Friday, July 20, 2012
ကျွန် ရောင်းပွဲ
အားလုံး..............
အကောင်းဆုံးအပြောသမားဆုတွေနဲ့ လူတွေက
ငါတို့ဘ၀တွေကို
ဆောက်လက်စအီဂျစ်ပိရမစ်အသစ်ကြီးဘေးက ကျွန်ပွဲမှာ
လက်ညှိုးထိုးရောင်းသလို
ဈေးစစ်ဖို့ တောင်မလို
အခွင့်အရေးလက်တညှိုလောက်အတွက်
ရင်ကော့လို့ ၊ ယုံကြည်မှုတွေပြည့်လို့
ကောင်းချီးသြဘာတွေညံလို့
ခပ်မြန်မြန်..........
ဇာတ်ဆန်ဆန် ရောင်းနေတယ်။
ငါတို့ထဲက
ကျွန်ပါးဝနေတဲ့ကျွန်တွေအတွက်တော့
သေသွားတဲ့ပဒေသရာဇ်တိုင်းရဲ့ ပိရမစ်ကို
ချစ်သည်ဖြစ်စေ မုန်းသည်ဖြစ်စေ
ကျောက်တုံးတွေဆစ်၊
ကျောက်တုံးတွေစီ
ကျောပြောင်ပြောင်မှာ အသားနီတွေလန် လို့ 
သူတို့ အတွက်တော့
ဒါ ထူးဆန်းတဲ့ လက်ပြောင်းလက်လွှဲမဟုတ်ဘူးရယ်ပေါ့။
ထူးထူးဆန်းဆန်းပဲ
ကျွန်ပွဲစားရဲ့ လေလံပွဲ
ဈေးပြိုင်တွေ ဆွဲနေကြချိန်မှာ
လေလံအောင်သူတွေအတွက်
အ၀ယ်ခံလိုက်ရတဲ့ကျွန်တွေအတွက်
မုဒိတာတွေပွား
အားတွေကျ
လက်ခေါက်တွေမှုတ်
လက်ခုတ်သံထောင်းလမောင်းနဲ့
ကိုယ့်ကိုကိုယ်ကူရောင်းနေကြရဲ့ ။ ။
ငြိမ်းဇေဦး
Subscribe to:
Post Comments (Atom)
No comments:
Post a Comment