင်တဲ့ မဲနယ်တောင်တန်းကြီးတွေလို ဘာကိုမှအပြစ်မဆိုပဲ တိမ်ညိုတွေကိုလဲ ထမ်းခဲ့ဖူးတယ်

ငါ့အပေါ်မှာ ရွာချ ပြီး ငါ့ဘ၀ကိုဖဲ့ထုတ်သွားခဲ့တာတောင် ငါဟာ အပြစ်မတင်တတ်ခဲ့လောက်အောင်လဲ အသေ တကောင်လို

တုန့်ပြန်မှုမဲ့ခဲ့တယ်။

ခုတော့ ငါ့ ရှင်သန်ခြင်းဆိုတာ ဒဏ်ရာတွေ ပိုတိုးလာဖို့ အလဲထိုးမခံရမခြင်း ကိုယ့်အကြောင်းကိုယ်မသိပဲ ကုန်းရုန်းထနေတဲ့ လက်ရည်မမှီတဲ့ လက်ဝှေ့သမား လို လောက ကြိုးဝိုင်းထဲမှာ ငါဟာ အလူးလူးအလဲလဲ ဒယီးဒယိုင် ပြန်ပြန်ထရင်း ဆင်ခြင်စွမ်း

ခုခံနိုင်စွမ်း တန်ပြန်တိုက်ခိုက်နိုင်စွမ်းတွေကင်းမဲ့လို့ပေါ့….။

ငါဟာခုတော့ ထစ်ကနဲဆို ခုခံဖို့အသင့်ဖြစ်ခဲ့ရပြီ။ အားလုံးကို သံသယနဲ့ကြည့်တတ်ခဲ့ရပြီ။ လောကကို နာကျင်စရာ ဖြစ်စဉ်လို့

သည်းခြေထဲ စွဲနစ်နေအောင် ဘ၀နဲ့ သိခဲ့ရပြီ ။

အဲသလိုနဲ့ ငါဟာငါများသေသွားခဲ့ရင်ငါ့ကိုဘ၀ပေးချစ်မယ့်ငါ့ချစ်သူကောင်မလေးဘယ်လိုတယောက်ထဲများ

ကျန်နေရှာမလဲဆိုတဲ့ နောက်ဆံတင်းစိတ်တွေဖြစ်ခဲ့ဖူးတာကို မေ့လျော့လို့ ………………….။

ငါသတိဝင်တဲ့အခါ……….

ငါ့ကိုပွေ့ဖက်တဲ့ အပျိုစင်လက်ကလေးကို ပုတ်ချရုန်းကန်ရင်း အမုန်းသံနဲ့ရန်လုပ် လို့ ကြောက်ကန်ကန်ပြေးခဲ့လိုက်မိတာ ငါ့ပြန်လမ်းငါမသိတော့တဲ့ သောကတောနက်ကြီးရဲ့အလည်မှာပေါ့…

ငါ့ရှေ့မှာ တော့ အင်မတန်ကြီးတဲ့ ရေတံခွန်ကြီးတစ်ခုလေ စီးနေလိုက်တာတဝေါဝေါနဲ့ …ငါ့ရီဝေမျက်လုံးတွေနဲ့ကောင်းကင်ကိုမော့ကြည့်တဲ့အခါ အောက်ချင်းငှက် တကောင်တလေမှရှိမနေခဲ့ဘူး….

ဒါပေမယ့် ဒီတခါတော့ငါဟာ ရေတံခွန်ရဲ့ စီးဆင်းသံကို ဘာသာပြန်ဖြစ်ခဲ့တော့မှာမဟုတ်သလို…………….

……………………………………………………….

………………………………………………………။

ငြိမ်းဇေဦး

တရားသောအချစ်

ငယ်ကချစ် အနှစ်တရာ မမေ့သာဆိုတဲ့ စကားကလေးကိုကြားဖူးကြမှာပေါ့ကွယ် ...။

ဟိုးရှေးပဝေသဏီက အင်မတန်သာယာစည်ပင်ဝပြောတဲ့တိုင်းပြည်ကြီး တပြည်ရှိခဲ့သတဲ့ကွယ်။

အဲဒီတိုင်းပြည်ကြီးမှာ ကုန်စည်ကူးသန်းရောင်းဝယ်ဖောက်ကားမှုတွေ စည်ပင်သလို ပွဲလမ်းသဘင်တွေကလည်း ပေါမှပေါတဲ့ ။ အဲဒီတိုင်းပြည်က ဘုရင်ကြီးဟာလည်းမင်းကျင့်တရား ဆယ်ပါးနဲ့အညီအုပ်ချုပ်တယ်ပေါ့...။

အဲဒီတိုင်းပြည်ရဲ့ နယ်စပ် အစွန်အဖျားမှာ ရွာငယ်လေးတစ်ခုရှိသတဲ့ အဲဒီရွာငယ်လေးရဲ့ အရှေ့ ဖက် တောစပ်ကနေ၀င်သွားရင် အင်မတန် မှလှပသာယာတဲ့တောအုပ်ကြီး တခုရှိသတဲ့ ကွယ် ။

အဲဒီတောအုပ်ကြီးကနေပြီးတော့ တဆင့် တောင်ကမူလေးတွေကိုကျော်ပြီးသွားမယ်ဆိုရင်တော့ တောနက်ကြီးထဲကိုရောက်တော့တာပေါ့...။

အဲဒီတောနက်ထဲမှာ အင်မတန်မြင့်မားတဲ့သစ်ပင်မျိုးစုံရှိကြတယ်လေ။

အဲဒီလို သစ်ပင်မြင့်ကြီးတွေနဲ့ စိမ်းမှောင် ညိုလဲ့နေတဲ့သစ်တောကြီးထဲမှာ ထူးဆန်းတဲ့သစ်ပင်တမျိုး ရှိတယ် အဲဒီ သစ်ပင်ဟာ မျိုးဟာလည်း အင်မတန်မှ ရှားပါးလှတာပေါ့ကွယ် ။

ဘယ်လောက်ရှားသလဲဆိုရင် အဲဒီ သစ်တောကြီး တခုလုံးမှာတောင်အဲဒီလိုအပင်မျိုးက တပင်ပဲရှိပြီး အဲဒီ တပင်ကိုလည်းသာမာန်လူရဲ့မျက်စိနဲ့မမြင်နိုင်ဘူးတဲ့လေ ။

ဒါပေမယ့်အဲဒီသစ်ပင်ဟာ ညအခါမှာတော့ အလင်းရောင် မှိန်မှိန်လေးတွေထွက်နေတတ်တဲ့အတွက် ညပိုင်းများ အဲဒီတောနက်ကြီးထဲကိုရောက်သွားရင် မြင်နိုင်တာပေါ့ကွယ်။

မိုးတွေမှောင်မဲ တိမ်တွေအလိတ်လိုက်ကောင်းကင်မှာ ဖြစ်နေတဲ့တနေ့ မှာ အဲဒီ တောအုပ်ကြီးနားက ရွာငယ်လေးက လူငယ်လေးတယောက်ဟာ တောနက်ကြီးထဲကိုထွက်လာခဲ့တယ်တဲ့။ သူ တောနက်ထဲကိုထွက်လာခဲ့တာဟာ ဘယ်လိုရည်ရွယ်ချက်နဲ့မှ မဟုတ်ဘူးတဲ့ကွယ်

အဲသလိုနဲ့တောနက်ထဲရောက်လာတော့ တဖြေးဖြေးမှောင်လာတာပေါ့ ။ မှောင်လာတော့ သူ ဟာ ပြန်မယ့်လမ်းကိုမမြင်တော့ဘူးတဲ့ ကောင်းကင်ကကြယ်တွေ နက္ခတ်တာရာတွေကို အားကိုးဖို့ ဆိုတာလဲ မိုးမှောင်ကျနေတော့ကာ သူ့ ခမျာ မမြင်ရှာတော့

ဟိုး တောအုပ် ထဲ က ခပ်မှိန်မှိန်အလင်းရောင်ရှိရာကိုသူ ဦးတည်သွားတော့တာပေါ့...။

အဲဒီ လိုနဲ့လူငယ်လေးဟာ အလင်းရောင် တွေထွက်တဲ့ သစ်ပင်အောက်ကိုရောက်သွားသတဲ့ ။ အဲသလို သူရောက်သွားချိန်မှာ ပုရစ်တွေက အော် ခပ်ဝေးဝေးက သမင်တွေ ရေသောက်ဆင်းလို့  ချေ ကလေးတွေကလဲ တောက်နေကြတဲ့ အသံတွေပဲ တောထဲမှာ

ဆူညံနေပြီး တခါတခါ ကျားဟိန်းသံသဲ့သဲ့ကိုကြားရတာပေါ့။

လူငယ်လေးဟာ အဲဒီအပင်အောက်မှာ ထိုင်နေရင်း သစ်သီးတစ်လုံးကြွေကျလာသတဲ့ ။အဲဒီသစ်သီးဟာ ကြည်လင်ပြီးတော့ ဖန်သီးလေးလိုဖြစ်နေပြန်ပေမယ့် ပျော့အိ တဲ့ အသီးတစ်လုံးလဲဖြစ်နေတာပေါ့ ။ လူငယ်လေးဟာ အဲဒီအသီးကို ကောက်ယူပြီးတော့

သူ့ ရဲ့ အင်္ကျီလက်မောင်းစနဲ့ သေချာ ပွတ်သပ်ပြီး ဆာဆာနဲ့ တစ်လုံးလုံးကုန်တဲ့ အထိစားလိုက်တာပေါ့။

အဲဒီအသီးဟာ ချိုအေးမွှေးမြပြီးတော့ သူစားဖူးသမျှ ဘယ်လို အသီးအနှံနဲ့ မှ မတူတဲ့ အရသာ ထူးရှိနေတာပေါ့။

သူဟာ အဲဒီသစ်သီးကိုစားလို့ ကုန်ချိန်မှာပဲ အိပ်ချင်စိတ်ပေါက်ပြီး အဲဒီသစ်ပင်ကိုမှီပြီး အိပ်တော့တာပေါ့။

သူစအိပ်ပျော်ပြီ ဆိုတာနဲ့ အိပ်မက် တစ်ခုကိုသူစမက်တော့တယ်လေ...................။

အဲဒီအိပ်မက်ထဲမှာ သူ့ကို အင်မတန် အသက်ကြီးပြီလို့ ထင်ရတဲ့ အဘိုးကြီးတယောက်က လာခေါ်သတဲ့  သူလဲ အဲဒီ အဘိုးကြီးခေါ်ရာ နောက်ကိုလိုက်သွားလိုက်တာ လေစီးကြောင်းထဲမှာပေါ့ပါးလွင့်ပျံနေသလို ပဲတဲ့  ။

အဲသလိုနဲ့ အလင်းရောင်တွေထွက်နေတဲ့ဂူကြီးတစ်ဂူအ၀ကိုရောက်တော့တာပေါ့ ...။

အဲဒီဂူဝကိုရောက်တာနဲ့အဘိုးကြီးဟာ သူ့ ကိုပြုံးပြပြီးတော့ ကဲ ငါ့မြေးရောက်ပြီ လို့ ပြောရင်းရှေ့ က ၀င်သွားသတဲ့။ လူငယ်လဲ အဲဒီဂူကြီးထဲကိုနောက်က ၀င်လိုက်သွားတာပေါ့။

ဂူကြီးထဲကိုရောက်တဲ့အခါ အဘိုးကြီးဟာ လူငယ်ကို ကျောက်ဖျာကြီးတချပ်ပေါ်မှာထိုင်ဖို့ ပြောသတဲ့ လူငယ်လဲကျောက်ဖျာကြီးပေါ်မှာ တင်ပလ္လင်ခွေထိုင်လိုက်ချိန်မှာ ချောက်ကမ်းပါးတစ်ခုထဲကိုပြုတ်ကျသွားသလိုဖြစ်ပြီးမေ့သွားတာပေါ့။

အဲဒီအိပ်မက်က လန့် နိုးတဲ့အချိန်မှာ လူငယ်ဟာ တကယ်ပဲ ဂူထဲကိုရောက်နေပြီး သူ့ ရှေ့ မှာ ကျောခိုင်းပြီး တင်ပလ္လင်ခွေထိုင်နေတဲ့အဘိုးကြီးကိုတွေ့တော့တာပေါ့ ။

အဘိုးကြီးက လူငယ်ကို အေး ...လူလေး မင်းနိုးပြီမဟုတ်လား ဒီတော့မင်းကိုငါပြောမယ် ခုချိန်ကစပြီး မင်းဟာ ကိုယ်ပျောက် ပုဂ္ဂိုလ်တပါးဖြစ်သွားပြီဖြစ်သလို မင်းဟာ လောကကြီးရဲ့ ရှိသမျှ ပညာရပ်တွေအကုန်လုံးကိုတတ်မြောက်သွားတဲ့လူတယောက်ဖြစ်သွားပြီ

လောကကြီးကိုကောင်းကျိုးပြုဖို့ မင်းသွား ရတော့မယ်လို့ ပြောတယ်တဲ့။

ဒီအခါ လူငယ်က နားမလည်နိုင်ပဲ အဘိုးရယ် ကျနော် က ကိုယ်ပျောက်ပြီဆို ကိုယ် မပျောက်ချင်ရင်ဘယ်လိုလုပ်ရမတုန်းဗျာ လို့ မေးရှာသတဲ့ ။

အဘိုးကြိးက လူငယ်ကိုပြောတယ် လေ ၊ ကိုယ်မပျောက်ချင်တဲ့အချိန်မှာ ကိုယ်မပျောက်ချင်ဘူး အာရုံပြုလိုက်ယုံပါလို့ ပြောသတဲ့ အဲဒီမှာလူငယ်ဟာ ဟုတ်ကဲ့ခင်ဗျာလို့ ဖြေပြီးတော့ အဲဒီဂူထဲကနေထွက်ခွာဖို့ အဘိုးကြီးကို တဆက်တည်း နှုတ်ဆက်လိုက်တာပေါ့

နှုတ်ဆက်ပြီးတာနဲ့လူငယ်ဟာ ဂူထဲကထွက်လိုက်တယ်ဆိုရင်ပဲ နန်း မြို့တော် ကြီးကို ဦးတည်တဲ့ လမ်းမပေါ်တန်းရောက်သွားသတဲ့။

