Sunday, July 20, 2008
တချို့တွေ လိုအပ်တဲ့ယောက်ျားဖြစ်နည်း
ပိန်းကြာဖက်ပေါ် ရေသွန်ချသလိုပါပဲလား
ကြားရဖန်များတော့အသံတွေက နားဝမှာလျှံလျှံကျသွားလိုက်တာ။
ခွေးလှေးဂျပိုးစိတ်နဲ့ အတိတ်ဆိုတာကိုလာတူးဆွချင်ကြသလား
မင်းမှာသိက္ခာတမတ်သား ရှိရင်လာခဲ့
ဘ၀ကို ချွတ်ချပြီး မတ်တပ် ကော့ရပ်ပြမယ်။
ဂရုစိုက် တတ်ခဲ့ရင်
နာကျင်တတ်တယ်ဆိုတာ ထထအော်ဖို့အကြောင်းမရှိဘူး
ဒူးတုန်တတ်ရင်
ဖူးငုံသမျှတွေခူးဖို့ အမြင့်မတက်ဘူး ။
ဘ၀မှာညစာအတွက် အရသာပျက်လောက်အောင် ရုန်းခဲ့ဖူးတယ်
အားလုံးကို ခပ်ပြုံးပြုံးနဲ့ ကြည့်ဖူးတဲ့ငါ့မျက်လုံးထဲမှာ
ဘယ်တော့မှ အမုန်းတွေမပါဘူး
မင်းဘာလဲ ငါဘာလဲ
မင်းအခြေအနေဘာလဲ ငါ့အနေအထားဘာလဲ
မင်းလဲမင်းကိုယ်မင်းသိတယ်
ငါလဲ ငါ့ကိုယ်ငါသိတယ်
ဖရိုဖရဲ စာရိတ္တနဲ့ သိပ်မရွနဲ့ငါ့လူ
လူတိုင်းကိုယ့်အပူနဲ့ကိုယ်ကွ..............။
ငြိမ်းဇေဦး
Subscribe to:
Post Comments (Atom)
No comments:
Post a Comment