Friday, October 16, 2009

သုံးစွဲသူများ



ချစ်ပြကြတယ်
အသည်းအသန်ချစ်ပြကြ....

ခြေမွေးမီးမလောင်
လက်မွေးမီးမလောင်နဲ့
တချိန်တုန်းက တော့ ကိုးမားရောဂါသည်တွေလိုပေါ့.....

အဲသည်တောင်ကုန်းပေါ်က
ရေခဲတဲ့ဆောင်းညတွေကိုသူတို့ မသိပါဘူး

မျှော်လင့်စရာ အောင်ပွဲကလွဲလို့
မနက်ဖြန်တောင်မကျိန်းသေတဲ့ တိုက်ပွဲတွေကြားလဲ
သူတို့မရှိခဲ့ပါဘူး.......

အငတ်ငတ်အပြတ်ပြတ်နဲ့
လူသေဖိနပ်ချွတ်မှ ကိုယ်ချီတက်နိုင်မယ့်ဘ၀တွေလဲ
သူတို့မသိခဲ့ပါဘူး......။


ယမ်းနံ့တွေဟာ
ပန်းနံ့ဝေသလို နှစ်လိုဖွယ်မဟုတ်ဘူးဆိုတာလဲ
သူတို့ မသိခဲ့ပါဘူး....။

ခေတ်ကို
လိုသလို အသုံးပြုဖို့

ခြေနှစ်ချောင်းအောက်က ကိုယ်ရပ်နေရတဲ့မြေကို
လိုသလို အသုံးပြုဖို့

ကိုယ့်အတွက်
အကွက်ဝင်မယ်ဆို ဘာမဆို ရသမျှ
လိုသလိုအသုံးပြုဖို့

အဲဒီမှာ နှလုံးအတုနဲ့ရှင်သန်နေတဲ့သူတွေပေါ့.........
အပြုံးအတုတွေလည်း ပေးတတ်တယ်..........။


ငြိမ်းဇေဦး


No comments:

Post a Comment