လူငယ်ဟာ ရွှင်လန်းတက်ကြွစွာနဲ့ နန်းမြို့တော် ထဲကိုဝင်သွားတာပေါ့ နန်းမြို့တော်ထဲရောက်တဲ့ အခါ မင်းညီမင်းသားတွေ မှူးကြီးမတ်ရာတွေနဲ့ အစေခံတွေ သာမာန်ပြည်သူတွေ ဥဒဟိုသွားလာ လှုပ်ရှားနေကြတာကိုမြင်ရတာပေါ့

သူ့ ကိုတော့ဘယ်သူမှမမြင်ဘူးလေ...။

ဒါနဲ့ သူဟာ သွားရင်း ဘုရင်ကြီးရဲ့တဦးတည်းသော သမီးတော် ပင်တိုင်စံ ထိပ်ထားလေးနဲ့သူ့  ရံရွေတော်တွေ ဟာ ရဲမက် ဗိုလ်ပါ အခြံအရံတွေကြားမှာ ဝေါယာဉ်သာပေါ်မှာထိုင်လျှက် ပါလာတာကိုမြင်တယ်တဲ့

လူငယ်ဟာ အဲဒီ ဝေါယာဉ်သာနောက်က နေပြီးတော့ အသာလေးလိုက်လာတာပေါ့...။

နန်းတော်ထဲကိုဝေါယာဉ်သာ ဟာ ဦးတည်သွားပြီးတော့ တပင်တိုင် စံနန်းဆောင်ရှေ့ မှာ ရပ်တဲ့ အခါ မင်းသမီးလေးဟာ ဆင်မယဉ်သာ ခြေလှမ်း ကလေးတွေနဲ့ ကနွဲ့ ကလျလေး ကတ္တီပါ နက်ပြာရောင် ပိုးသား ကော်ဇောထက်မှာ တလှမ်းချင်း နန်းဆောင်ထဲဝင်သွားတာပေါ့...။

ိ

သူဟာ မင်းသမီးလေး ရဲ့နောက်က ထပ်ကြပ်မကွာလိုက်သွားပြီးတော့ အပျိုစင်မင်းသမီးရဲ့နန်းတောထဲမှာစပ်စုတာပေါ့ ..။ မင်းသမီးလေးဟာ သလွန်ညောင်စောင်းပေါ်မှာကျော့ကျော့လေး ဘေးစောင်းထိုင်လို့ အထိမ်းတော်တွေ အပျိုရံတွေနဲ့

ဂီတကြောင်း ၊ နတ်ဘုရားတွေအကြောင်း ၊ သူရဲကောင်းတွေအကြောင်းနဲ့ မင်းပျိုမင်းလွင်တွေအကြောင်းပြောနေတာကို လူငယ်ဟာ သေချာ ထိုင်ပြီး ဘေးနားက နားထောင်နေတာပေါ့ ။

အဲသလို နားထောင်ရင်း မင်းသမီးလေးကြိုက်တဲ့  ရတု ရကန်တွေ ဂီတတွေ နဲ့ မင်းသမီးလေးလိုချင်တဲ့ကြင်ယာတော် ဖြစ်မယ့်လူတယောက်မှာ ရှိရမယ့်အချက်တွေအကုန်လုံးကိုသိသွားတာပေါ့..။

အဲသလိုနဲ့ လူငယ်ဟာ မင်းသမီးလေးကို အင်မတန်မှ ချစ်ခင်မြတ်နိုးပြီး မေတ္တာမျှနေပြီဖြစ်တယ်လေ ဒါပေမယ့် သူ့ ကိုယ်သူ ကိုယ်ယောင်ပြပြီးချစ်ရေးမဆိုရဲရှာဘူး။

မင်းသမီးလေးကလည်းအမြဲတန်း ည အိပ်တိုင်း အိပ်မက်မက်ရင် အဲဒီ လူငယ့်မျက်နှာကို အိပ်မက်ထဲမှာ မက်မက်နေတာပေါ့......................။

အချိန်တွေဟာကြာလာခဲ့ပြီးနောက်ဆုံးမှာ မင်းသမီးလေးကို ဖခင်ဘုရင်ကြီးက ကြင်ယာတော်ရှာရမယ်လို့ အမိန့် တော်ချမှတ်တဲ့ အခါမှာ သမီးတော်လေးအတွက် ကြင်ယာတော်ရွေးပွဲ ကျင်းပရတော့တာပေါ့...။

အဲဒီကြင်ယာတော်ရွေးပွဲမှာ နိုင်ငံတကာက မင်းညီမင်းသားတွေ ဟာ လာရောက်ယှဉ်ပြိုင်ဖို့တဖွဲဖွဲ လာကြတာပေါ့ ။ အဲသလို နဲ့ မင်းသမီးလေးရဲ့ကြင်ယာတော်ဖြစ်သင့်တဲ့သူဟာ

အတော်ဆုံး အကောင်းဆုံး နဲ့အရည်အချင်းအရှိဆုံးဖြစ်ရမယ်ဆိုတဲ့စံနှုန်းတွေသတ်မှတ်လိုက်တာပေါ့။

အဲဒီကြင်ယာတော်ရွေးပွဲကို လူငယ်ဟာ ၀င်ရောက်ယှဉ်ပြိုင်လိုစိတ်ဖြစ်မိတာပေါ့ ကနဦးကတည်းက သူ ကချစ်နေရသူပဲ လေ ...။

ဒါနဲ့လူငယ်ဟာ အဲဒီကြင်ယာတော်ရွေးပွဲကို သွားပြီး ယှဉ်ပြိုင်ခွင့်အတွက် စာရင်းပေးချိန်မှာ လူငယ်ရဲ့ ဇာတိ မျိုးရိုး ဥစ္စာပစ္စည်းပိုင်ဆိုင်မှုတွေကို မေးတဲ့အခါ လူငယ့်ခမျာ နန်းတော်ကြီးရဲ့အလည်မှာ ဘာမှ မဖြေနိုင်ရှာဘူးတဲ့ အဲသလိုမဖြေနိုင်တဲ့အခါ

စာရင်း ကောက်ယူ နေတဲ့ ဟူးရား ပုဏ္ဏား ပညာရှိတွေဟာ ဒေါသတွေထွက်ပြီး မောင်းထုတ်တာပေါ့..။ အဲသလို ဆူဆူညံ ညံအသံကို မင်းသမီးလေးက ကြားတဲ့အခါ ညီလာခံသဘင်ကျင်းပရာ နန်းမဆောင်ကြီး ဘက်ကို မင်းသမီးလေးကိုယ်တိုင်လာပြီး

ကြည့်တော့တာပေါ့..။

အဲသလိုကြည့်တဲ့အခါ သူ့ အိပ်မက်ထဲက ကောင်လေး သူ့ အိပ်မက်ထဲက မြတ်နိုးရတဲ့ လူငယ်လေးဆိုတာ သူတန်းသိတာပေါ့ အဲသလိုတန်းသိတဲ့အခါ သူဟာ သူ့ အိပ်မက်ချစ်သူလေးဟာ အခြေမဲ့အနေမဲ့ကောင်လေး ဆိုတာ ကိုလဲ သိလိုက်ရတော့ဝမ်းနည်းသွားပြီး

တခါထဲပဲ ကြင်ယာတော်ရွေးပွဲနဲ့ပတ်သက်လို့  စည်းမျဉ်းစည်းကမ်းကို သူ့ စိတ်တိုင်းကျပြင်ပါရစေလို့ခမည်းတော် ဘုရင်ကြီးကိုခွင့်ပန်တာပေါ့...........။

အဲသလို အင်မတန်လည်းချောမောလှပ စိတ်ကောင်း စေတနာကောင်းလဲရှိ နူးညံ့ ညင်သာ မဟာကလဲဆန် တဲ့ ပင်တိုင်စံမင်းသမီးလေး က သူ့ ဖခင်ဘုရင်ကြီးကိုခွင့်ပန်တာကတော့ မင်းသမီးလေးရဲ့ကြင်ယာတော်ရွေးပွဲကို အယုတ်အလတ်အမြတ်မရွေးမည်သူမဆို ပါဝင်ခွင့်

ရှိရမယ်လို့ ဖြစ်ပါသတဲ့ ....။

အဲသလိုနဲ့ ကြင်ယာတော်ရွေးပွဲစည်းမျဉ်းစည်းကမ်းကို ပြင်ဆင်လိုက်ပြီး အယုတ်အလတ်အမြတ်မရွေးပါဝင်ယှဉ်ပြိုင်ခွင့်ရှိတယ် လို့ သိလိုက်ရတဲ့အချိန်မှာပဲ တိုင်းနိုင်ငံအသီးသီးက ပုရိဿယောက်ျား မှန်သမျှ ၊ အိမ်ထောင်မရှိသူမှန်သမျှဟာ အဲဒီနန်းတော်ကြီးဆီကို လာရောက်ပြီး တော့ စာရင်းပေးသွင်းလိုက်ကြတာပေါ့ကွယ်.........................။

အဲသလိုနဲ့ အရည်အချင်းပြိုင်ပွဲကြီးကို စတင်နိုင်ဖို့ နှစ်ပေါင်းများစွာ စာရင်းကောက်ယူပြီး တဲ့နောက် ပြိုင်ပွဲကို လည်း စတင်ခဲ့တာ နှစ်များစွာကြာပြီးနောက် ပြိုင်ပွဲ အဆုံးသတ်တဲ့အခါ .........။

မင်းသမီးလေးကိုဘယ်သူမှရှာလို့ မတွေ့ တော့ပါဘူးတဲ့............................။

ဒီပုံပြင်လေးကိုဖတ်မိတဲ့ ညီ ညီမလေးတို့  တူတူမလေးတို့ ရေ တကယ်လို့ များ နှင်းဆီကုန်းဘိုးဘွားရိပ်သာကိုရောက်ဖြစ်ခဲ့မယ်ဆိုရင် တခုသော အမျိုးသမီးဆောင်မှာ ခါးကုန်းလို့ မျက်ခုံးမွှေးတွေဖြူနေတဲ့ အဘွား တစ်ယောက်ကို တွေ့ ခဲ့တယ်ဆိုရင်

ဒီပုံပြင်လေးကိုဖတ်ခဲ့ရပါတယ်ဆိုတဲ့အကြောင်းနဲ့ ကြင်ယာတော်ရွေးပွဲပြီးသွားပါပြီ ဆိုတဲ့အကြောင်း ပြောလိုက်ကြပါ လို့  မှာလိုက်ချင်ပါတယ် ကွယ် သို့ သော်လည်းကိုယ်ပျောက်သွားတဲ့ လူငယ်လေးကတော့ ဆက်ပြီးပျောက်နေတုန်းပါပဲ ဆိုတာကိုလဲ အသိပေးလိုက်စေချင်ပါတယ်ကလေးတို့ရေ.........................။

ငြိမ်းဇေဦး

မမဘာလို့ ဖုံးတာလဲ ...

ဟိုးရှေးတုန်းက
ကောင်မလေး တယောက်ရှိတယ်။

အဲဒီကောင်မလေး ကိုမွေးဖွားတဲ့ တိုင်းပြည်က တောင်ကြီးတစ်ခုရဲ့ ခြေရင်းမှာတဲ့။

အဲဒီလိုနဲ့ ... ကောင်မလေးဟာ တဖြေးဖြေး အရွယ်ရောက်လာတော့ ... ထင်းရူးပင်ကြီးတွေအောက်မှာ မိုးရာသီဆိုရင် အနီရောင်မှိုကြီးတွေကို အမြဲကောက်တတ်တယ်တဲ့

ပြီးတော့ အဲဒီမှိုနီကြီးတွေကို သူ့ ရဲ့ ပလိုင်းလေးထဲကို မိုး စက်တွေကျနေတတ်တဲ့ ညနေတွေမှာ ကောက်ပြီးထည့်ယူလာတတ်တယ်တဲ့

အဲလို ပြန်လာတိုင်း အင်ပင်ကြီးတွေရှိတဲ့အင်တောကိုဖြတ်တဲ့အခါ
အင်တောက အင်ပင်တွေအောက်က
ညိုမဲမဲရောင် အလုံးလေးတွေနဲ့တူတဲ့အင်ဥတွေကို ကောက်တာပေါ့


အဲဒါနဲ့အဲဒီအင်ဥလေးတွေကိုလဲ စုကောက်ပြီးတော့ ဖက်ကလေး နဲ့ ကန်တော့ထိုးပြီးတော့ ယူလာတာပေါ့
အင်း
ရေချောင်းလေးကို ရောက်တိုင်းသူက ရေဆေးနေကြတဲ့
မှိုတွေ အင်ဥတွေကိုရေဆေးနေချိန်မှာ
ရေထဲက ငါးကလေးတစ်ကောင်ကိုမြင်ရတယ်တဲ့
ကောင်မလေးဟာ ငါးကလေးကိုမြင်တဲ့အချိန်မှာ
ငါးကလေးက စကားပြောတယ်တဲ့
ပထမတော့ကောင်မလေးဟာ ငါးကလေးကသူ့ ကိုစကားပြောတယ်မထင်ပဲ
တခြား လူတယောက်ယောက်များလားဆိုပြီး လိုက်ရှာကြည့်တာပေါ့

ဒါပေမယ့်နောက်ဆုံးမှာ ငါးကလေးကသူ့ ကိုပြောနေတာကျိန်းသေသွားတော့
ငါးကလေးရယ် နင်ငါ့ကိုဘာပြောနေတာလဲဟင်လို့ မေးတယ်တဲ့
အဲဒီအချိန်မှာ ငါးကလေးကဘာပြောလဲဆိုတော့
“ကောင်မလေးရယ် နင်ဟာ အောက်ခံဘောင်းဘီလဲ မ၀တ်ပါလား ” လို့ ပြောတယ်တဲ့ အဲဒီကစလို့ ကောင်မလေးတွေဟာ အောက်ခံဘောင်းဘီကိုအပြင်ထွက်တိုင်းဝတ်ကြရတော့တာပေါ့။
တချို့လဲ ငါး တွတ်ခံချင်စိတ်ပေါက်တဲ့အခါမှာ တော့ မ၀တ်ကြဘူးတဲ့ကွယ်။


ငြိမ်းဇေဦး

တဦးတည်း ဆည်းဆာ

အိမ်ရှေ့ သမံသလင်းပေါ်က ဂမုန်းအိုး များကို ရေလောင်းနေရင်း သေသွားသော နွယ်ပန်းပင်လေးနှစ်ပင် ၏ ခြောက်သွေ့မှုကို မမှိတ်မသုန်ကြည့်နေမိ၏။
အရင်တုန်းကတော့ ခရမ်းရောင်လေးတွေပွင့်နေကြ ခုတော့ ခြောက်သွေ့သော ပင်စည် ကိုင်းခက် သစ်ရွက်များဖြင့်...။

အချို့သောသစ်ရွက်များက ပင်စည် ကိုင်းခက် များပေါ်မှာ ငုတ်တုတ်ခြောက်သွေ့ နေကြ၏ ။ ပြိုလဲမကျသွားသေး။ လွင့်မျော ပျောက်ဆုံးမသွားသေး ....။

ဆေးရောင်စုံတို့ ပေကျံနေသော အကျီ င်္ ဟောင်း က ရင်ဘတ်ဟကွဲ ..။
အောက်ဆုံး ကြယ်သီးတလုံးကတော့ တစ်ထည်တည်းသော ယောပုဆိုးလေး ပြန်လည်ဖာထေး ပြုပြင်ဝတ်ဆင်လို့ မရသည့် အဆုံး ရေချိုးခန်း ခြေသုတ်ဝတ်မဖြစ်ခင်ကာလ ကတည်းက ပုဆိုးကို ဒေါနှင့်မောနှင့် စည်းလိုက်ချိန်တွင်
ပြုတ်သွားခဲ့ရ၏။


သမံသလင်းပေါ်သို့ ကျကျ နန တင်ပလ္လင်ခွေထိုင်ချရင်း အနောက်ဖက် မှ လင်းဖြာဆဲရှိသေးသော နေရောင် အိုအို၏ ဖျားနာ ရောင်ခြည် အောက်မှ မြက်ခင်းစိမ်းတို့၏ စိမ်း ၀ါ စိမ်းနု အရောင်တို့ အား ငေးနေမိ၏။
သစ်တောကြားမှ ဖြတ် သန်းလာသော နေရောင်သည် မြက်ခင်း တခုလုံးကိုတော့မင်းမူနိုင်စွမ်းမရှိတော့ ။ သစ်ရိပ်များ အောက်မှ မြက်တို့သည်ကား စိမ်းရင့်ရောင် စိမ်းမှောင်ရောင် ...။
လေ အဝှေ့တွင် မာဆတ်ဆတ် လှုပ်ယမ်းတုန်ခါနေသော မြက်ပင်တို့၏ ထိပ်ဖျားတွင် ပုရွက်ဆိတ်တစ်ကောင်တလေများ ရှိနေမလား ။

ပြီးတော့ ထိုပုရွက်ဆိတ်က မြက်ပင်ကို ကျစ်ကျစ်ပါအောင် ဖက်ထားရင်း ဆီမန်းမန်းသလို “ ခြေမမြဲ လက်မြဲပါစေ ၊ လက်မမြဲ ခြေမြဲပါစေ” ဟုများ ဆုတောင်းနေမလား။

ရေခရားလေး ကိုကြည့်မိပြန်တော့ ရေခရားလေး တွင်းမှ ရေတို့သည် ငြိမ်သက် ကြည်လင်လျှက်။
ရေခရားလေးသည် ကြေးနီ ခရားလေးဖြစ်သည့်အလျှောက် ကြေးနီရောင် ကြမ်းပြင်ကို ရေထုကိုဖြတ်လျှက်မြင်နေရ၏။
ထိုရေခရားလေးသည် ကြေးနီအစစ် ဖြစ်မဖြစ် ဆိုသည်မှာ ကျနော်သိရန် တခါမှ မကြိုးစားမိသော ကိစ္စဖြစ်၏။
ထိုရေခရားလေးကို စက်ဖြင့် ပြုလုပ်သလော ။ လက်ဖြင့် တဆင့်ချင်း ကျကျနနပြုလုပ်သလော ကျနော် မသိ။
ထိုရေခရားလေး၏ ပိုင်ရှင်ဟောင်းသည် ထိုရေခရားလေးကို မည်ကဲ့သို့ အသုံးပြုခဲ့သည်ကျနော်မသိ။
ထိုရေခရားလေးကို အဟောင်းဆိုင်တွင် တွေ့ ခဲ့စဉ်ကာလ က အိမ်၌ရှိသော ပန်းပင် ပန်းအိုးလေးများအား ရေလောင်းရာတွင်အသုံးပြုမည် ဟူသော ရည်ရွယ်ချက်တခုဖြင့် သာ ၀ယ်ယူလာခဲ့ပြီး
ထိုရေခရားလေးသည် ကျနော်ရည်ရွယ်ခဲ့သော တာဝန်ကို ကျနော် အပျင်း မထူ ချိန်တိုင်း သတိမမေ့ချိန်တိုင်းတွင် တာဝန်ကျေပွန်စွာထမ်းဆောင်နေကြ။


ဂမုန်းပင်များသည် စိုပြေထွားကျိုင်းလျှက် အကိုင်း ပျော့များ နွယ်ယှက် တိုးထွက် လွင့်တက်နေကြသလို ဂမုန်းရွက်တို့ သည်လည်း ရေစို မျက်နှာပြင် စိမ်းပျော့ အိ ညက် ၏ အပေါ်တွင် လှဲချ ငြိမ်သက်နေသော နေမင်း၏ နောက်ဆုံးမိနစ် ရောင်ခြည်များအား
အားရှိသမျှ ပြန်လည်တွန်းထုတ်နေသလော အငမ်းမရ စုပ်ယူနေသလော ကျနော်မသိ သို့သော် အိပ်တွင်း တခြား ဖက် နံရံ ထိ အလင်းပြန် အလင်းရိပ်တို့ ထင်ဟပ် လှုပ်ရှားနေ၏။

လွန်ခဲ့သော ငါးနှစ်က ဂမုန်းပင်လေးတစ်ပင် ၀ယ်ယူခဲ့ပြီး ယခုတော့ ဂမုန်းအိုး သုံးအိုးဖြင့် ပွားများ ဖြစ်ထွန်းနေသော ဂမုန်းပင်များအားကြည့်နေမိစဉ် ဂမုန်း သဘာဝ ၊ ရွက်ကျပင်ပေါက် ရှင်သန်မှု၏ ဂုဏ်သတ္တိကို တွေးတောနေမိရင်း အိမ်တွင်းသို့ပြန်ဝင်လာခဲ့၏။

စာကြည့်ခုံ အံဆွဲထဲမှ ကပ်ကျေး တစ်လက်ကို ထုတ်ယူလိုက်ကာ ဂမုန်းအိုးများရှိရာသို့ပြန်လာခဲ့ပြီး ခြောက်သွေ့ သေဆုံးနေသော နွယ်ပန်းပင်လေးနှစ်ပင်အား ခြောက်သွေ့သော မြေသားများနှင့် ဈာပနတစ်ခုချင်းကို သူ့ခန္ဓာကိုယ်ဖြင့် လွယ်ထား ရသော ပန်းအိုးထဲမှ ဖွဖွဖြေးဖြေး ဆွဲထုတ်ယူလိုက်၏။ ပြီးတော့ ရေခရားလေးထဲမှ ရေ အနည်းငယ်စီကို လောင်းလိုက်ကာ လွန့် လူး ယိမ်းနွဲ့ နေသော ဂမုန်း ကိုင်းများအား ကတ်ကျေးဖြင့်ဖြတ်လိုက်၏ ။

ဂမုန်းကိုင်းဖြတ်စ လေးခု ကို နှစ်ခုစီခွဲကာ ပန်းအိုးလေး နှစ်အိုးတွင်း သေချာ ဖိထိုး မြေစာဖို့  ထည့်ရင်း ရှေ့သစ်တောကြားမှ မြက်ခင်းပြင်အားကြည့်လိုက်မိသော အခါ နေရောင် ပျောက်လု အမှောင်ရိပ်ကြီးစိုး တော့မည့် စပ်ကူးမတ်ကူးကာလတွင်
စတင်ပျံသန်း ဟန်ရေးပြနေပြီဖြစ်သော ပိုးစုန်းကြူး လေးများ ကိုတွေ့ လိုက်ရ၏။

ယခုတော့ နွယ်ပန်း နှစ်ပင် ၏ အရိုးစု နေရာတွင် စိမ်းလန်း သန်မာသော ဂမုန်း ပင်အသစ်များ နေရာယူလျှက် ...။ ယခု အချိန်တွင် ကျနော့်အိမ်ရှေ့မှ တစုံတယောက်ဖြတ်သွားရင်း ကျနော့် ဂမုန်းအိုးများကိုသတိထားမိမည် ဆိုပါက
ထိုဂမုန်းအိုးလေးများသည် အစကနဦးကတည်းကပင် ဂမုန်းပင်များ ရှင်သန်ခဲ့ သည် ဟု ပင် ထင်ပါလိမ့်မည်။

ကျနော်သည် နွယ်ပန်းပင်ခြောက်လေးနှစ်ခုကို အသာအယာ သတိဖြင့် ကိုင်တွယ်ရင်း အိမ်တွင်းသို့ ၀င်လာခဲ့ပြီး သစ်သားဖြင့် ပြုလုပ်ထားသော ဆင်စွယ်ဖြူရောင် သေတ္တာ ကလေးကိုဖွင့်ကာ အနီရောင်ကတ္တီပါစကလေးကိုဖြန့်ခင်းလျှက် နွယ်ပန်းပင်ခြောက်လေးနှစ်ပင်အား
အသာအယာ သိမ်းဆည်းပြီး ငွေရောင် သော့ချောင်းကလေးဖြင့် ပိတ်ကာ ကျနော် အမြတ်နိုးဆုံး စာအုပ်စင်လေး၏ အပေါ်သို့ ဖြေးညှင်းစွာပြန်တင်လိုက်ရင်း ဆို့လှိုက် နင့် နစ် လာသော ရင်အစုံဖြင့်
ထိုနွယ်ပန်းပင်လေးနှစ်ပင်ကို ၀ယ်လာခဲ့စဉ်က အဓိပ္ပါယ်ဖွင့်ဆို မှုကလေး ကို သတိမရမိအောင်ကြိုးစား လျှက်..................။

ထိုနွယ်ပန်းပင်လေး နှစ်ပင်သည်သာ သိပ်ချစ်သော ချစ်သူများဖြစ်ခဲ့ကြပြီး တစ်ဦးနှင့်တစ်ဦးသေသည်အထိမျက်စိအောက်ကအပျောက်မခံ နေခွင့်ရခဲ့သလိုသာ ......................................................။



ငြိမ်းဇေဦး

ပန်းချီကားထဲမှာ ပုန်းသွားတဲ့ ၀ိ ဉာဉ်

တိတ်ဆိတ်သော ည စာ စားခြင်း ပြီးဆုံးတော့.............

စီးကရက်တစ်လိပ်ကို မီးညှိပြီး ရှိုက်သွင်းလိုက်မိ၏................။
စီးကရက်မီးခိုးများကို မှုတ်ထုတ်လိုက်ရင်း မီးခိုးငွေ့များနောက်သို့ စိတ်အလျင်သည် အပ်နှင့်ထိုးဖောက်ခံလိုက်ရသော မိုးပျံပူဖောင်းကဲ့သို့ ကစဥ့်ကရဲ လွင့်စဉ် ယိုင်ထိုးကာ လွင့်ပါသွားတော့၏။
အိပ်ခန်းတွင်းသို့ ပြန်ဝင်လာခဲ့ပြီးနောက် အိပ်ခန်းတွင်းမှ ရုပ်မြင်သံကြား ကို ပိတ်လိုက်၏ ၊ စားပွဲတင်နာရီ မှ ဓါတ်ခဲများကို ထုတ်ပစ်လိုက်၏။ ပြတင်း လိုက်ကာ ကို ပိန်းပိတ်အောင် ဆွဲစေ့လိုက်၏။
အားလုံး ပြီးတော့...အပြင်ပြန်ထွက်ကာ အိပ်ခန်းတံခါးကို အသေအချာပိတ်လိုက်၏၊ ပိတ်လိုက်ရင်း ဖြူ လွလွ အိပ်ခန်းတံခါး ပေါ်က ပန်းချီကားကလေးကိုငေးကြည့်မိ၏။

တောတန်းလေး ... အ၀ါရောင် ရွက်ခြောက်များ...... တိမ်ရောင်တွေ ပါးပါးလေး ခြုံထားတဲ့ စမ်းချောင်းလေး ............စိမ်းနု စိမ်းရင့် စိမ်းမှောင် ၊ အစိမ်းရောင် အနုအရင့် မညီ့တညီ မြက်ရိုင်းပင်များ..၊
လေပြေတို့ တိုက်မနေ...... သစ်ရွက်တွေလဲ ထပ်မကြွေ.....။
စမ်းချောင်းလေးလျောတိုက် မဆင်း ၊ တိမ်တိုက်တွေလဲ ခရီးမထွက်..။
ဟိုး ခပ်ဝေးဝေး ညာဘက် တောတန်းအစပ်က တလူလူတက်နေသော မီးခိုးငွေ့ တန်း ပင်လျှင် ကြက်သေ သေ လျှက်................။

ပန်းချီကား ကလေးကို အသာဖြုတ်ယူလိုက်ပြီး အက်နေသော ရင် ဘတ်ထဲသို့ ဒဏ်ရာရ ယုန်လေးတကောင် ခြုံတွင်းခုန်ဝင်သကဲ့သို့ ထည့်လိုက်မိ၏ ။

ပြီးတော့........အိပ်မက်ယောင် ကာ လမ်းလျှောက်သူလို တရွေ့ ချင်း တလှမ်းခြင်း ဧည့်ခန်းသို့ လာခဲ့၏..လေးငါးလှမ်းမျှသော ခရီးတွင် မြစ်နှစ်စင်းစီးနေသည်ကိုတွေ့ခဲ့ရ၏ ထိုမြစ်သည် ပူနွေးသော စီးကြောင်းတို့ကို အသံမထွက်ပဲ စီးဆင်း၏။

ဧည့်ခန်းတွင်း က ဖန်မီးအိမ်ကလေးကို ဇာတိမဲ့ ဘ၀မဲ့သူတယောက်၏ လက်များကဲ့သို့ လက်လှမ်းယူလိုက်၏။
ဖန်ပြောင်းလေးကို ဟလိုက်ကာ အစိမ်းရောင် ဓါတ်ငွေ့မီးခြစ်ကလေးကို ခြစ်ကာ မီးညှိလိုက်၏ မီးညှိလိုက်ရင်း အလွမ်းတွေ သောကတွေ မောဟတွေ အားလုံးသော ခံစားချက်တွေများ ထိုကဲ့သို့ကျွမ်းလောင်သွားလျှင် ကောင်းပေတော့မည်ဆိုသည့်အတွေးက နွေခေါင်ခေါင် မီးသံချောင်းသံလို စိတ်ထဲတွင် လွှမ်းမိုးဆူညံလျှက်။

ပြီးတော့ ဧည့်ခန်း တစ်ခုလုံးမှာ ရှိသော လျှပ်စစ် ကိရိယာ ပစ္စည်းအားလုံးကို ပိတ်လိုက်၏ နောက်ဆုံးခံစစ်မှ ဆုတ်ခွာတော့မည့်သူတယောက်ကဲ့သို့..........။

ရေခဲသေတ္တာမှ တိုးတိုးညင်ညင်သာသာ အသံကိုကြားနေရ၏။ လေအေးစက်မှ ပင်ပန်းတကြီး ရုန်းကန် အမောဖောက်သံကပိုမို
ကျယ်လောင်လာသကဲ့သို့။

လေအေးစက်ကို ပိတ်လိုက်၏ ရေ ခဲသေတ္တာ နောက်သို့ လက်လှမ်းကာ လျှပ်စစ်ဓါတ်အား ကြိုးကိုဆွဲဖြုတ်လိုက်၏ ၊
ကိုယ့်ရင်ဘတ်ကို ထက်ခြမ်းခွဲလိုက်သော ဆာမူရိုင်းတစ်ယောက်လိုပေါ့။

အားလုံးပြီးတော့ ကော်ဖီစက်ကလေးမှ အစိမ်းရောင် ဒစ်ဂျစ်တယ် နာရီကလေးက လင်းနေသေး၏။
ကော်ဖီ ဖျော်စက်ကလေးမှ လျှပ်စစ်ဓါတ်ကြိုးကိုလဲ ဆွဲဖြုတ်လိုက်၏ တောက်တက်သမားတစ်ယောက်
ကိုယ့်ခန္ဓာကိုယ်ကို ဆွဲတင်ပေးနေသည့် ကြိုးကို ဖြတ်ချ ခဲ့သလို ။

အရာရာ ငြိမ်သက် ငြိုးပျ ညို လျ ၀ိုးတ၀ါးဖြစ်သွားတော့ အခန်းပတ်လည်ကို သေချာပြန်ကြည့်မိ၏။ ဧည့်ခန်း မှန်တံခါးကြီး၏ လိုက်ကာ ကြား မှ ကျိုးတိုးကျဲတဲ ယိုင်လဲ ကျနေသော အပြင် တောအုပ် အစပ် ဓါတ်မီးတိုင်မှ အလင်းရောင်တို့ကို မနှစ်မြို့စွာဖြင့်
လိုက်ကာကို သေချာ ဆွဲစေ့လိုက်ပြန်၏။

စီးကရက်တစ်လိပ်ကို ထပ်မီးညှိပြီး ... ဝေးလံသော ခရီးကြီးတစ်ခု ကို ဆက်လာခဲ့ရင်း လမ်းခုလတ် သစ်ရိပ်တစ်ခုတွင် ခြေပစ်လက်ပစ်နားနေသော ခရီးသွားတစ်ယောက်ကဲ့သို့ ထိုင်ခုံပေါ်တွင် ထိုင်လျှက် အမှောင်ထုကြား တွင် ပျပျ လေး လင်းနေသော ဖန်မီးအိမ်ကလေး မှမီးညွန့် ကလေးကို ငေးနေမိ၏။

ပြီးတော့ ဂစ်တာ စင်ကလေးပေါ်မှ မဟော်ဂနီရောင် အလင်းရိပ်ပြေး နေသော ကလပ်စစ်ကယ် ဂစ်တာလေးကို လက်လှမ်းလိုက်ပြီး ပိုက်ထားလိုက်မိ၏။

ဂစ်တာမတီးဖြစ်ပဲ ဂစ်တာကြိုးပေါ်မှ ပုံပြင်လေးများအား ပြန်လည်ကြားရနိုးဖြင့် ပိုက်ထားသောဂစ်တာလေးအပေါ်မှ လက်မောင်းသားများပေါ် မေးတင်ရင်း မျက်လုံး နှစ်လုံးကို မှိတ်ကာ နားစွင့်ကြည့်နေမိရင်း ...ဖန်မီးအိမ်ကလေး ငြိမ်းသွားခဲ့သည်ကို မသိလိုက်တော့........။

အိပ်ခန်းထဲပင် ၀င် မအိပ်ဖြစ်လိုက်တော့.............။

တကယ်တော့........ အက်နေသော ရင်ဘတ်ထဲသို့ ထိုည က ကျွံ ကျခဲ့ပြီး...
မစီးသော စမ်းချောင်းလေးထဲတွင် တိမ်လွှာရောင်ပြန်တွေ ဖုံးလို့ သေဆုံးသွားခဲ့ခြင်းဖြစ်သည် ကို ပန်းချီဆွဲခဲ့သော ကိုယ်တိုင်ပင်မသိခဲ့...။


သို့သော်လည်း ထိုပန်းချီကားကလေးကို တနေ့ နေ့ တချိန်ချိန်တွင် ပိုင်ရှင်အသစ် တယောက်သာ ပိုင်ဆိုင်ခဲ့မည်ဆိုလျှင် ထိုပိုင်ရှင် သစ် အနေဖြင့် ပန်းချီကားလေးအလည်မှ ဖြတ်သန်းစီးဆင်းနေသော စမ်းချောင်းကလေးထဲကို သေချာစူးစိုက်ကြည့်ဖြစ်ခဲ့မည်ဆိုပါက
တိမ်လွှာဇာပါးအောက် ရေလွှာသလင်းသားအောက် မျက်နှာပြင်တွင် ခပ်ရေးရေး မြင်သည်ဆိုယုံမျှ ထို ၀ိ ဉာဉ်ကြွေ တစ ကို တခဏ တွေ့ ကောင်းတွေ့နိုင်ပါလိမ့်မည်....။

ငြိမ်းဇေဦး

အလကား အလကား ...

ကျမ က သူ့ကို ကို ဆန်းလို့ ခေါ်ပါတယ် ။ ကိုဆန်းနာမည်အပြည့်အစုံက ကိုကျော်ဆန်း အသားကမဲမဲ အရပ်က ပုပု ရုပ်ရှင်သရုပ်ဆောင် ဦးစံမတူပုန်းရည်ကြီးခွက်ထဲ မှောက်ရက်လဲပြီးသူ့မျက်နှာကို လက်ဖ၀ါးနဲ့ ပြီးစလွယ်သုတ်ပြီးချိန်မြင်ရမယ့် မျက်နှာနဲ့
ကိုဆန်းမျက်နှာဟာ အတူတူပါပဲလို့ပြောလို့ရတာပေါ့ အဲ.. မျက်မှန်ပါတပ်လိုက်မယ်ဆိုရင်ပေါ့လေ။

ကိုဆန်းက ကျမတို့မြို့ကလေးရဲ့ရပ်ကွက်ထဲမှာ နွေရာသီရောက်တိုင်း ဆိုက်ကားတစ်စီးနဲ့ ဘက်ထရီအိုး ၊ မိုက်ခွက် တစ်ခု ၊ကက်ဆက်တစ်လုံး အမ်ပလီဖိုင်ယာတစ်လုံးနဲ့ လော်စပီကာနှစ်လုံးကို ရှေ့နောက်တင် ကြိုးခိုင်ခိုင်ချည် ပြီး မီးအန္တရာယ်ကြိုတင်ကာကွယ်ရေးအမြဲတန်း
ဆော်သြ တတ်သူပေါ့ ၊ ဘာပဲပြောပြော ကိုဆန်းက ကျမတို့ရပ်ကွက်မှာတော့ အရေးပါတဲ့သူတယောက်ပါ ၊ ဟုတ်ကဲ့ ကိုဆန်းက ကျမ ယောက်ျားပါ ၊ ရှင်တို့သိတဲ့အတိုင်းလေ ကိုယ့်ရပ်ကိုယ့်ရွာပြန်ရင်တော့ ကိုယ့်ရှေ့မှာ ဟုတ်သော်ရှိမဟုတ်သော်ရှိ မားမားမတ်မတ်ရပ်မပေးရင်တောင် လက်ညှိုးထိုးပြီး ဒါငါ့လင်ဟဲ့လို့ ပြောနိုင်ဆိုနိုင်ဖြစ်ဖို့တော့လိုတာကိုးရှင့် ၊ တံခွန်မရှိတဲ့ရထား လို လင်မရှိတဲ့မယား ဆို ဘယ်တင့်တယ်ပါ့မလဲ အထူးသဖြင့် ကျမတို့လို အလုပ်မျိုးကိုလုပ်စား နေရသူတွေအတွက် ကိုဆန်းလို လင်တယောက်တော့လိုတာအမှန်ပါပဲ။

ကျမ အလုပ်သွားလုပ်တဲ့မြို့မှာက တလကိုးသတင်းမကနေရတာကိုး ဒီတော့လဲ ကိုယ့်ကိုအရေးဟဲ့အကြောင်းဟဲ့ဆို ကာကွယ်ပေးမယ့် တခုခုဖြစ်လာရင် လိုက်ဆောင်ရွက်ပေးမယ့်သူကလဲ လိုတာကိုး ဒီတော့ လိုအပ်ချက်အရ ကျမတို့မှာ ရည်းစားထားရတာပေါ့ရှင်
တိုက်တိုက်ဆိုင်ဆိုင်ပေါ့ ကျမ ယောက်ျားက ကိုဆန်း ဆိုတော့ ကျမရည်းစား ကို ကျမ က ကိုသန်းလို့ခေါ်တယ်လေ ။ ကိုသန်းက ပေါ့သေးသေးတော့မဟုတ်ပါဘူး အဲဒီမြို့ကလေးက နယ်ထိမ်းတယောက်ပေါ့ ။ သိတယ်မဟုတ်လားနယ်ထိမ်းဆိုတာအဲဒီနယ်မြေကို
တာဝန်ယူပြီး အမှုမှန်သမျှ သူပဲ ဖမ်းတာဆီးတာ ချုပ်တာကိုင်တာလေ ဒီတော့ ကိုသန်း လို အသက်ကြီးပေမယ့် ခုထိ တရားမရနိုင်သေးတဲ့ ပုလိပ်မျိုးကိုလဲ ရည်းစားအဖြစ်ထား ထားတော့ တော်ယုံလူက ဒုက္ခမပေးနိုင်ဘူးပေါ့ရှင် ၊ဟုတ်ကဲ့ ကိုသန်းနာမည်က ကိုသန်းရွှေပါ
အသားက ကျောက်ပန်းတောင်းထန်းညက်ကြမ်းလိုပါပဲ အမြဲတန်းမျက်နှာအဆီပြန်ပြန်နေတတ်တော့ ဟင်းဟင်း...မရယ်နဲ့နော် ခွေးလျက်ထားတဲ့ ထန်းလျှက်လိုပေါ့ ။ တခါတလေ ကိုသန်းက သူ့ပြသနာတွေသူမနိုင်မနင်းဖြစ်နေချိန်တွေမှာသာ ကျမကို ရိုက်တတ်တာပါ
သူ့ပါးစပ်ကတော့ ကျမကိုချစ်လိုက်တာ မှ အဖေအမေအရင်းထက်တောင်ချစ်တယ်ဆိုပဲ ။ ကျမလဲငယ်ရာကကြီးလာတာပဲရှင် အရိုးလိုလို့အသားတောင်းတဲ့ ကိစ္စတွေကိုနားလည်ပြီးသားပါ ဒါပေမယ့်ဆက်မတွေးချင်ပါဘူး ။
မတွေးချင်လို့ပဲကျမဒီဘ၀ရောက်နေသလားမသိတော့ပါဘူး ကိစ္စမရှိပါဘူးလေ ဖြစ်သမျှအကြောင်းအကောင်းချည်ပဲကိုး ကျမတို့ မြန်မာလူမျိုးတွေရဲ့ သည်းခံတတ် အေးအေးနေတတ်တဲ့ချစ်စရာ ဓလေ့ထုံးစံတွေက ဘယ်လောက် ပဲ ဒုက္ခဆင်းရဲတွေကျနေ ကျနေ ဘယ်လောက်ပဲ
ဘ၀တွေ ပျက်နေ ပျက်နေ ကျမတို့မှာ အပြစ်ပုံချစရာ ကံဆိုတဲ့ဝေါဟာရကြီးကို ပိုင်ထားပြီးသားပဲ ။ ဘာတွေပဲဖြစ်လာဖြစ်လာ ကံဆိုတာကိုပဲ ထိုးနှက်ကန်ကျောက် မြည်တွန်တောက်တီးအပြစ်တင်ရင်း ကျမတို့က လက်လျှော့ပစ်လိုက် ၊ အားငယ်ပစ်လိုက် ၊ရှောင်လွှဲပစ်လိုက်
ခွင့်လွှတ်ပစ်လိုက်ကြတာကလား...။



ဒီမယ် ...ကျမလဲချစ်တတ်ပါတယ်ရှင် ၊ ကျမ မှာ နှလုံးသားနဲ့ပါ ၊ကျမဟာ စက်ရုပ်မဟုတ်တဲ့ ပြီးတော့ ကျောက်ဆစ်ရုပ်မဟုတ်တဲ့ သက်ရှိပါ ၊ သက်ရှိကိုမှ ခံစားတတ် နားလည်တတ် နာကျင်တတ် ၀မ်းနည်းတတ် အားငယ်တတ်ကြောက်ရွံ့တတ်တဲ့ လူတယောက်ပါ။
လူတယောက်ကိုမှ အင်မတန်သိမ်မွေ့တဲ့ယဉ်ကျေးတဲ့ မြန်မာအမျိုးသမီးတယောက်ပါရှင် ဘ၀အရကျမကိုနှိမ်ချင်လဲနှိမ်လို့ဖြစ်ပါတယ် ဒါပေမယ့် ကျမဟာလူသားဖြစ်ပါတယ် အဲဒီအချက်ကလေးကိုတော့ အသိအမှတ်ပြုပေးဖို့ မရဲတရဲမေတ္တာရပ်ခံချင်ပါတယ်ရှင် ။ ဒါပေမယ့်
ကျမမေတ္တာရပ်ခံချက်ကို ပါယ်ချမယ်ဆိုရင်လဲ ကျမဘ၀မှာမထူးဆန်းတော့ပါဘူး ၊ ဘာကြောင့်ဆို.. ကျမရဲ့အလုပ်သဘောအရကိုက ကျမ မလုပ်ချင်တာကိုပဲ ၀မ်းစာအတွက် လုပ်နေရတာကိုး အင်းပေါ့လေ ရှင်ပြောတာ မှန်ပါတယ် လှချင်တာ ၀တ်ချင်စားချင်တာကိုး ဆိုတာ
ဒါပေမယ့် မဟောက်ပါနဲ့ရှင် ကျမ ကိုမဟောက်ပါနဲ့ ။

ဟုတ်ကဲ့ ..ကျမချစ်သူက ကိုစိန်ဝင်းပါ ၊ ဟုတ်တယ် ကျမသူ့ကိုချစ်တယ် သူက ပညာတတ် လူအေး နည်းနည်းလက်ကျောမတင်းပြီးပျင်းတတ်တာကလွဲလို့ ကျမကိုလည်း သူက သိပ်ချစ်တယ်ပြောပါတယ် ။ သူသိပ်ချစ်တာတွေမချစ်တာတွေကို ကျမက စိတ်ကူးယဉ်ပြီး
ယုံရလောက်အောင် မငယ်တော့ပါဘူးရှင် ။ ကျမ ကိုစိန်ဝင်းကိုချစ်တယ် ဒါကျမ နှလုံးသားထဲက လာတဲ့ဘာသာစကား ကျမဟာ ကိုစိန်ဝင်းနဲ့ရှိတိုင်း... ဟိုး ကျမ ငယ်ငယ်တုန်းက အပျိုပေါက်ဘ၀ လေးတုန်းက ကျောင်းကကောင်လေးတယောက်ကို ခိုးချစ်ခဲ့ရသလို
ရင်ခုန်ခဲ့ရသလို ရင်တွေအမြဲပြန်ပြန်ခုန်မိတယ် ဒါကြောင့်ကျမ သူ့ ကိုချစ်တယ် ။ ဟုတ်ကဲ့ ကျမသိပ်ချစ်တဲ့ကောင်လေး က အသတ်ခံလိုက်ရပါတယ် အဲဒီနောက်မှာ ကျမ က လဲ အပျို ပေါက် ပေါ့ ရင်တွေ ကွဲထွက်အောင် ငိုမိယုံကလွဲလို့ဘာမှမလုပ်နိုင်ပါဘူး အဲဒီအချိန်မှာ
ကျမကို စကားပြောသိပ်ကောင်းတဲ့ တိုက်ပုံဝတ်ထားတဲ့ ကျမ ကောင်လေးထက် နည်းနည်းအသက်ကြီးတဲ့အကိုကြီးက ချစ်လှချည်ရဲ့ဆိုပြီး ကျမ ကို ချစ်ရေးဆိုခဲ့ပါတယ် ကျမ လိုက်လျောညီထွေပဲနေခဲ့တယ် ဒါပေမယ့် တနေ့သားပေါ့...ကျမဘ၀လုံးဝ ကံဆိုးမိုးမှောင်ကျတဲ့နေ့
အခု ကျမဒီမှာထိုင်နေတဲ့အချိန်အထိရဲ့ အကြောင်းရင်းခံတွေဟာ သူ့ ကြောင့်ပေါ့ ကျမတို့ရပ်ကွက်ထဲက ကာလသားခေါင်း မြာသိပ်ပွေတဲ့နေ၀င်းဆိုတဲ့ ကောင်ပေါ့ ။ ကျမ ဟာ သေသွားတဲ့ကျမကောင်လေးကိုလဲလွမ်း တိုက်ပုံဝတ်ထားတဲ့အကိုကြီးရဲ့စိတ်ပျက်စရာကောင်းလှပုံတွေကိုလဲ တယောက်ထဲ ငြီးငြူနေမိတုန်း မှောင်ရီတရောလေးမှာ ကာလသားခေါင်း နေ၀င်းဟာ ကျမကိုခြေတော်တင်ခဲ့တယ် အဓမ္မပြုခဲ့ရက်တယ် ပြီးတော့ အတော်ကြာတဲ့အထိ ကျမမှာ သူ့မယား လိုလို မယားငယ်လိုလို တိတ်တိတ်ပုန်းလိုလိုနဲ့ ကျမ ရဲ့ စာရိတ္တတွေ ပျော်ရွှင်မှုတွေ အရာရာခမ်းခြောက် သွားသည်အထိ ကျမကို တိုးတိုးတမျိုးကျယ်ကျယ်တမျိုးနှိပ်စက်ခဲ့တယ် လေ ....................။

ကျမ ဖောက်သည်တွေကတော့ လူမျိုးပေါင်းစုံပါပဲ ရှင် သူတို့ကတော့ ကျမ ကို လူတယောက် အနေနဲ့ မြန်မာ အမျိုးသမီးတယောက်အနေနဲ့ဆိုတာထက် သူတို့ အသုံးချချင်တာ အသုံးချနိုင်တဲ့ ကိရိယာ တစ်မျိုးလောက်ပဲ သဘောထားတာပါ ။ ကိစ္စမရှိပါဘူး
ကျမဘ၀မှာဒါတွေက ရိုးနေပါပြီလေ ဒါပေမယ့် ကျမလေ မျှော်မိတယ်သိလား တချိန်မှာ ကိုစိန်ဝင်း ကျမကိုမယားမှတ်မှတ်သားမှတ်မှတ် ယူ ချင်တယ် ကွယ် လို့ ဖွင့် ပြောလာခဲ့မယ်ဆိုတဲ့နေ့ကို ..
အိပ်မက်ပဲဖြစ်ဖြစ်ပါ အဲဒီလို အိပ်မက်မျိုးမက်ခဲ့ရင် ကျမ တသက်လုံး မနိုးတမ်း အိပ်ပစ်ချင်တယ် သိလား.....................။
....................................................................................
....................................................................................
....................................................................................
...........................................................................................................................................................။
....................................................................................
....................................................................................

ဟုတ်ကဲ့ ရပါတယ်ရှင်... ရပါတယ်.... ရှင်တို့ကရဲတွေပဲ......။


ငြိမ်းဇေဦး

အ၀ိဇ္ဇာ ကို ချယ်မှုန်းခြင်း

တစုံတယောက်ကဆေးဖော်စပ်ဖို့အတွက်မျက်နှာမသစ်ပဲကော်ဖီသောက်တတ်တဲ့သူတယောက်လိုတယ်လို့
ပြောလာရင်၊အဲဒီလိုပြောလာတဲ့သူကလဲလွတ်လပ်တဲ့အပျိုစင်နုနုထွတ်ထွတ်လေးဖြစ်နေမယ်ဆိုရင်၊
အဲဒီကောင်မလေးဟာ ဟောဒီက ရေမချိုးပဲ နာရီပေါင်းများစွာနေတတ်ပြီး မျက်နှာမသစ်ပဲ အလုပ်အတော်များများကို လုပ်တတ်တဲ့ ဟောဒီက လူအပေါ်မရိုးသားတော့ဘူးလို့ တဖက်သတ်ထင်ခွင့်ကို ဟောဒီကလူက ပိုင်ဆိုင်တယ်။

အရာရာဟာ မှန်နေဖို့မလိုဘူး အစပ်အဟပ်လေးတည့်ပြီး စင်္ကြ၀ဠာနဲ့ အလျဉ်းသင့်ဖို့တောင်မလိုဘူး၊ ကိုယ်စီ တည်ဆောက်ထားတဲ့ ကမ္ဘာလေး နဲ့ အံဝင် ဂွင်ကျ ဖြစ်နေတယ်လို့ ပုဂ္ဂလိက တစ်ဦးချင်း ကျေကျေနပ်နပ်လက်ခံနိုင်ဖို့ပဲလိုတယ်လို့ ဟောဒီလူက လက်ခံထားပြန်တယ်။ တပြိုင်နက်ထဲမှာပဲ အရာတော်တော်များများကို တိတ်တဆိတ်ငြင်းဆန်ခဲ့ယုံမက အရာတော်တော်များများထဲက တော်တော်များများအရာတွေကို ဆူညံကျယ်လောင်စွာ တယောက်ထဲ ငြင်းဆန်ရှုပ်ချ သူပုန်ထလေ့ရှိတယ်။

လိင်စိတ်တွေဟာ ဘိလပ်မြေမပါတဲ့ ရွှံ့နဲ့တည်ဆောက်ထားတဲ့ဆည်မြောင်းတာတမံကြီးတခုရဲ့တံတိုင်းလို သူ့ စိတ်ထဲမှာအချိန်မရွေးကျိုးပေါက်ကျလာတတ်ပေမယ့် အပြစ်ကင်းစင်တဲ့ မိန်းကလေးတွေကို ချစ်တယ်လို့ပြောရမှာကို ဟောဒီလူရဲ့ ဒီအသက်အရွယ်မှာအင်မတန်ဝန်လေးလာခဲ့ရပြီ ။
ငယ်ငယ်တုန်းက ဘုရားသခင်နဲ့ လက်လှဲဖို့အထိ မိုက်မဲခဲ့ဖူးတဲ့ သူတယောက်အတွက်တော့ ဒါဟာ သေဆုံး ခြင်း တခုလည်း ဖြစ်နိုင်သေးတယ်။

ဒါမှမဟုတ်လဲ သူ့အချစ်ဆိုတဲ့ စိတ်ခံစားမှုကို တယောက်ယောက်ကများ အပိုင်သိမ်းသွားလေသလား
ဆိုတဲ့ အဖြေအတွက် ဟောဒီလူက ဘယ်သူရိုက်စစ်တာမှမခံဖူးလို့ ဆုံးဖြတ်ခဲ့ဖူးသလို သူ့ကိုယ်သူလဲ ဇောက်ထိုး ချပြီး ရင်ဘတ်က ထွက်ကျလာမလားဆိုပြီး စမ်းသပ် စစ်ဆေးဖို့ ဘယ်တော့မှ ဆန္ဒမရှိဘူး။

သူ့ကိုယ်သူ စာနာတတ်သူ၊ ဆင်းရဲ သူတွေ အဖိနှိပ်ခံတွေ ဖက်ကရပ်တည်သူလို့ ကုန်လုပြီဖြစ်တဲ့ အပေါစားသွားတိုက်ဆေးဘူး ကို ဖျစ်ညှစ် သလို သူက အဲဒီ ယုံကြည်ချက်ဆိုတဲ့ ကြီးကြီးကျယ်ကျယ် စိတ်ဖြစ်စဉ်ကို သူ့ပါးစပ်ကြီးထဲကိုညှစ်ညှစ်ချပြီး အဲဒီ ပုတ်အည့်အည့် ပါးစပ်ကြီးနဲ့
အကောင်းစားတွေကို စားသုံးချင်တဲ့ အရိုးမရှိတဲ့ လျှာကြီး က လဲ အမြဲတန်းသူ့ကို ဒုက္ခပေးတတ်တယ်။


သေသွားရင် အသုဘပြင်ဆင်သူတွေက (ကံကောင်းလို့ သူသေတာကို လူသူအချိန်မှီသိခဲ့ရင်ပေါ့လေ)
သူ့ရဲ့ ခန္ဓာရုပ်ကို သေချာ အပြန်ပြန်အလှန်လှန်ချွတ်ပြီး ပွတ်သပ်ဆေးကြောမှာသိနေယုံမက၊ရှားရှားပါးပါး သူလိုဟာနဲ့ သံဝါသ ပြုမယ့် မိန်းကလေးတွေ က သူ့ခန္ဓာကိုယ်ကို အလင်းရောင်အောက်မှာမြင်ခွင့်ရှိတယ်ဆိုတာကို သိသိနဲ့ ဟောဒီလူဟာ အမြဲလိုလို ရေချိုးကပျင်းသေးတယ်။

ဂင်္ဂါမြစ်ထဲမှာ ဥုံ နဲ့ စတဲ့ မန္တန် တွေ ကို ရွတ်ရင်း အနောက်ဖက် ကမ်းကိုကျသွားတဲ့ နေမင်းရဲ့ ဆည်းဆာ
ရောင်အောက်မှာ အခြားသူတွေနည်းတူ သူ့ကိုယ်သူစိမ်ရင်းလဲ အပေါ့သွား ဖူးချင်တဲ့ ဆန္ဒတွေ တခါတခါဖြစ်ဖြစ်လာတတ်သလို ဟိမ၀န္တာက ဆာဒူး တယောက်လိုလဲ ဂူအောင်းပြီး လောကဓါတ်ပညာတွေ နဲ့ ကျကျနန ယက်လုပ် ထားတဲ့ နေ့တွေညတွေကို သူ့ခန္ဓာကိုယ်ပေါ်က ချွတ်ချချင်တဲ့ ရမက် ခြောက်သွေ့သွေ့တွေ တဖြောင်းဖြောင်းမီးထတောက်တတ်သေးတယ်။

ဟောဒီလူဟာ ခုတော့ သူ့ရဲ့ စွမ်းပကားတွေ နဲ့ သူ့ရဲ့ ဘ၀ဆိုင်ရာ အဆင့်အနေအထားကို ကျကျ နန သိခွင့်ရခဲ့ပြီ ၊ သူဟာ ဟက်ဟက် ပက်ပက် မျက်ရည်တွေ ထွက်ကျလာအောင် ရယ်လိုက်တယ် ၊ ထွက်ကျလာတဲ့ မျက်ရည် စတွေကို ဆေးရောင်စုံ ပေပွနေတဲ့ သူ့ ဘယ်ဘက် လက် ဖမိုးနဲ့သုတ်ရင်း သူ့ ညာ လက်ထဲက စုတ်တံ မျှင် မျှင်လေးကို သေချာ သုတ်ပြီးတော့ တာပင်တိုင်ခွက်ကလေးထဲကိုထည့်လိုက်တယ် ပြီးတဲ့အခါ သူဟာ အောက်ခံဆေး သုတ်တဲ့ စုတ်တံပြားကြီးကိုယူပြီး ဆေးမဲတွေကို ဆေးစပ်ပြားပေါ်မှာညှစ်ချလိုက်တယ် တချက်မှ မတုန့် နှေးပဲ ပေါ့။


စုတ်တံပြားကြီးနဲ့ ဆေးမဲတွေကို ကျကျနနမွှေနေတဲ့ပုံက တောမှီရဟန်းတပါး ဆွမ်းခံရသမျှ အရာအားလုံးကို မခမ်းနားလှတဲ့ မြေသပိတ်ကလေးထဲမှာသေသေချာချာရေမွှေ နေသလိုဟန်ပန်မျိုးနဲ့ ။
သူဟာ စုတ်တံပြားပေါ်က ဆေးမဲတွေကို ဆွဲလက်စ ပန်းချီကားရဲ့ မျက်နှာပြင်ပေါ်မှာ အင်မတန်ပျင်းစရာကောင်းတဲ့နေ့လည်ခင်းတခုရဲ့အလည် တောကျောင်းဝိဟာရ တစ်ခုက ကပ္ပိယ တစ်ယောက် ဖြေးဖြေးလေးလေး တံမြက်လှည်း သလို မျိုး အေးဆေးမှုနဲ့….။


သူ့ပန်းချီကားမျက်နှာပြင်တပြင်လုံး နက်မှောင် မဟူရာသွေးတွေ ကွန့်မြူးသွားခဲ့ပြီ အရာရာဟာ တပြေးတညီထဲ တရောင်ထဲဖြစ်သွားခဲ့ပြီ ။ သူဟာ အေးအေးဆေးဆေးနဲ့ သူ့ရဲ့ အနက်ရောင် ကားချပ်ကို တချက်ကြည့်ရင်း စုတ်တံမျှင်မျှင်လေးနဲ့ အနက်ရောင်ဆေးတွေကို တို့ထိလိုက်ပြီး ပန်းချီကားရဲ့ဒေါင့်လေးမှာ လက်မှတ်တခုထိုးလိုက်တယ် သူ့လက်မှတ်က တကယ်တော့ သူ့နာမည်မဟုတ်တော့ဘူး ဒါပေမယ့်သူရေးလိုက်တဲ့လက်မှတ်ကတော့ “လူ” တဲ့…။

သူဟာ အသာအယာပဲ ဘာ ပရိဘောဂမှမရှိတဲ့ ဧည့်ခန်းကလေးကနေပြီးတော့ သုံးလှမ်းလျှောက်ရင် ရောက်တဲ့မီးဖိုကို သွားတယ် ။ မနက်ကတည်းက အိုးထဲမှာ ရှိနေတဲ့ ကော်ဖီကို အစိမ်းရောင် ကြွေမတ်ခွက်ထဲကိုထည့်လိုက်ပြီး သကြားမပါ နွားနို့မပါပဲသောက်လိုက်တယ် ။

တအိမ်လုံးမှာ တစ်လုံးတည်းသော သူမွေးနေ့လက်ဆောင်ရခဲ့ဖူးတဲ့ ကုလားထိုင်ကလေးပေါ်မှာတက်ထိုင်လိုက်ပြီး ကော်ဖီပူပူကို တကျိုက်ဖြေးဖြေးငုံလိုက်ရင်း
သူ့စိတ်ထဲကနေပြီးတော့သူ့ပန်းချီကားလေးကို “အသိဉာဏ်”လို့ နာမည်ပေးလိုက်ပြီး ကုလားထိုင်ကထလို့ အင်မတန်ညစ်ပေတဲ့သူ့အ၀တ်အစားတွေကိုချွတ်ချလိုက်ပြီးရေချိုးခန်းထဲကို ၀စ်လစ်စလစ်ဝင်သွားတော့တယ် လေကလေးချွန်လို့ပေါ့.............။

ငြိမ်းဇေဦး

စာရေးဆရာဗိုလ်မှူး သော်က (တိုက်ရေယာဉ် ၁၀၃)ပြောသောပုံပြင်

ကျနော်တို့ငယ်ငယ်က ငယ်တာပေါ့ဗျာ ဟုတ်ဘူးလား ။
ငယ်တော့ ပေါက်တတ်ကရ လူပျိုသိုးပုံပြင်တွေ နားထောင်ရရင် ကြိတ်ရင်တွေခုန်ရတာ အမော။
မြန်မာ့ဆိုရှယ်လစ် လမ်းစဉ်ပါတီ ခေတ်ကောင်းစဉ်ကပေါ့။ တိုက်ပုံ တကားကားနဲ့ လူကြီးတွေ များ မြို့တော်သိန်းအောင်ဇာတ်က လူရွှင်တော်ကြီး ဦးပေါစံနဲ့နင်လားငါလား။
အဲလိုနားထောင် နေရရင် ပျော်လို့ ရယ်လိုက်ရင်လဲ အူလှိုက်သည်းလှိုက် ပြောပြတဲ့ လူကြီးတွေကလဲ သွားတဖြီးဖြီးနဲ့။

နွေဆည်းဆာ အသက်ငင်ကာစပေါ့ ။ အဲဒီအချိန်ကြီးမှာ အဘိုးကလဲ ယပ်တောင်ကြီးတကားကားနဲ့
သူ့ ပက်လက်ကုလားထိုင်မှာထိုင်လို့ ဘီဘီစီဖွင့်လို့ပေါ့ ။
ရှေ့သို့ဂျာနယ်တွေ စစ်ပညာဂျာနယ်တွေ ကလဲ အိမ်မှာ တပုံကြီး ပေါ့။ အဘိုးက ရေဒီယိုကို နားထောင်လိုက် မြည်တွန်တောက်တီးလိုက် ကျနော်တို့ မသိတဲ့ကမ္ဘာ့အကြောင်းအရာတွေပေါ့။
အဲဒီနေ့ကအဘိုးက ဘာစိတ်ကူးပေါက်တယ်မသိပါဘူး ရေဒီယို အစီအစဉ်ဆုံးတော့
သူ့ ပက်လက်ကုလားထိုင်ကထ ခြေလက်တွေဆန့်ရင်း သူ့  ဖင်ကြားညပ်နေတဲ့
ပုဆိုးစကိုပါ ဆွဲဆန့် လိုက်တယ်။
ပြီးတော့ မမေးစဖူး မေးတယ် ငါ့မြေး ပုံပြင် တပုဒ်နားထောင်မလားကွတဲ့ ။ အော် ဘယ်ရမလဲလေ ဒါမျိုးဆိုသိပ်နားထောင်ချင်နေတာနဲ့ကအတော်ပေါ့။

“ဟုတ်ကဲ့ အဘိုး နားထောင်မှာပေါ့”
“ဟုတ်ပြီ ကဲ ကြောင်အိမ်ထဲက ဖန်ဘူးထဲမှာထန်းလျက် နှစ်ခဲ ယူ ၊ နှစ်ခဲနော် ငါ့မြေး”
“ဟုတ်ကဲ့အဘိုး” ဆိုပြီးသကာလ တက်တက်ကြွကြွ ထန်းလျက်ဖြူဖွေးဖွေးလေးနှစ်ခဲယူလိုက်ပြီးအဘိုးဆီပြန်လာတော့ ....။
“ အဘိုး ဇက်ကြောဆွဲပေးစမ်းကွာ”တဲ့။

“ဒီလိုကွ အဘိုး တို့ ကန်တော်ကြီးစောင်းက ဗိုလ်ချုပ် ကြေးရုပ်သိတယ်မဟုတ်လား ”
“ဟုတ်ကဲ့အဘိုး”
“အေး အဲဒီကြေးရုပ်က မြင်းမစီးဘူးကွ သတိထားမိလား”
“ဟုတ်ကဲ့ အဘိုး ၊ သား ကိုတောင် မှ အဲဒီရှေ့  မှာ လေးလေးကြီးဓါတ်ပုံရိုက်ပေးသေးတယ်လေ”
“အေးပေါ့ ကွာ ...အဲဒီ လို ဗိုလ်ချုပ် မတ်တပ်ကြီးဖြစ်နေတာရှေ့ မှာ မင်း ဓါတ်ပုံရိုက်ခွင့်ရခဲ့တာ ကံကောင်းတယ်မှတ် ပုံပြင်က အဲဒါနဲ့ဆက်စပ်နေတယ် ဒါပေမယ့် ဒီပုံပြင်ကအဘိုး လဲ သူများပြောပြခဲ့လို့ ကြားဖူးတာ
ပုံပြင်ရဲ့ မူလ ပိုင်ရှင်ကတော့ ဗိုလ်မှူးသော်က ပဲ ကွ တပ်မတော်(ရေ) က ”
အဘိုးက စကားအရှည်ကြီးပြောပြီး ကျနော့် ညာဘက်လက်ကိုလှမ်းကိုင်ကာ ပုခုံးသားကိုနှိပ်နေရာမှ သူ့ လည်ကုတ်ပေါ်သို့ တင်ပေးလိုက်၏၊ ယပ်တောင်ကိုခပ်ကာ ဖင်တချက်ကြွလျှက် “ဘူ..........” ကနဲနေအောင်သံရှည်ဆွဲကာ
လေလည်လိုက်သေး၏။


.................................................
နိုင်ငံတော်အကြီးအကဲတဦး ဖြစ်သော ဦးမောင်မောင်ခ သည် ဘောရစ်ဘက်ကာ လို တင်းနစ်သမားများဝတ်သော ဘောင်းဘီ အဖြူ အရောင်နုနုဖြင့် ရှူးဖိနပ် အိအိကိုစီးကာ စပို့ ရှပ် အကောင်းစား ကိုဝတ်လျှက်
သဘက်ကလေး ပုခုန်းပေါ်တင်၍ ဗိုလ်ချုပ်ကြေးရုပ် တ၀ိုက်မနက်တိုင်း ပတ်ပြေးနေကြဖြစ်၏။

ယနေ့ မနက်လည်း ထုံးစံအတိုင်း ကျန်းမာရေးအတွက် ရွရွလေးပြေးနေ၏။
“ဟေ့ကောင် မောင်မောင် ခ ”
ဦးမောင်မောင်ခ လန့် သွားသလိုဒေါသလဲထွက်သွား၏။
လူငယ်တယောက်၏ အသံဖြင့် သူကဲ့သို့ အကြီးအကဲကို မောင်မောင်ခဟု ဘယ်သကောင့်သားခေါ်သနည်း။
“ဘယ်သူလဲကွ ငါ့ကိုမောင်မောင်ခလို့ခေါ်တာ”
ဒေါနှင့်မောနှင့်ပြန်မေးလိုက်ကာ လိုက်ကြည့်တော့ဘယ်သူမှမရှိ...။

“ဟေ့ကောင် မောင်မောင်ခ မင်းကန်းနေသလား ငါခေါ်နေတာကွ”အသံက အထက်မှလာ၏။
ဦးမောင်မောင်ခ မော့ကြည့်လိုက်တော့ မျက်နှာထားတင်းတင်းဖြင့်ဗိုလ်ချုပ်က သူ့ ကိုငုံ့ကြည့်နေ၏။

“ဗိုလ်ချုပ် ...ဗိုလ်ချုပ်စကားပြောတာလား”
“ အေး ဟုတ်တယ် ၊ ငါညောင်းတယ်ကွ မောင်မောင်ခ ”
“နှိပ်ပေးရမလားဗိုလ်ချုပ်”
“ ဖားလိုက်တာလဲ ပြာနေတာပဲ နှိပ်ပေးခိုင်းနေတာမဟုတ်ဘူး ကွ ငါဘယ်တုန်းက ဇိမ်ခံဖူးလို့ လဲ”
“ဒါဆို ဘာလုပ်ပေးရမလဲဗိုလ်ချုပ်”
“ငါညောင်းတယ်ကွ ငါမြင်းစီးချင်တယ်”
“ကောင်းပါပြီ ဗိုလ်ချုပ် ဖြစ်စေရပါမယ်” ဦးမောင်မောင်ခ ကတိပေးပြီး အိမ်သို့ ကုတ်ချောင်းချောင်းဖြင့်ပြန်လာခဲ့၏။

လမ်းတွင် ကိုယ်ရံတော်များ သက်တော်စောင့်များအားတခွန်းမှ ကားထဲတွင်စကားမပြောတော့။
အိမ်သို့ရောက်သောအခါ ရေချမ်းချမ်းလေး တခွက်တောင် မသောက်နိုင်ပဲ ဦးစန်းယု ကို ဖုန်းဆက်ပါတော့၏။
“ဟယ်လို ..ဦးစန်းယုလား မောင်မောင်ခ ပါ ..ဟုတ်ကဲ့ အရေးကြီးလို့ ဗျာ ဦးစန်းယုကို ဖုန်းပေးလိုက်ပါ နှိုးပေးပါ ဟုတ်ကဲ့ ...အင်း...ဟုတ်ကဲ့...ဟုတ်ကဲ့... ”
“ဘယ်လိုဖြစ်တာလဲဗျာ စောစောစီးစီး ရေးကြီးသုတ်ပြာ ဗကပတွေ ရန်ကုန်ဝင်စီးလို့ လား ”
“မဟုတ်ဘူးဗျို့..ကျုပ် မနက်က ကန်တော်ကြီးပတ်ပြေးတာ ဗိုလ်ချုပ်ကြေးရုပ်ကစကားပြောတယ်ဗျ”
“ဘယ်လို ...ဘယ်လို ဗိုလ်ချုပ်ကစကားပြောတယ် ဟုတ်လား” ဦးစန်းယုစိတ်ထဲတွင် ပဲပြုတ်နှင့်နံပြား တော့ တောင်းပြီထင့် ဟု တွေးလိုက်မိ၏။
“ဟုတ်တယ်ဗျို..ဟုတ်တယ် မြင်းစီးချင်တယ်တဲ့ ဗျ”
“ဟေ့ မဟုတ်တာဗျာ ပေါက်တတ်ကရ” ဦးစန်းယု စိတ်မရှည်တော့ ဖုန်းချရန်ပြင်၏။
“ဦးစန်းယုရေ မယုံရင် ခင်ဗျားကိုယ်တိုင်မနက်ဖြန်မနက် လိုက်လာခဲ့ မပြောမရှိနဲ့”
“အေးဗျာ ကြားကြားဖူးပေါင် ခင်ဗျားပြောတာဆိုတော့လဲ မနက်လိုက်ရတော့မှာပေါ့”

.....................................................................................................

ဝေလီဝေလင်း မနက်စောစောတွင် ဦးမောင်မောင်ခနှင့် ဦးစန်းယုနှစ်ယောက်သား ဗိုလ်ချုပ်ကြေးရုပ်ကို ပတ်၍ ပြေးနေကြ၏
ဗိုလ်ချုပ် ထံမှ စကားသံထွက်မလာသေး။ ပဲပြုတ်သည် ပဲပြုတ် အစိတ်သားခန့်  စက္ကူကန်တော့ လေးထဲထည့်ပြီးချိန်လောက်အကြာတွင်တော့
“ဟေ့ကောင်တွေ ....ဒီနေ့ မင်းတို့ က နှစ်ယောက်ပါလားကွ”
ဦးစန်းယု မရှိမယ့်ရှိမယ့် ဆံပင်မွှေးများထောင်ကုန်၏ အီးပါချင်သလိုလို သေးပေါက်ချင်သလိုလိုဖြစ်လာ၏ ပြီးတော့တဆက်ထဲပင် သတိပါဖမ်းဆွဲမိသွားပြီး “ဟုတ်ကဲ့ပါဗိုလ်ချုပ်”
“အေး ..ငါညောင်းတယ်ကွ မြင်းစီးချင်တယ် ကြားလား”
“ဟုတ်ကဲ့ပါဗိုလ်ချုပ် ဖြစ်စေရပါ့မယ်” ဟု သံပြိုင်ဖြေလိုက်ကြကာ နှစ်ဦးသား ကုတ်ကုတ် ကုတ်ကုတ်ဖြင့် အိမ်အပြန်လမ်းတွင်တိုင်ပင်လာခဲ့၏ ။ “နံပါတ်ဝမ်းကြီးကိုတော့အသိပေးမှဖြစ်မယ် ”
ဟု ဦးစန်းယုကအဆိုတင်သွင်းသောအခါ...
ဦးမောင်မောင်ခက“ ဥက္ကဌကြီးသိမှဖြစ်မယ်ဗျ ဟုတ်တယ်” ဟု ထောက်ခံလိုက်၏ ။ သို့ ကလို ဆရာများက မြန်မာ့နည်းမြန်မာ့ဟန်ဖြင့် အဆိုတင်သွင်းကာ ရှယ်ယာခွဲပြီး လစ်နေကြဆိုတော့ အလုပ်ကိုဖြစ်နေကြ၏။
သို့ဖြင့် ဦးမောင်မောင်ခနှင့်ဦးစန်းယုတို့  သည် ဗိုလ်ချုပ် ညောင်းတော်မူသည့်ကိစ္စကို မယားများကြားဗျာများနေသော ဥက္ကဌကြီး ဦးနေ၀င်းအားမည့်အချိန်ကို စနည်းနာကာ တင်ပြလိုက်ကြ၏။
ဦးနေ၀င်းက မယုံ သူပါလိုက်မည်ဆိုလာပြန်သဖြင့် နောက်နေ့ မနက်စောစော ဦးနေ၀င်း ပါ ပါလာမည့်အတွက် လုံခြုံရေး ထပ်မံချရန် ညွှန်ကြားကြရပြန်၏။
...................................................................................................................
မနက်စောစော သုံးယောက်သား ဘောင်းဘီတိုများ ဖြင့် ဗိုလ်ချုပ်ကို ပတ်ပြေးနေခဲ့ကြသည်မှာ တော်တော်ကြာခဲ့ပြီ ဦးနေ၀င်းဆာလှပြီ ဦးမောင်မောင်ခနှင့် ဦးစန်းယုလဲ ပြာလှပြီ ။
ဗိုလ်ချုပ်ကျောက်ရုပ်က စကားတခွန်းမှမထွက် ... နေလည်းအတော်မြင့် ပြီ ဦးနေ၀င်း ဒေါသူပုန်ထကာ ဦးစန်းယုနှင့် ဦး မောင်မောင်ခ အား ငါ ချင်းမအေချင်းမိုးမွှန်အောင်ဆဲဆိုပြီး
ပြန်သွားတော့၏။ ဦးမောင်မောင်ခနှင့် ဦးစန်းယုလဲမျက်နှာငယ်လေးများဖြင့် အိမ်သို့ ပြန်ကြတော့၏။
အိမ်အပြန်လမ်းတွင် ဦးမောင်မောင်ခနှင့်ဦးစန်းယုတို့ မကျေနပ်ကြ ဗိုလ်ချုပ် ကတော့ သူတို့ ကို ချောက်ချတာပဲဟု တွေးကာ ၀မ်းနည်းနေကြရင်း နောက်ထပ် တခေါက်နှစ်ယောက်ထဲ ထပ်သွားရန် ဦးမောင်မောင်ခ မှ အဆိုတင်သွင်းပြီး
ဦးစန်းယုကထောက်ခံကာ သဘောတူလိုက်ကြ၏ ။

...........................................................................................................................

မနက်စောစောတွင် ဦးမောင်မောင်ခ နှင့်ဦးစန်းယုနှစ်ယောက်သား ဗိုလ်ချုပ်ကြေးရုပ်ရှေ့ ကျောက်သမံသလင်း ကြမ်းပြင်ပေါ်သို့ ခြေမှမချခင် ဗိုလ်ချုပ် ၏ ကြိမ်းမောင်းသံကိုကြားလိုက်ရသဖြင့် လန့် သွားကြ၏။
“ဗိုလ်ချုပ်ရယ်မနေ့ က ကျနော်တို့ ကို တမင်သက်သက် အချွန်နဲ့မလိုက်သလိုပါပဲလား ဗျာ ” ဟု ဦးစန်းယုက မရဲတရဲ ငြီးပြောပြောလိုက်သောအခါ
ဗိုလ်ချုပ်က“ ဟေ့ကောင် စန်းယု နဲ့မောင်မောင်ခ ၊ ငါ မင်းတို့ ကိုပြောတာ က မြင်းစီးချင်တယ်ပြောတာ မင်းတို့ခေါ်လာတာက နွားကြီးကိုကွ ” ဟု ဒေါနှင့်မောနှင့်ပြောလိုက်ပါတော့သတည်း။

..............................................................................................................................................

ပုံပြင်ဆုံးသွားသောအခါ အဘိုးသည် “တဟားဟားရယ်ရင်း အဲသလို ငါ့မြေးရေ ငါတို့တိုင်းပြည် အုပ်ချုပ်နေတဲ့ ကောင်က နွားဆိုတာ လူမပြောနဲ့ အသက်မဲ့ တဲ့ကြေးရုပ်ကတောင်သိတယ်ကွ ”
ဟုပြောရင်း သူ၏ လေးလံ သော ခန္ဓာကိုယ်ကြီးဖြင့် ဖြေးဖြေးလေးလေးထကာ စစ်သဘက်လေးဖြင့် သူ့ လက်ဖျံသို့ပုတ်လိုက်ရင်း ခြံရှေ့ တံခါးပိတ်ရန်တရွေ့ရွေ့ဖြင့် ထွက်သွားပါတော့၏။








ငြိမ်းဇေဦး

အခါတော်ပေး နတ်မရေးသော်

ဆံပင် အနက်ရောင်တလွင့်စာ ကြာတော့ကြာခဲ့ပြီ….။
အဲဒီနေ့က ဘုရားမုဒ်ဝမှာ စက်ဘီးလေးတွေကိုယ်စီရပ်လို့ အုတ်ခုံ ပလက်ဖောင်းလေးပေါ် တန်းစီထိုင်ကြရင်း ဘုရားဝန်းရှေ့ စာအုပ်အငှားဆိုင်သို့ လာကြသော မြို့ ဂုဏ်ဆောင် ဗိုင်းကောင်းကျောက်ဖိလေးများ ကို တာဝန်အရ ငေးရင်း ထုံးစံအတိုင်း စကားတွေပြောဖြစ် တိုင်ပင်ဖြစ်ကြ၏။

ကွမ်းသမားက ကွမ်းယာ ထုတ်ကို ဖြေကာ ဗမာဆေး နှင့်အာမွှေး ပါသော ကွမ်းယာကို လက်ကမ်းပေး၏ ၊ ဆည်းလည်းသံတို့ က တချွင်ချွင် ခပ်ဝေးဝေး ဘုရားပရ၀ဏ်အတွင်း တနေရာမှ တစုံတစ်ယောက်၏ ဆုတောင်း ခေါင်းလောင်းထိုးသံကလဲ ကားသံ လူသံ မြင်းလှည်းသံတို့ ကြားသို့ဖောက်ထွက်လာ၏ ၊ သူ့ ဆုတောင်း ဘယ်လောက်ပြည့်မည်ကိုတော့
ဘယ်လိုဆုမျိုးကို ဘယ်လို ကာလအတွက်သူတောင်းခဲ့သည်ဆိုသောအပေါ်မူတည်၍ ဆုတောင်းသူနှင့် ဘုရားသာသိပေလိမ့်မည်။

ဂျူဒိုချန်ပီယံ က “မရိုးမရွဖြင့် လက်ဖက်ရည်ဆိုင်သွားကြမယ်ကွာ”
“ပိုက်ဆံပါဘူးကွ” လို့ ပြန်ပြောလိုက်တော့
“ငါ တိုက်ပါ့မယ်ကွာ မင်းကလဲ သွားကြမယ်” ဟု ဂျူဒို ချန်ပီယံ ကပြန်ပြော၏။

အမှန်တော့ လက်ဖက်ရည် ဆိုင် ဆယ်ခါထိုင်လို့ ကျနော်ဆိုတဲ့ကောင်က တခါ မတိုက်နိုင်တဲ့ကောင် နောက်တော့ အားလုံးထဲတွင် ရည်းစားလဲ တခါမှ မထားဖူး ထားရန်လဲ အစီအစဉ်မရှိသည့်ကောင် ၊ ရည်းစား စာပေးကြည့်ဖို့လဲ တီထွင်ဥာဏ်မစူးရောက်ခဲ့ မွဲလှသည့် ဘ၀လေးမှာ တခါထဲ အမဲရိုး နှယ် ဟင်းအိုးမှ အားမနာဟု ပစ်ပစ်ခါခါပြောခံလိုက်ရလျှင် မတွေးရဲ သတ္တိမရှိ ထို့ ကြောင့်လဲဖြစ်သည်၊ ဆိုင်ထိုင်တိုင်းလဲ
သူငယ်ချင်းများက သာ တိုက်သွားကြသည်မှာများ၏ မွဲခဲ့ပုံက အဲသလိုပါ။


လက်ဖက်ရည်ဆိုင်တွင် လက်ဖက်ရည်မှာသောက်ပြီးတော့ ခဏ သီချင်းနားထောင်ကြ၏။
ပြီးတော့ အုပ်စုလိုက် စက်ဘီးလေးများဖြင့် ဘုရားကြီးဖက်သို့ပြန်နင်းလာကာ စောစောက ထိုင်ခဲ့သော နေရာလေးတွင်ပင်ပြန်ထိုင်ဖြစ်ကြ၏။

“ ပပ တို့ ပြောင်းတော့မယ်ကွာ” ဟု စာရေးဆရာ လိုလို ပန်းချီဆရာလိုလို ဘုရားဒကာပေါက်စ က ပြော၏။
“ဟာ ဒါဆို မင်းတို့ဝေးပြီပေါ့ကွ ၊ တခုခုတော့မင်း လုပ်သင့်တယ်နော်” အမြဲတန်းစကားပြောတိုင်း ရယ်တတ်သည့် ရိုးလွန်းလှသည့် ကွမ်းသမားက စပြီးပြောလာ၏။
“အေးကွာ ငါဘာလုပ်ရမှန်းမသိဘူး ” ဘုရားတကာပေါက်စက စကားအဆုံးမှာ ကတ္တရာလမ်းအစပ်မှ ခဲလုံး သေးသေးလေးများကိုကောက်လျှက် လမ်းမပေါ်သို့ တချက်ခြင်း ပစ်နေ၏။
“ ဒါများလွယ်ပါတယ် ..ငါတခုမေးမယ် ကွ အဲဒါမင်းသေချာစဉ်းစားပြီးဖြေ”
ကျနော်က ဆရာကြီးလေသံဖြင့် ဘုရားတကာကိုမေးတော့ ဘုရားတကာက “အေးပြောဘယ်လိုလုပ်မလဲ” ဟု အားကိုးတကြီးမေးလာ၏။

“မင်း.. ပပကို ယူနိုင်သလား ”
“အေး ယူနိုင်တာပေါ့ကွာ သိပ်ချစ်တာပဲ ခြောက်တန်းကတည်းကဖြစ်လာတာမင်းကလဲ”
“ဟုတ်ပြီ ဒါဆိုရင် ဒီလိုလုပ်ကြမယ်” စကားကို ခနရပ်ကာ
ဗမာဆေးနည်းနည်းများသွားသဖြင့် စပ်ပူပူနိုင်လှသော ကွမ်းယာကို ထွီကနဲထွေးထုတ်လိုက်ရင်း အိတ်ကပ်ထဲမှ ဆေးပေါ့လိပ်တလိပ်ကိုထုတ်လိုက်၏။

“ဟကောင်ရယ် ပြောမယ့်ဟာပြောစမ်းပါ ဈေးက ကိုင်နေသေးတယ်” ဂျူဒိုချန်ပီယံက မနေနိုင်တော့ ၀င်ပြောလာ၏။
“ဟကောင် ဈေးကိုင်နေတာမဟုတ်ဘူး မူနေတာမဟုတ်ဘူး ဒီကိစ္စမျိုးက သေချာရတယ် တိကျရတယ် နောက်မို့ အကုန် မြွေခြောက်ကိုက်သွားနိုင်တယ်ကွ” ဟု ဖြဲခြောက်လိုက်ပြီး ဆေးလိပ်မီးကို ညှိလိုက်၏။

“ဒီလိုလုပ်ရင်တော့ ကွက်တိ လုံးဝကျိန်းသေဖြစ်ရမယ် ကွ စိတ်ပညာသဘောအရ” ဟု စကားကိုအစချီလိုက်၏။
“ မင်း ပပ ကိုချိန်းတွေ့ဖို့  တောင်းဆိုရင် သူလိုက်လျောနိုင်မလား”
“ကြိုးစားကြည့်ရမှာပေါ့ ၊ သူက တော့လိုက်လျောမှာကျိန်းသေပါတယ်ကွ”
“အေး…ဟုတ်ပြီ ဒါဆိုရင် အင်္ဂါနေ့ မှာ ချိန်းရမယ် ”
“ဟေ ချိန်းပြီးတော့ဘယ်ခေါ်မလဲ”
“ခေါ်ရမှာက တို့ မြို့အရှေ့ဖက်ကရွာကလေး ကိုခေါ်ရမယ် ”
“ဘယ်ရွာလဲကွ”
“ ကရင်ရွာနားကရွာလေကွာ တဇောင်းကြီးကုန်းကိုပေ့ါ”
“ဟား..ဟား မင်း ဟာကလဲဟုတ်သေးပါဘူး ”
“အော် ငါ့နှယ် ခက်ပါလား အဲဒါ အသေအချာ အကွက်ချပြီးတော့ကို ငါ ရွေးပေးနေတာ မင်း မယုံဘူးလား မယုံရင် ငါ့အစီအစဉ်အတိုင်းမလုပ်နဲ့”
“ဟ ယုံပါတယ်ကွာ ဆက်ပြောပါမင်းကလဲ”
“အေး အဲဒီရွာကိုခေါ် ကောင်းတာကတော့ နေ့လည် မရောက်တရောက်ပေါ့ကွာ အဲဒီရွာက မင်းတို့ အိမ်မှာအလုပ်လုပ်တဲ့ ကရင်ကြီး အိမ် ကို ခနတောင်း ရမယ် ပေးပါ့မလား”
“ဟ ပေးတာပေါ့ကွ သူနဲ့ငါနဲ့ က ညီအကို လိုပဲကို”
“အေး ဟုတ်ပြီ ဒါဆိုရင် မင်း ပပ ကိုခေါ်သွားရမယ် ပီကေ၀ယ်သွားပါ ၀ါးသွားပါ ထပ်ပြီးတော့ လဲ များများဆောင်သွားပါ အဖော် တယောက်မှ သူ့ဖက်က မပါစေနဲ့
မင်းဖက်ကလဲ အဖော်တယောက်မှ မပါစေနဲ့ ကိစ္စက လုံး ၀ စိတ်ချရတဲ့ ဆိတ်ကွယ်ရာကိုဖြစ်နေရမယ်၊ ရွာကိုရောက်တာနဲ့ မင်း က သူ့ ကို အသံ တိုးနိုင်သမျှ တိုးပြီးပြော ဖြေးဖြေးလေးပေါ့ကွာ ဖီးလ်သံနဲ့ ”
“ဟီး….ရှက်စရာကြီးကွ”
“အောင်မယ် စပ်ဖြဲဖြဲလုပ်မနေနဲ့ အဲဒါထိရောက်တယ်ကွ ၊ စကားကိုဖြေးဖြေးလေးပြောပြီး သူ့ကို တဖြေးဖြေး မင်း ဆွဲဖက်လိုက် ဖြေးဖြေးလေးနော် ခွင့်တောင်းရတဲ့အမျိုးထဲမှာချစ်သူကိုဖက်တာမပါဘူး အထူးသဖြင့် ချစ်ဦးသူတွေအတွက်ပေါ့ကွာ အဲဒါက အလိုလို လိုက်လျောပြီးသားတွေ”
“ တော်ကြာပါးကျိုးနေပါဦးမယ် ကွာ” ဂျူဒိုချန်ပီယံက ကြားက ၀င် စကားထောက် လာ၏။


“ဟကောင် ..မင်း စော်နဲ့ချိန်းတွေ့တိုင်း ဘယ်သူ ပေးတဲ့အကြံနဲ့ မင်း ရေတွေဆာလာတာလဲပြောစမ်း”
“အေးပါ အေးပါ ငါ ကပြောပြတာပါ ” ဂျူဒိုချန်ပီယံက စကားနဲရန်ဆဲပြောပြီး သူ့မျက်နှာနားဝေ့ ဝဲလာသော ဆေးလိပ်ငွေ့ များကို လက်ဖြင့် ခါထုတ်နေ၏။

“ဆက်ပြောပါဆရာရယ် အားကိုးပါတယ် ” ဘုရားဒကာပေါက်စက မရိုးမရွ ထပ် တောင်းဆိုလာတော့ ဆေးလိပ်ကို မီးသတ်ကာ မတ်တပ်ထလျှက် စက်ဘီး လက်ကိုင်တွင် ညှပ်လိုက်ရင်း လမ်းပေါ်မှ စက်ဘီး နှစ်စီးဖြင့် တမင်သက်သက် ပဲပေးကာ ခြေခွင် လျှက် နင်းလာသော ကျူရှင် ပြန် ဗိုင်းကောင်းကျောက်ဖိလေးနှစ်ယောက်ကို လှစ်ကနဲကြည့်လိုက်၏။
“ အေး အဲဒီလို မင်းက သူ့ ကိုဖက်လို့ ရပြီဆိုလို့ ကတော့ အသာလေးဖက်ထား လက်က အသေလိုမနေနဲ့ လော်ကယ်ရထားရှန်တိန်လုပ်သလို မင်းလက်တွေက အထက်အောက်စုန်ဆန်ခပ်မှန်မှန်လေးပြေးနေရမယ် နားလည်လား”
“ဟုတ်ကဲ့ဆရာ”
“အေး အဲသလိုလုပ်နေရင်း သူ့ နား ရွက်နားလေးကိုသေချာကို ကပ်ပြီးတော့ ပါးစပ်နဲ့တေ့ ပြီးရင် လေသံလေးနဲ့မေး .. ပပ ဒီနေ့ဘာနေ့လဲ ဟင်လို့ ၊ သူက သိရင်ဖြေမယ် အင်္ဂါနေ့ မသိရင် မင်းကသေချာ သူဖြေနိုင်အောင် မနေ့က တနင်္လာကွာ ဒီနေ့ဘာနေ့လဲဟင်.. လို့ မေး “ဟင်” ဆိုတဲ့နေရာရောက်ရင် အသံကို တိုးနိုင်သမျှတိုးပြီးလျှော့ချရင်းမေးနော် နှာဘူး သံလို့ ခေါ်တာပေါ့ကွာ ၊ အဲလိုမေးလို့  သူက အင်္ဂါ နေ့လေ လို့ ပြောရင် သူ့မျက်နှာလေးကိုသေချာကြည့်ပြီး ဘာအင်္ဂါလဲဟင် လို့ တမင်ကို ပြုံးဖြဲဖြဲနဲ့မေး အဲဒါဆို သူက ရှက်ပြုံးပြုံးလာမယ် မင်း စော် ဒုန်းမဝေးဘူး သိလား” နည်းနည်းစကားပြောရတာမောတော့ရပ်လိုက်ရင်း ကွမ်းသမားဆီက နောက်ထပ်ကွမ်းတယာ လှမ်းတောင်းလိုက်ကာ ပါးစပ်ထဲအပြည့်ထိုးထည့်လိုက်ရင်း ခဏ ၀ါးနေလိုက်၏။

“ ဆက်ပြောပါကွ မင်းက သိပ်အိုက်တင်ခံတာပဲ” ဟု ဂျူဒိုချန်ပီယံက ပြောပြန်၏။
“ဟကောင် မင်း စော်နဲ့ တွေ့ ဖို့ အကြံပေးနေတာမဟုတ်ဘူး မင်းငြိမ်ငြိမ်နေ” ဟု ပလုတ်ပလောင်း ပါးစပ်ဖြင့် ပြန် ပြောလိုက်ရင်း ဘုရား ဒကာပေါက်စ ဖက်လှည့်ကာ“ အေး ..ပြီးတာနဲ့ မင်းက ထပ်မေးရမှာက ပပ ဒီရွာနာမည်ဘာလဲသိလားဟင်လို့ မေး၊ သူက သိတယ်ဆိုရင် ပါးစပ်နဲ့အသံထွက်ဖြေခိုင်း မသိဘူးဆိုရင် မင်းက တော်ပါပြီ ပြောမပြတော့ဘူး လို့ ပြော ဒါဆို သူက သိပ်သိချင်လာမယ် သိပ်သိချင်လာတဲ့ပုံမပေါက်ရင်တော့ မင်းက ပြောကိုပြရမယ် အေးလေ ဘာပဲဖြစ်ဖြစ် မင်းက တဇောင်းကြီးကုန်း လို့  အသာလေး ပြောလိုက် ပြီးရင် ပပ ရှေ့အပတ် အင်္ဂါအားလား ဟင် လို့ မေး သူ က ကြောင်တောင်တောင်ဖြစ်ချင်ဖြစ်သွားမယ် အဲဒီအခါ မင်းက လဲ ရိုးရိုးသားသားမေးတာမဟုတ်ဘူးဆိုတဲ့ မျက်နှာ နဲ့နေ သူက မကြောင်ပဲ ဓါတ်ပေါက်သွားလို့ ရှက်သွားရင် ပပ ရယ် အရမ်းချစ်တယ် မခွဲနိုင်ဘူးဆိုပြီး သူ့ နဖူးလေးကိုနမ်း ပြီးရင်တော့ နှုတ်ခမ်းကို နမ်း ရမယ် သူ ပြန်နမ်းလာမယ် ပြီးရင် မင်း သူ့ ကို အသာတကြည်လေးတောင်းပေတော့ အလုပ်ဖြစ်ကိုဖြစ်ရမယ် ကွာ”
“အေး ဟုတ်ပြီ မင်းပြောတဲ့အတိုင်းငါလုပ်မယ်”

-----------------------------------

ရာသီတို့ပြောင်းလာခဲ့ပေပြီ။ နှစ်တို့ ကြာခဲ့ပြီးနောက်မှ သူငယ်ချင်းချင်း ပြန်တွေ့ ဖြစ်တော့ စကားများစွာ ပြော ဖြစ် ကြရင်း ထိုကိစ္စလေးသို့ရောက်သွား၏
“ မင်းပြောသလိုငါအကုန်လုပ်တယ် ကွာ အားလုံးအဆင်ပြေတယ် နောက်ဆုံးမှာ ပပ ကပြောတယ်ကွာ ကိုကို သိပ် ဆန္ဒရှိရင်တော့ ယူပါ ဒါပေမယ့် ပပ ကိုသိပ်ချစ်ရင်တော့ အချိန်ကိုစောင့်ပါကိုကိုရယ်တဲ့…” သူ့ စကားဆုံးတော့… နွေည လရောင် အောက်မှ ညောင်ပင်အိုကြီးသည် လေရူးဝှေ့ သမျှ သစ်ရွက်တို့ တဝေါဝေါမြည်သံဖြင့် ….။

“ ဆိုတော့.. အလုပ်မဖြစ်လိုက်ဘူးပေါ့” ကျနော်က သိပ် မထူးဆန်းတော့သလို နောင်တရစရာမလိုသလို ခပ်အေးအေးမေးလိုက်၏
“အေးပေါ့ကွာ ငါ မလုပ်ရက်ဘူးလေ ဒါနဲ့ ငါတို့လဲပြန်လာခဲ့ကြတယ်”
“အေး ကောင်းပါတယ် မလုပ်ဖြစ်တာ တကယ်တော့ ” ကျနော် ထိုမျှ သာ ပြန်ပြောပြီးတော့ ဂစ်တာလေးကို သာသာဖွဖွလေး တို့ ထိကစားကာသက်ပြင်း တလွှာခြွေချလိုက်မိ၏။
…………………………………….

“ဟေ့ကောင် … မင်းနှယ်ကွာ နေနိုင်လိုက်တာ ဖုန်းလဲမဆက် စာလဲ မရေး
ခြေရာဖျောက်သွားလိုက်တာ ငါတို့ လင်မယားမှာတော့ မင်းအကြောင်းပြောရ သတိတွေရ လို့  မင်းတော်တော်နေနိုင်တဲ့ကောင်” ဘုရားဒကာ လူမိုက် ဖြစ်သွားပြီဖြစ်သော သူငယ်ချင်းက ပြောလာတော့ “အေးကွာ ငါလဲ ဒီလိုပါပဲ ခုမင်းဘယ်လိုလဲကွ အဆင်ပြေလား ”
“အေးကွ အငယ်ဆုံး သမီးလေးရတယ်ကွ ယောက်ခမကြီးဝင်စားတာလေ အကြီးနှစ်ကောင်ကတော့ အေးဆေးပေါ့ကွာ အငယ်မက တအားငိုတယ်ကွ”
“အေး ဟုတ်လား ငါ့တူမက မင်းသမီးဖြစ်ချင်လို့ အငိုကျင့်နေတာဖြစ်မှာပေါ့ကွာ”
ထိုညက နာရီပေါင်းများစွာ စကားတွေ ပြောပြီး သူလဲ ဖုန်းချ ကိုယ်လဲ ဖုန်းချ ကာ အတိတ်သို့ ပြန်လည် လည်ပတ်ခြင်း ခရီးစဉ်လေးဆွတ်ပျံ့စွာ ပြီးဆုံးသွားခဲ့၏။

ကျနော်သည် ဖြေးဖြေးလေးလေးဖြင့် ထမင်းစားခန်း သို့သွားကာ စားပွဲပုလေးပေါ်တွင် အုပ်ဆောင်းသေးသေးလေးဖြင့် အုပ်ထားသော ပဲဟင်းလေးနှင့် ၀က်သားဟင်းလေးကို နွှေးကာ တယောက်ထဲ တိတ်ဆိတ်စွာ စားသောက်နေမိ၏။


ထိုအချိန်တွင် အလွန် ချစ်စဖွယ်ကောင်းပြီး လှပ ရိုးသားသည့် ကျောင်းစိမ်းစကတ်ကလေးဝတ်ကာ
သနပ်ခါးပါးကွက်ကြားဖြင့် ပျော်ရွှင် ခဲ့ဖူးသော ကောင်မလေးတယောက်သည်လည်း မန္တလေးမြို့ တနေရာတွင် သူ့ သူငယ်ချင်းတယောက်နှင့် သူ့ ချစ်သူ အကြောင်း သူ့ စိတ်ထဲတွင် တွေးဖြစ်ခဲ့မည်ဆိုပါလျှင်………………………………….။

ငြိမ်းဇေဦး